<p><span style="color: #000000;"><strong>ភ្នំពេញ៖</strong> បន្ទាប់ពីទទួលបានការលើកលែងការផាក ពិន័យ ក្រុមអាជីវករលក់ទូរស័ព្ទគេចពន្ធ បានសម្រុកនាំគ្នាទៅ បង់ពន្ធលើទូរស័ព្ទរបស់ខ្លួនជាបន្តបន្ទាប់ ក្នុងនោះត្រឹមរយៈពេល ៥ថ្ងៃប៉ុណ្ណោះ ក្រុមអាជីវករបានស្ម័គ្រចិត្តចូលខ្លួន ទៅបង់ពន្ធលើទូរស័ព្ទគ្មានពន្ធបាន ២.៥១៣គ្រឿង គិតជាទឹកប្រាក់សរុបប្រមាណ ២០៣.០៧៨.៤២៧រៀល ស្មើ នឹងជាង ប្រមាណ៥ម៉ឺនដុល្លារ។</span></p>
<p><span style="color: #000000;">មន្រ្តីអគ្គនាយកដ្ឋានគយ និងរដ្ឋាករកម្ពុជា នៅថ្ងៃទី០៧ ខែវិច្ឆិកា ឆ្នាំ២០១៥នេះ បានប្រាប់មជ្ឈមណ្ឌលព័ត៌មាន ដើមអម្ពិលថា បន្ទាប់ពីទទួលបានការជូនដំណឹងរបស់អគ្គនាយកដ្ឋានគយ និងរដ្ឋាករកម្ពុជា កាលពីថ្ងៃទី៣០ ខែ តុលា ឆ្នាំ២០១៥កន្លងទៅ ដោយលើកលែងការផាកពិន័យរាល់ទូរស័ព្ទ ដែលកំពុងដាក់លក់នៅក្នុងប្រទេសកម្ពុជា ដែលគ្មានពន្ធនោះ ក្រុមអាជីវករលក់ទូរស័ព្ទគេចពន្ធ បានចូលខ្លួនទៅបង់ពន្ធ និងអាករជាបន្តបន្ទាប់។</span></p>
<p><span style="color: #000000;">មន្រ្តីអគ្គនាយកដ្ឋានគយ និងរដ្ឋាករកម្ពុជា ក៏បានអំពាវនាវដល់ម្ចាស់ទូរស័ព្ទ និងគ្រឿងអេឡិចត្រូនិក គ្មានពន្ធគ្រប់ ប្រភេទ ដែលមិនទាន់បានចូលទៅប្រកាសពន្ធ និងអាករដោយស្ម័គ្រចិត្ត ឲ្យរួសរាន់ទៅបំពេញកាតព្វកិច្ចពន្ធ ដើម្បី ទទួលបានការលើកលែងផាកពិន័យ។ អគ្គនាយកដ្ឋានគយ និងរដ្ឋាករកម្ពុជា ក៏បានកើតសរសើរ និងថ្លែងអំណរ គុណដល់ម្ចាស់ទូរស័ព្ទ និង គ្រឿងអេឡិចត្រូនិក ដែលបានស្ម័គ្រចិត្តចូលទៅបំពេញកាតព្វកិច្ចពន្ធ និងអាករ។</span></p>
<p><span style="color: #000000;">កាលពីថ្ងៃទី៣០ ខែតុលា កន្លងទៅនេះ អគ្គនាយកដ្ឋានគយ និងរដ្ឋាករកម្ពុជា បានសម្រេចលើកលែងការផាកពិ ន័យរាល់ទូរស័ព្ទ ដែលកំពុងដាក់លើទីផ្សារកម្ពុជា ដោយមិនបង់ពន្ធ តែបានដាក់កំហិតឲ្យក្រុមអាជីវករលក់ទូរស័ព្ទ មិនបង់ពន្ធនេះ ត្រូវចូលខ្លួនទៅបង់បំពេញកាតព្វកិច្ចពន្ធ និងអាករ ឲ្យចប់សព្វគ្រប់ត្រឹមរយៈពេល ១៥ថ្ងៃ គិតចាប់ ពីថ្ងៃទី៣០ ខែតុលា ឆ្នាំ២០១៥។</span></p>
<p><span style="color: #000000;">អគ្គនាយកដ្ឋានគយ និងរដ្ឋាករកម្ពុជា បានអះអាងថា ខ្លួននឹងតាមដានជាប្រចាំអំពីការអនុវត្តប្រព្រឹត្តកម្មអនុគ្រោះ នេះ ហើយអាចនឹងចាត់វិធានការជំរុញការ អនុវត្តច្បាប់គ្រប់ពេលវេលា ក្នុងករណីចាំបាច់។</span></p>
<p><span style="color: #000000;">ប្រតិបត្តិការប្រមូលពន្ធលើផលិតផលគេចពន្ធនៅលើទីផ្សារកម្ពុជា ពីសំណាក់អគ្គនាយកដ្ឋានគយ និងរដ្ឋាករកម្ពុជា បានធ្វើឡើង បន្ទាប់ពីសម្តេចតេជោ ហ៊ុន សែន បានក្រើនរំលឹកដល់អាជ្ញាធរ កម្លាំងប្រដាប់អាវុធ គ្រប់រាជធានី ខេត្ត-ក្រុង បញ្ចេញវិធានការទប់ស្កាត់សកម្មភាពរត់គេចពន្ធ និងការមិនបង់ពន្ធ ដើម្បីបង្កើនចំណូលថវិកាជាតិ។ ការក្រើនរំលឹករបស់សម្តេច បានធ្វើឡើងក្នុងកិច្ចប្រជុំពេញអង្គគណៈរដ្ឋមន្រ្តី កាលពីព្រឹកថ្ងៃទី២១ ខែតុលា ឆ្នាំ ២០១៥៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/7/sr-227-07-11-2015--10-54-36.jpg"><span style="color: #000000;"><img src="/FileManager/Articles/mce/2015/11/7/sr-227-07-11-2015--10-54-36.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/7/sr-228-07-11-2015--10-54-48.jpg"><span style="color: #000000;"><img src="/FileManager/Articles/mce/2015/11/7/sr-228-07-11-2015--10-54-48.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/7/t-0335-07-11-2015--10-54-58.jpg"><span style="color: #000000;"><img src="/FileManager/Articles/mce/2015/11/7/t-0335-07-11-2015--10-54-58.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>