<p><span style="color: #000000;"><strong>(វៀតណាម)៖</strong> យោងតាមការចេញផ្សាយរបស់សារព័ត៌មានវៀតណាម នៅមុននេះបន្តិចបានឲ្យដឹងថា មានករណីភ្លើងឆេះ នាវាកម្សាន្តមួយ នៅកំពង់ផែ Tuan Chau ក្នុងទីក្រុង Ha Long ខេត្ត Quang Ninh ភាគខាងជើងនៃប្រទេសវៀតណាម ប៉ុន្តែសំណាងល្អ មិនបណ្ដាលឲ្យមានមនុស្សស្លាប់។</span></p>
<p><span style="color: #000000;">ប៉ូលិសប្រចាំតំបន់បានឲ្យដឹងថា នៅលើនាវាកម្សាន្តនោះ មានអ្នកដំណើរ ៣៧នាក់ ក្នុងនោះមានម្នាក់ជាជនជាតិវៀតណាម។ ក្រោយពេលកើតមានករណីភ្លើងឆេះភ្លាម ក្រុមសហនាវិកនៅលើនាវា បានជម្លៀសអ្នកដំណើរចេញដោយសុវត្ថិភាព ប៉ុន្តែមានជនបរទេសម្នាក់បានរងរបួសជើង ដោយសារតែលោតចូលក្នុងទឹក ខណៈពេលភ្លើងកំពុងឆេះនាវា។</span></p>
<p><span style="color: #000000;">មិនមានព័ត៌មានច្បាស់ការណ៍ណាមួយ ពាក់ព័ន្ធនឹងមូលហេតុដែលបណ្ដាលឲ្យភ្លើងឆេះនាវាកម្សាន្តនោះទេ គ្រាន់តែដឹងថា ក្រោយពេលកើតហេតុភ្លាម មានក្រុមពន្លត់អគ្គិភ័យ ប៉ូលិស និងក្រុមជួយសង្គ្រោះ បានមកដល់កំពង់ផែខាងលើ និងបាននាំអ្នកដំណើរទៅកាន់ទីមានសុវត្ថិភាព ចំណែកនាវាត្រូវបានឆេះខ្ទេច និងលេចចូលក្នុងទឹកសមុទ្របាត់តែម្ដង៕</span></p>
<p><span style="color: #000000;"><img src="https://sohanews2.vcmedia.vn/thumb_w/660/2016/avar1222-1462513156613-63-0-471-800-crop-1462513205642.jpg" alt="" width="730" /></span></p>
<p><span style="color: #000000;"><img src="https://sohanews2.vcmedia.vn/k:2016/chay-3-1462513266023/chay-tau-du-lich-o-quang-ninh-tau-tu-chim-37-du-khach-an-toan.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>