<p><span style="color: #000000;"><strong>ភ្នំពេញ៖</strong> ករណីបាត់ រថយន្ដលុច្សស៊ីស RX-300 មួយគ្រឿង ពាក់ស្លាកលេខ ភ្នំពេញ 2V-2892 ដែលសមត្ថកិច្ច អះអាងថា ជាកម្មសិទ្ធរបស់ តារាសម្ដែង ភាពយន្ដ កញ្ញា ពេជ្រ អាវីហ្សា តាំងពីយប់ ថ្ងៃទី១៣ ខែតុលា ឆ្នាំ២០១៤ កន្លងទៅនេះ សមត្ថកិច្ច មិនទាន់រកឃើញ រថយន្ដត្រឡប់មកវិញ ហើយបច្ចុប្បន្ន ករណីនេះ កម្លាំងនគរបាល ជំនាញព្រហ្មទណ្ឌ រាជធានីភ្នំពេញ និងសមត្ថកិច្ច មូលដ្ឋាន ខណ្ឌដូនពេញ បាននឹងកំពុងបន្ដស្រាវជ្រាវ តាមចាប់ជនដៃដល់ យកមកផ្ដន្ទាទោស តាមផ្លូវច្បាប់ ។</span></p>
<p><span style="color: #000000;">ជាមួយគ្នានេះ ម្ចាស់រថយន្ដ ក៏បានអំពាវនាវ ដល់សមត្ថកិច្ចពាក់ព័ន្ធ ធ្វើការស្រាវជ្រាវ និងតាមដាន ដើម្បីតាមចាប់ជន សង្ស័យ ដែលធ្វើសកម្មភាពលួច យករថយន្ដពេលកំពុង ចតតាមដងផ្លូវ ។</span></p>
<p><span style="color: #000000;">មន្ដ្រីនគរបាល ព្រហ្មទណ្ឌមួយរូប បានឱ្យដឹងថា ករណីនេះ កម្លាំងសមត្ថកិច្ចជំនាញ បាននឹងកំពុងបន្ដ ធ្វើស្រាវជ្រាវ យ៉ាងយកចិត្ដទុកដាក់ ដើម្បីតាមចាប់ជនល្មើស ប៉ុន្ដែរហូតមកដល់ថ្ងៃទី២៧ ខែតុលា ឆ្នាំ២០១៤នេះ មិនទាន់បាន ឃាត់ខ្លួន ជនសង្ស័យណាម្នាក់ បាននៅឡើយ។ ដោយឡែក ម្ចាស់រថយន្ដ ក៏សូមអំពាវ នាវទៅប្រជាពលរដ្ឋណា ដែលឃើញរថយន្ដ និងស្លាកលេខ ខាងលើនេះ អាចទាក់ទងលេខទូរស័ព្ទ 070-078- 69 3333 ពេលនោះ នឹងមានជូន សាគុណជាទីគាប់ចិត្ត។</span></p>
<p><span style="color: #000000;">សូមបញ្ជាក់ថា តារាសម្តែងកញ្ញា ពេជ្រ អាវីហ្សា បានបាត់រថយន្តឡិច Luxus-RX300 មួយគ្រឿង ខណៈចាក់សោរ ចតចោលនៅ តាមចិញ្ចើមផ្លូវ ហើយចូលទៅ ញាំស៊ុប កាលពីវេលាម៉ោង ៨យប់ថ្ងៃទី១៣ ខែតុលា ឆ្នាំ២០១៤ នៅ ចំណុច មុខហាងស៊ុបយីហោ «ស៊ុបគោ៤០» ស្ថិតនៅតាមលេខ ផ្លូវ៦៣ ស្ថិតក្នុងសង្កាត់ផ្សារថ្មី១ ខណ្ឌដូនពេញ ។</span></p>
<p><span style="color: #000000;">កញ្ញា ពេជ្រ អាវីហ្សា និយាយថា នៅមុនពេលកើតហេតុ ប្អូនរបស់នាង បានយករថយន្ត ពាក់ស្លាកលេខ ភ្នំពេញ 2Y-2892 ដឹកក្រុមគ្រួសារទៅញាំស៊ុប នៅកន្លែង កើតហេតុខាងលើ ដោយនាងមិនបានទៅជាមួយទេ។ ខណៈធ្វើដំណើរមកដល់មុខហាងស៊ុប ខាងលើប្អូនរបស់នាង បានចតរថយន្តចាក់សោ ចោលនៅចិញ្ចើម ផ្លូវទល់មុខហាងស៊ុប ខាងលើ រួចក៏នាំគ្នាដើរ ចូលហាងស៊ុបនោះ ។</span><br /><span style="color: #000000;">នាងបានបន្តទៀតថា ពេលដែលក្រុមគ្រូសារ របស់នាង ចេញមកពីហូបស៊ុបវិញនោះ ក៏មិនឃើញរថយន្ត នៅកន្លែង ចត ក៏មានការភ្ញាក់ផ្អើល ឆោឡោ ឡើងតែម្តង ។ ក្រោយពេលកើតហេតុ នារីម្ចាស់រថយន្ត បានទៅដាក់ពាក្យបណ្តឹងនៅ ប៉ុស្តិ៍នគរបាលរដ្ឋបាលផ្សារថ្មីទី១ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/27/msp-1067-27-10-2014--16-27-57.jpg"><img src="/FileManager/Articles/mce/2014/10/27/msp-1067-27-10-2014--16-27-57.jpg" alt="" /></a></span></p>
<p><a class="thickbox" title="" href="/FileManager/Commons/2014/10/27/msp-1068-27-10-2014--16-28-05.jpg"><img src="/FileManager/Articles/mce/2014/10/27/msp-1068-27-10-2014--16-28-05.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/27/msp-1067-27-10-2014--16-27-57.jpg"></a></span></p>
<p><a class="thickbox" title="" href="/FileManager/Commons/2014/10/27/msp-1070-27-10-2014--16-28-14.jpg"><img src="/FileManager/Articles/mce/2014/10/27/msp-1070-27-10-2014--16-28-14.jpg" alt="" /></a><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>