<p><span style="color: #000000;"><strong style="font-size: 12px;">(</strong><strong style="font-size: 12px;">សេអ៊ូល)៖</strong><span style="font-size: 12px;"> កូរ៉េខាងជើងនៅថ្ងៃចន្ទនេះ បានចាប់ផ្ដើមពិធីកាន់ទុក្ខ រយៈពេលបីថ្ងៃជាកិច្ចគោរពវិញ្ញាណក្ខន្ធ អតីតប្រធានាធិបតីគុយបា លោក ហ្វីឌែល កាស្ត្រូ ដែលបានទទួលមរណៈភាពក្នុងវ័យ ៩០ឆ្នាំកាលពីថ្ងៃសុក្រ កន្លងទៅនេះ (ម៉ោងនៅទីក្រុងឡាហាវ៉ាន់)។ នេះបើតាមប្រព័ន្ធផ្សព្វផ្សាយ រដ្ឋទីក្រុងព្យុងយ៉ាងដែលត្រូវបានដកស្រង់ដោយទីភ្នាក់ងារសារព័ត៌មាន កូរ៉េខាងត្បូងយ៉ុនហាប់ នៅព្រឹកថ្ងៃចន្ទ ទី២៨ ខែវិច្ឆិកា ឆ្នាំ២០១៦។</span></span></p>
<p><a class="thickbox" title="" href="/FileManager/Commons/2016/11/28/11c-28-11-2016--15-09-39.jpg"><img src="/FileManager/Articles/mce/2016/11/28/11c-28-11-2016--15-09-39.jpg" alt="" /></a></p>
<p><span style="color: #000000;">យោងតាមសារព័ត៌មានរដ្ឋកូរ៉េខាងជើង Rodong Sinmun ការសម្រេចចិត្តរៀបចំពិធីកាន់ទុក្ខនេះ ធ្វើឡើង ដោយរដ្ឋាភិបាលនិងសភាកំពូល នៃប្រទេសកូរ៉េខាងជើង តាមរយៈការបង្ហូតទង់ជាតិ ត្រឹមពាក់កណ្ដាលដង ដើម្បីគោរពដល់វិញ្ញាណក្ខន្ធ លោក កាស្ត្រូ ដែលត្រូវបាន លោក គីម ជុងអ៊ុន ផ្ទាល់ចាត់ទុកថា ជាមហាមិត្ត របស់កូរ៉េខាងជើង ដែលបានពង្រឹងនិងពង្រីកទំនាក់ទំនង រវាងប្រជាជាតិទំាងពីរកន្លងមក។</span></p>
<p><span style="color: #000000;">គួររំឭកថា លោក កាស្រ្ដូ បានដឹកនាំប្រទេសគុយបា អស់រយៈពេលជាង ៥០ឆ្នាំមុននឹងលោកផ្ទេរតំណែង ទៅឲ្យប្អូនប្រុសរបស់លោក គឺលោក រ៉ូល កាស្ត្រូ នៅឆ្នាំ២០០៨ ក្រោមហេតុផលសុខភាព។ បណ្តាមេដឹកនាំប្រទេសធំៗ នៅលើលោកដូចជា អាមេរិក រុស្ស៊ី និងចិនជាដើម សុទ្ធតែបានថ្លែងសារសម្តែងនូវសមានទុក្ខ ប៉ុន្តែមានតែកូរ៉េខាងជើងប៉ុណ្ណោះ ដែលបានសម្តែងនូវសមានទុក្ខផង និងបានប្រកាសកាន់ទុក្ខបីថ្ងៃទៀតផង៕<span style="font-size: 12px;"> </span></span></p>
<p><a class="thickbox" title="" href="/FileManager/Commons/2016/11/28/13-28-11-2016--15-09-24.jpg"><img src="/FileManager/Articles/mce/2016/11/28/13-28-11-2016--15-09-24.jpg" alt="" /></a><span style="color: #000000;"><span style="font-size: 12px;"> </span></span></p>