<p><span style="color: #000000;"><strong>(ពិភពលោក)៖</strong> យោតាមគេហទំព័រ FowNews បានឲ្យដឹងថា នៅពេលធ្វើដំណើរទៅក្រៅប្រទេសម្ដងៗ ភាគច្រើនអ្នកប្រហែលជាពុំធ្លាប់គិតទេ អំពីសុវត្ថិភាពនៃផ្លូវ ដែលអ្នកត្រូវធ្វើដំណើរទៅបណ្ដាលប្រទេសទាំងនោះ។ ហេតុដូចនេះ អ្នកមិនគួរធ្វេសប្រហែសមិនគិតអំពីបញ្ហាទាំងនេះទេ ព្រោះបើតាមការសិក្សាស្រាវជ្រាវរបស់លោក Michael Sivak ដែលគាត់ជាសាស្ត្រាចារ្យនៅសាកលវិទ្យាល័យ និងវិទ្យាស្ថានស្រាវជ្រាវការដឹកជញ្ជូននៅរដ្ឋ Michigan ស្ថិតក្នុងសហរដ្ឋអាមេរិក បានបញ្ជាប់ប្រាប់ថា «យ៉ាងហោចណាស់ជាមធ្យម ក៏មានមនុស្សចំនួន ១៨នាក់នៅក្នុងពិភពលោក ត្រូវបានបាត់បង់ជីវិត ដោយសារគ្រោះថ្នាក់ចរាចរណ៍ក្នុងចំណោមមនុស្ស ១០ម៉ឺននាក់។ ប៉ុន្តែនៅក្នុងនោះ ក៏មានប្រទេសមួយចំនួនទៀត ដែលមានអត្រានៃអ្នកស្លាប់ ដោយសារគ្រោះថ្នាក់ចរាចរណ៍ លើសពីចំនួនទាំងនេះទ្វេដង។</span></p>
<p><span style="color: #000000;"><strong>ខាងក្រោមនេះ ជាប្រទេសដែលឧស្សាហ៏កើតមានគ្រោះថ្នាក់ចរាចរណ៍ច្រើនជាងគេ៖</strong></span></p>
<p><span style="color: #000000;">១. ប្រទេស Namibia៖ ជាប្រទេសមួយ ដែលមានអត្រាខ្ពស់បំផុតនៃអ្នកស្លាប់ ដោយសារគ្រោះថ្នាក់ចរាចរណ៍នៅក្នុងពិភពលោក ព្រោះក្នុងមួយឆ្នាំ ផ្លូវបើកបរនៅក្នុងប្រទេសនេះ បានសម្លាប់ជីវតមនុស្សរហូតដល់៤៥នាក់ ក្នុងចំណោមប្រជាពលរដ្ឋ ១០ម៉ឺននាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item/image.img.jpg/876/493/1422661628684.jpg?ve=1&tl=1" alt="" width="730" /></span></p>
<p><span style="color: #000000;">២. ប្រទេសថៃ៖ ការបើកបរនៅក្នុងប្រទេសនេះ មានការលំបាក និងគ្រោះថ្នាក់ ដោយសារការធ្វើចរាចរណ៍ នៅលើដងផ្លូវនៅក្នុងទីក្រុងមានភាពមមាញឹកយ៉ាងខ្លាំង ដែលក្នុងមួយឆ្នាំៗ បានធ្វើឲ្យមនុស្សស្លាប់យ៉ាងហោចណាស់ ៤៤ នាក់ក្នុងចំណោម ១០ម៉ឺន នាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item0/image.img.jpg/876/493/1422661628210.jpg?ve=1&tl=1" alt="" width="730" /></span></p>
<p><span style="color: #000000;">៣. ប្រទេសអ៊ីរ៉ង់៖ ការបើកបរនៅតាមដងផ្លូវនៅក្នុងប្រទេសនេះ ពិតជាមានភាពគ្រោះថ្នាក់ជាខ្លាំង។ ក្នុងចំណោមមនុស្ស ១០ម៉ឺននាក់ អាចមានមនុស្សយ៉ាងហោចណាស់ ៣៨ នាក់ ត្រូវបានបាត់បង់ជីវិតទៅហើយ ក្នុងមួយឆ្នាំៗ។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item1/image.img.jpg/876/493/1422661628820.jpg?ve=1&tl=1" alt="" width="730" /></span></p>
<p><span style="color: #000000;">៤. ប្រទេសស៊ូដង់៖ ត្រូវបានគេចាត់ថា ជាប្រទេសមួយដែលមានផ្លូវធ្វើដំណើរដ៏គ្រោះថ្នាក់បំផុតនៅក្នុងពិភពលោក ដែលក្នុងមួយឆ្នាំៗ មានមនុស្សស្លាប់ ដោយសារគ្រោះថ្នាក់ចរាចរណ៍ចំនួន ៣៦ នាក់ក្នុងចំណោមមនុស្ស ១០ម៉ឺននាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item2/image.img.jpg/876/493/1422661629094.jpg?ve=1&tl=1" alt="" width="730" /></span></p>
<p><span style="color: #000000;">៥. ប្រទេស Swaziland ៖ជាប្រទេសដែលមានអត្រាខ្ពស់បំផុតនៃអ្នកស្លាប់ ដោយសារគ្រោះថ្នាក់ចរាចរណ៍ នៅក្នុងពិភពលោក ព្រោះផ្លូវនៅក្នុងប្រទេសនេះ ពុំមានភ្លើងចរាចរណ៍គ្រប់គ្រាន់ និងពុំសូវមានអ្នកគោរពច្បាប់ចរាចរណ៍ ព្រមទាំងឧស្សាហ៏មានសត្វឆ្លងកាត់ទៀតផង។ ក្នុងមួយឆ្នាំៗ មានមនុស្សស្លាប់ ដោយសារគ្រោះថ្នាក់ចរាចរណ៍ចំនួន ៣៦ នាក់ក្នុងចំណោមមនុស្ស ១០ម៉ឺននាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item3/image.img.jpg/876/493/1422661629221.jpg?ve=1&tl=1" alt="" width="730" /></span></p>
<p><span style="color: #000000;">៦. ប្រទេស Venezuela៖ ត្រូវបានគេចាត់ទុកថា ជាប្រទេសដែលមានគ្រោះថ្នាក់ចរាចរណ៍ដ៏ច្រើនបំផុតនៅក្នុងពិភពលោក ដោយសារភាគច្រើននៃផ្លូវនៃប្រទេសនេះ ជាផ្លូវពុំសូវមានការអភិវឌ្ឍ និងឧស្សាហ៍កើតមានឧក្រិដ្ឋកម្ម។ ក្នុងមួយឆ្នាំៗ មានមនុស្សស្លាប់ ដោយសារគ្រោះថ្នាក់ចរាចរណ៍ យ៉ាងហោចណាស់ចំនួន ៣៥ នាក់ក្នុងចំណោមមនុស្ស ១០ម៉ឺននាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item4/image.img.jpg/876/493/1422661629861.jpg?ve=1&tl=1" alt="" width="730" /></span></p>
<p><span style="color: #000000;">៧. ប្រទេស Congo៖ ជាប្រទេសដែលមានគ្រោះថ្នាក់ចរាចរណ៍ខ្ពស់បំផុត នៅក្នុងពិភពលោក ដោយសារបទដ្ឋាន នៃការបើកបរក្នុងប្រទេសនៅមានកំរិត និងឧស្សាហ៏មានការបិទផ្លូវ ជាញឹកញាប់ពីពួកយោធា។ ក្នុងមួយឆ្នាំៗ ប្រទេសនេះ មានមនុស្សស្លាប់ ដោយសារគ្រោះថ្នាក់ចរាចរណ៍ យ៉ាងហោចណាស់ចំនួន ៣៤ នាក់ក្នុងចំណោមមនុស្ស ១០ម៉ឺននាក់។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item5/image.img.jpg/876/493/1422661629630.jpg?ve=1&tl=1" alt="" width="730" /></span></p>
<p><span style="color: #000000;">៨. ប្រទេសម៉ាឡាវី៖ ក្នុងមួយឆ្នាំៗ ប្រទេសនេះ មានអ្នកស្លាប់ដោយសារគ្រោះថ្នាក់ចរាចរណ៍ចំនួន ៣២ នាក់ក្នុងចំណោមមនុស្ស ១០ម៉ឺនាក់ ព្រោះផ្លូវនៅក្នុងប្រទេស មានលក្ខណៈលំបាក និងមានសត្វដើរឆ្លងកាត់ ព្រមទាំងពេលយប់ពុំមានពន្លឺបំភ្លឺផ្លូវនោះទេ។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item6/image.img.jpg/876/493/1422661630100.jpg?ve=1&tl=1" alt="" width="730" /></span></p>
<p><span style="color: #000000;">៩. សាធារណរដ្ឋ Dominican៖ ដោយសារផ្លូវនៅក្នុងប្រទេសនេះ មានលក្ខណៈពុំសូវល្អ និងអ្នកបើកបរមិនសូវជាគោរពច្បាប់ចរាចរណ៍ប៉ុន្មានទេ ទើបធ្វើឲ្យមានចំនួនអ្នកស្លាប់ ដោយសារគ្រោះថ្នាក់ចរាចរណ៍យ៉ាងច្រើន។ ក្នុងនោះដែរ មានមនុស្សចំនួន ៣២នាក់ត្រូវបានបាត់បង់ជីវិត ដោយសារគ្រោះថ្នាក់ចរាចរណ៍ ក្នុងចំណោមមនុស្ស ១០ម៉ឺននាក់ក្នុងមួយឆ្នាំៗ។</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item7/image.img.jpg/876/493/1422661630358.jpg?ve=1&tl=1" alt="" width="730" /></span></p>
<p><span style="color: #000000;">១០. ប្រទេសអីរ៉ាក់៖ ប្រទេសនេះក៏ត្រូវបានគេចាត់ទុកថា ជាប្រទេសដែលសម្បូរគ្រោះថ្នាក់ចរាចរណ៏ផងដែរ ដោយសារក្នុមួយឆ្នាំៗ ប្រទេសនេះ មានអ្នកស្លាប់ដោយសារគ្រោះថ្នាក់ចរាចរណ៍ចំនួន ៣២ នាក់ក្នុងចំណោមមនុស្ស ១០ម៉ឺននាក់៕</span></p>
<p><span style="color: #000000;"><img src="http://a57.foxnews.com/images.foxnews.com/content/fox-news/travel/2014/02/21/top-10-deadliest-countries-for-drivers/_jcr_content/list-par/list_item8/image.img.jpg/876/493/1422661630454.jpg?ve=1&tl=1" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like" style="text-align: right;"></div>
</div>