<div class="article-content">
<p><strong>ស្វាយរៀង ៖</strong> ជនសង្ស័យពីរនាក់ ដែលគេដឹងថា ជាក្មួយប្រុសរបស់លោកឧកញ៉ា លី យូគៀត<br /> ទីប្រឹក្សា របស់ថ្នាក់ដឹកនាំមួយរូប និងជាម្ចាស់កាស៊ីណូ៩៩៩ នៅច្រកទ្វារសំរោង ក្នុងស្រុកចន្ទ្រា<br /> ត្រូវបានសមត្ថកិច្ច នគរបាលព្រហ្មទណ្ឌកម្រិតស្រាល ខេត្តស្វាយរៀង ឃាត់ខ្លួនមួយដង្ហើមចង្រិត<br /> បន្ទាប់ពីបានប្រើអំពើហិង្សា លើបុរសម្នាក់រួចមក ។</p>
<p>យោងតាមប្រភព ពីសមត្ថកិច្ច ដែលសុំមិនបញ្ចេញឈ្មោះបានប្រាប់ឲ្យដឹងថា ជនបង្កពីរនាក់បងប្អូន<br /> ដែល ជាក្មួយប្រុសរបស់លោកឧកញ៉ា លី យូគៀត ទីប្រឹក្សាអ្នកធំម្នាក់ និងជាម្ចាស់កាស៊ីណូ៩៩៩ <br />ឈ្មោះ វ៉ាន វួចឆាយ ភេទប្រុស អាយុ៣០ឆ្នាំ និងប្អូនប្រុស ឈ្មោះ វ៉ាន់ វួចស្រេង អាយុ២៥ឆ្នាំ បាន<br />វាយតប់បុរសម្នាក់ ឈ្មោះ ញ៉ាញ់ សំណាង ភេទប្រុស អាយុ ២៥ឆ្នាំ មានមុខងារជាបុគ្គិលិកការស៊ីណូ<br />សៀងហៃ កាលពីយប់ ថ្ងៃទី១៥ ខែកញ្ញា ឆ្នាំ២០១៣ នៅទល់មុខកាស៊ីណូ៩៩៩ របស់លោកឧកញ៉ា<br /> លី យូគៀត ដែលស្ថិតនៅ ច្រកទ្វារសំរោង ស្រុកចន្ទ្រា បណ្ដាលឲ្យជនរងគ្រោះរងរបួសជាទម្ងន់ ព្រោះ<br />ជនសង្ស័យបានយកដបមក វាយក្បាល និងបានវាយបែកមាត់ ព្រមទាំងទាត់ប៉ុន្មានជើងចំចុងដង្ហើម។</p>
<p>បច្ចុប្បន្នជនរងគ្រោះ ត្រូវបានបញ្ជូនទៅព្យាបាល នៅប្រទេសវៀតណាម ដោយឡែកជនដៃដល់ទាំង<br />ពីរ នាក់ ត្រូវនគរបាលព្រហ្មទណ្ឌកម្រិតស្រាល ខេត្តស្វាយរៀង ធ្វើការឃាត់ខ្លួនបានមួយដង្ហើមចង្រិត<br /> ក៏ត្រូវ លោកឧកញ៉ា លី យូគៀត ធ្វើការធានាក្មួយប្រុសឲ្យនៅក្រៅឃុំ ដោយបានបង់ប្រាក់ធានាមួយ<br />ចំនួន៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0820.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0821.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>