<div class="article-content">
<p><strong>រតនគិរីៈ</strong> សព្វថ្ងៃគេសង្កេតឃើញ ក្នុងក្រុងបាលុង ខេត្តរតនគិរី នាពេលរាត្រី មានអំពូលភ្លើងបំភ្លឺ <br />ចែងចាំង តាមផ្លូវសាធារណៈ។ រីឯលំនៅដ្ឋាន ប្រជាពលរដ្ឋ ភូមិគ្រឹះមន្ត្រីមានបុណ្យ សក្តិខ្ពស់ព្រម<br />ទាំងស្ថាប័ន រដ្ឋផ្សេងៗ សុទ្ធតែបំភ្លឺភ្លើងចែងចាំង។ ទន្ទឹមនឹងនោះដែរ កន្លែងបើកបន រកស៊ីផ្លូវភេទ<br />ក៏មិនអន់ប៉ុន្មាន ដែរដោយពួក ម្ចាស់បើកបនទាំងនោះដាក់ អំពូលភ្លើងតូចៗ មានពណ៌ក្រហមបើក<br />ភ្លឹបភ្លែតៗ ព្រមទាំង មានពួកកន្លង់ អង្គុយបក់ដៃហៅភ្ញៀវឡើងឋានសួគ៍យ៉ាងអាណាធិបតេយ្យ ប៉ុន្តែ<br />មិនត្រូវបានសមត្ថកិច្ចជំនាញ និងសមត្ថកិច្ចពាក់ព័ន្ធរួមទាំអាជ្ញាធរមូលដ្ឋានធ្វើការទប់ស្កាត់ឡើយ។</p>
<p>តំណាងប្រជាពលរដ្ឋម្នាក់រស់នៅក្រុងបានលុងសូមមិនបញ្ចេញឈ្មោះបានប្រាប់ឲ្យដឹងថា ក្រុមគ្រួសារ<br />គាត់មានកូនស្រី ចំនួន២នាក់ក្នុងបន្ទុកកំពុងតែរៀនក្នុងវិទ្យាល័យមួយ រូបគាត់មានអារម្មណ៍មិនល្អទៅ<br />នឹងថៅកែរកស៊ីបើកបនពេស្យាប៉ះពាល់កិត្តិយស សេចក្តីថ្លៃថ្នូ របស់ស្ត្រីទូទៅដែលប្រកាន់ខ្ជាប់តាំងពី<br />បុរាណកាលមក។</p>
<p>ប្រភពព័ត៌មានផ្សេងទៀតបានឲ្យដឹងថា របររកស៊ីផ្លូវភេទ ក្នុងក្រុងបានលុង កំពុងត្រូវប៉ាន់ខ្លាំងណាស់<br />មានកន្លែងខ្លះបើកជាចំហ និងកន្លែងខ្លះទៀតមានលក្ខណះ ប្រយោលដូចជាបង្កប់ក្នុងហាងខារ៉ាអូខេ, <br />ហាងលក់គ្រឿងក្លែម និងតាមបៀហ្គាឌិន ជាដើម។</p>
<p>អធិការនគរបាលក្រុងបានលុង លោកវរៈសេនីយ៍ត្រីឯម វុន បានប្រាប់មជ្ឈមណ្ឌលព័ត៌មានដើមអម្ពិល<br /> នៅព្រឹកថ្ងៃទី៣០ ខែមេសា ឆ្នាំ២០១៣ យ៉ាងខ្លីថា រូបលោកនឹងកោះប្រចុំលោកមេប៉ុស្តិ៍នគរបាលរដ្ឋ<br />បាល ទាំងអស់ដើម្បីដាក់ផែនការធ្វើការបង្ក្រាបកន្លែងរកស៊ី បើកបនពេស្យាខុសច្បាប់ទាំងនេះ។</p>
<p>លោកស្រីវរៈសេនីយ៍ឯកកែវ ដាវី ស្នងការរងនគរបាលខេត្តរតនគិរី មជ្ឈមណ្ឌលព័ត៌មានដើមអម្ពិល<br />មិនអាចទំនាក់ទំនងធ្វើការអធិប្បាយបានទេ នៅព្រឹកថ្ងៃទី៣០ ខែមេសា ឆ្នាំ២០១៣ នេះ។</p>
<p>មជ្ឈដ្ឋានប្រជាបលរដ្ឋរស់នៅក្នុងក្រុងបានលុងបានមានមតិលើកឡើងស្រដៀងគ្នាដោយ សូមឲ្យ<br />កម្លាំងសមត្ថកិច្ចជំនាញ និងកម្លាំងសមត្ថកិច្ចពាក់ព័ន្ធរួមទាំងអាជ្ញាធរមូលដ្ឋាន ធ្វើការទប់ស្កាត់របរ<br />រកស៊ីផ្លូវភេទខុសច្បាប់ព្រោះវាប៉ះពាល់ដល់កិត្តិយសប្រទេសជាតិ នាំឲ្យមានជំងឺផ្សេងៗ ប៉ះពាល់<br />ដល់ថវិកាជាតិដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-067/CH-0451.jpg" alt="" width="400" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-067/CH-0450.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0378.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>