<p><span style="color: #000000;">ព័ត៌មានអន្តរជាតិ ៖ ទណ្ឌិត ៦ នាក់ ដែលបាន ចាប់ចំណាប់ខ្មាំង នៅក្នុងពន្ធនាគារ ក្រុង Kaohshiung កោះតៃវ៉ាន់នោះ បានបាញ់សម្លាប់ខ្លួនឯងស្លាប់ ១៤ ម៉ោងក្រោយ បន្ទាប់ពីមានការចាប់ជម្រិត មនុស្ស ធ្វើជាចំណាប់ខ្មាំង ។ </span></p>
<p><span style="color: #000000;"><a class="thickbox" title="" href="/FileManager/Commons/2015/2/12/10-12-02-2015--08-55-44.jpg"><img src="/FileManager/Articles/mce/2015/2/12/10-12-02-2015--08-55-44.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ ពីទំព័រប៊ីប៊ីស៊ី បន្តអោយដឹង ថា ៖ ទណ្ឌិត ទាំង អស់នេះ រងនូវការផ្តន្ទាទោស ពីបទ ឃាតកម្ម គ្រឿងញៀន ឆក់ប្លន់ និង ឧក្រិដ្ឋកម្ម ខុសច្បាប់មួយចំនួនផ្សេងទៀត ។ ប្រភពព័ត៌មានរបស់ កោះតៃវ៉ាន់ បំភ្លឺអោយដឹងថា ករណីមានការ ចាប់ ជម្រិតនៅពន្ធនាគារលើកនេះ ក៏ព្រោះពួកគេ ចង់តវ៉ា ពាក់ព័ន្ធនឹងការផ្តន្ទាទោស ទុក្ខលំបាក ដែល បាន ចោទប្រកាន់ទៅលើពួកគេ ។ ដៃប្រដាប់ដោយអាវុធ ក្រោយពីលួចបានពីឃ្លាំងសព្វាវុធក្នុងពន្ធនាគារនោះ ពួក គេតម្រូវអោយមានការអនុញ្ញាតអោយពួកគេ គេចខ្លួនពីពន្ធនាគារ ។ </span></p>
<p><span style="color: #000000;">របាយការណ៍ បញ្ជាក់អោយដឹងថា មន្រ្តីប៉ូលីសពាក់ព័ន្ធ បានធ្វើការហ៊ុមព័ន្ធ ពន្ធនាគារ ធំបំផុតនៅលើដី កោះតៃវ៉ាន់មួយនេះ ក្រោយពីក្រុមទណ្ឌិត បះបោរចាប់បានឆ្មាំគុកច្រើននាក់ ធ្វើជាចំណាប់ខ្មាំងនៅវេលា ម៉ោង ៦ និង ៣០ នាទី ល្ងាចថ្ងៃពុធ ម្សិលមិញ (ម៉ោងក្នុងស្រុកកោះតៃវ៉ាន់) ។រយៈពេល១៤ម៉ោងក្រោយ បន្ទាប់ពីមានករណីចាប់ជម្រិតខាងលើនេះ ទណ្ឌិត បះ បោរទាំងនោះ បានសម្រេចបាញ់សម្លាប់ខ្លួនឯង តែម្តង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/12/11-12-02-2015--08-55-26.jpg"><img src="/FileManager/Articles/mce/2015/2/12/11-12-02-2015--08-55-26.jpg" alt="" /></a></span></p>
<p><a class="thickbox" title="" href="/FileManager/Commons/2015/2/12/12-12-02-2015--08-55-34.jpg"><img src="/FileManager/Articles/mce/2015/2/12/12-12-02-2015--08-55-34.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/12/11-12-02-2015--08-55-26.jpg"></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>