<p><span style="color: #000000;"><strong>(កូរ៉េខាងត្បូង)៖</strong> ឯកអគ្គរាជទូតកម្ពុជា ប្រចាំប្រទេសកូរ៉េខាងត្បូង លោក ឡុង ឌីម៉ង់ បានជួយសង្គ្រោះនារីពលការិនីខ្មែរម្នាក់ទៀត បានដោយជោគជ័យ ក្រោយពីរូបនាងត្រូវមេការជនជាតិចិន វាយធ្វើបាប និងប៉ងចាប់រំលោភទៀតផង។</span></p>
<p><span style="color: #000000;">មន្រ្តីស្ថានទូតកូរ៉េខាងត្បូងបានថ្លែងប្រាប់អង្គភាព Fresh News នៅយប់ថ្ងៃទី១៤ ខែកញ្ញា ឆ្នាំ២០១៦នេះថា <strong>«នៅវេលាម៉ោង ១០យប់ថ្ងៃទី១៣ ខែកញ្ញា ឆ្នាំ២០១៦ ម្សិលមិញ មានករណីមេការជាជនជាតិចិនម្នាក់បានប្រើអំពើហិង្សា និងបៀតបៀនមកលើពលការិនីខ្មែរម្នាក់ឈ្មោះ សួង ស្រីនិច អាយុ ២៨ឆ្នាំ មកពីខេត្តតាកែវ កំពុងបម្រើការងារផ្នែកឧស្សាហកម្ម នៅតំបន់ភូឆន់ ខេត្តខ្យងគីដូ»</strong>។</span></p>
<p><span style="color: #000000;">មន្រ្តីរូបនេះ បានបន្តទៀតថា <strong>«នៅមុននេះឯកឧត្តម ឡុង ឌីម៉ង់ ឯកអគ្គរាជទូត និងក្រុមការងារ បានជួបផ្ទាល់ជាមួយជនរងគ្រោះ ស្ដាប់ការលើកឡើង និងសំណូមពររបស់ជនរងគ្រោះ និងបានផ្ដល់ថវិកាដល់ឲ្យក្រុមការងារស្ថានទូត ដើម្បីយកជនរងគ្រោះទៅពិនិត្យក្បាល នៅមន្ទីរពេទ្យទាំងយប់ ដែលមានសភាពធ្ងន់ធ្ងរ»</strong>។</span></p>
<p><span style="color: #000000;">បើតាមមន្រ្តីស្ថានទូតដដែល បន្ថែមពីលើនេះ ក្រុមការងារស្ថានទូត បានទាក់ទងប្ដឹងទៅប៉ុស្ដិ៍ប៉ូលិស នៅតំបន់ភូឆន់ដើម្បីឃាត់ខ្លួន ជនដៃដល់ មកទទួលទោសតាមច្បាប់ ហើយនៅព្រឹកស្អែកស្ថានទូត នឹងចេញកំណត់ទូតមួយបន្ថែមទៀត ផ្ញើទៅស្ថាប័នប៉ូលិសតំបន់ភូឆន់ ដើម្បីដាក់បន្ទុកក្នុងការប្ដឹងទៅជនដៃដល់។ ហើយនៅយប់នេះ ស្ថានទូតបានរៀបចំកន្លែងស្នាក់នៅ និងម្ហូបអាហារជូន ជនរងគ្រោះផងដែរ។</span></p>
<p><span style="color: #000000;">សូមបញ្ជាក់ថា កាលពីថ្ងៃទី១២ ខែកញ្ញា លោក ឡុង ឌីម៉ង់ រួមជាមួយទីប្រឹក្សាការងារ ទទួលបន្ទុកពលករអមស្ថានទូត ក៏បានជួបពិភាក្សា និងហូបបាយជាមួយពលករខ្មែរម្នាក់ឈ្មោះ ទុំ ចាន់ថន អាយុ២៤ឆ្នាំ មកពីខេត្តតាកែវ ដែលទើបមកធ្វើការ នៅសាធារណរដ្ឋកូរ៉េ រយៈពេល២ខែ ផ្នែកឧស្សាហកម្ម ក្នុងតំបន់ Anseong ខេត្ត Gyeonggi ដែល ការជួបពិភាក្សានេះបានធ្វើឡើង ក្រោយពេលដែល មេការរោងចក្រ ប្រើអំពើហិង្សាមកលើរូបគាត់ ក្នុងអំឡុងពេលបំពេញការងារ និងពេលសម្រាក៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2F959913540708426%2Fvideos%2F1301954373171006%2F&show_text=0&width=730" frameborder="0" width="500" height="410"></iframe></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-14-21-13-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-14-21-13-45-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-14-21-13-45-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-14-21-13-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-14-21-13-45-4.jpg" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/14322534_1301954286504348_4809779609376135924_n.jpg?oh=beb15f7c8b4fe3a98afd0660f937c965&oe=583CA71C" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>