<p><span style="color: #000000;"><strong>(បន្ទាយមានជ័យ)៖</strong> អាណោធអាធ័មណាស់! ក្មេងប្រុសស្រីតូចៗ២នាក់ បានចុះលេងទឹក ក្នុងរណ្តៅក្រុមហ៊ុនចិនមួយ ដែលគេជីកកកាយអាចម៌ដី បណ្តាលឲ្យលង់ស្លាប់នៅល្ងាច ថ្ងៃទី៥ ខែឧសភា ឆ្នាំ២០១៦ ស្ថិតក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។</span></p>
<p><span style="color: #000000;">លោក ឆេង អ៉ីសុខា អធិការនគរបាលស្រុកអូរជ្រៅ បានប្រាប់ឱ្យដឹង នៅរសៀលថ្ងៃទី៦ ខែឧសភានេះ ថា មុនពេលកើតហេតុមានក្មេងតូចៗ១ក្រុម បាននាំគ្នាចុះលេងទឹករណ្តៅ របស់ក្រុមហ៊ុនចិន កាយអាចម៌ដីយកធ្វើផ្លូវជាតិលេខ៥៨។ ដោយឡែកក្មេងប្រុសស្រី២នាក់ ដែលស្លាប់នេះគឺបានរអិលជើងចូលទៅក្នុងរណ្តៅដែលទឹកជ្រៅ បណ្តាលក្មេងទាំង២នាក់លង់ទឹកតែម្តង។ លោកបន្តថា ក្រោយពីកើតហេតុភ្លាមៗ អ្នកភូមិមកដល់កន្លែងកើតហេតុហើយ ចុះទៅស្រង់ក្មេងទាំង២នាក់ឡើងលើគោកវិញដែរតែជាអកុសល ពួកគេទាំង២នាក់បានដាច់ខ្យល់ស្លាប់បាត់ទៅហើយ។</span></p>
<p><span style="color: #000000;">ក្រោយកើតហេតុសមត្ថកិច្ច បានចុះទៅពិនិត្យនិងធ្វើកោសល្យវិច័យតាមជំនាញហើយបញ្ជាក់ថាពួកគេទាំង២ពិតជាលង់ទឹកស្លាប់មែន។ លោកបានប្រាប់ថា ក្មេងរងគ្រោះទី១ឈ្មោះឌឹម ឌូណា ភេទស្រី អាយុ៧ឆ្នាំ នឹងទី២ឈ្មោះ ផល រ៉ាចាន់ ភេទប្រុស អាយុ៦ឆ្នាំ ក្មេងរង គ្រោះទាំង ២នាក់រស់ នៅក្នុងឃុំជាមួយគ្នាខាងលើ។ ចុងក្រោយសពក្មេងរងគ្រោះក៏ត្រូវបានក្រុមគ្រួសារយកមកធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/ID-020/J/fn-2016-05-06-16-15-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/J/fn-2016-05-06-16-15-08-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>