<p><span style="color: #000000;">មិនខ្វល់នឹងប្រតិកម្ម ពីសំណើស្នើសុំរបស់ក្រុមហ៊ុនកូរ៉េខាងត្បូង ក្នុងយុទ្ធសាស្រ្តប្រមូលផលិតផល ចូលវិញ ដ៏ធំបំផុតរបស់ក្រុមហ៊ុន តាំងពីពេលដំបូងរហូតមកដល់បច្ចុប្បន្ននេះ អ្នកប្រើប្រាស់ជាច្រើន នាក់ បានបដិសេធប្រគល់ Note 7 ឲ្យក្រុមហ៊ុនវិញ។</span></p>
<p><span style="color: #000000;">អ្នកប្រើប្រាស់ Note 7 មួយចំនួន បានបដិសេធប្រគល់ស្មាតហ្វូនទៅក្រុមហ៊ុនវិញ បើទោះជាទទួល បានការព្រមាន ពីគ្រោះថ្នាក់នៃការផ្ទុះឆេះ ក៏ដូចជាការស្នើសុំប្រមូលឧបករណ៍ទៅវិញ ពីខាងក្រុម ហ៊ុនផលិតក្តី។</span></p>
<p><span style="color: #000000;">ក្នុងនោះ បើតាមប្រភពពីគេហទំព័រ CNET បានដកស្រង់នូវពាក្យសំដីរបស់អ្នកគាំទ្រ Note 7 ផ្កាប់មុខ ម្នាក់ ដែលមានគណនី Twitter ឈ្មោះថា @SexualJumanji, ជាមួយនឹងពាក្យសំដីគម្រាមថា “បើសិន ជាចង់យក Note 7 ត្រឡប់ទៅវិញ Samsung ត្រូវរំលងសាកសពខ្ញុំសិន”។ រីឯអ្នកប្រើប្រាស់ម្នាក់ទៀត មានឈ្មោះថា@flo_rizer បានបញ្ជាក់យ៉ាងច្បាស់ថា “សុំទោស ខ្ញុំនឹងនៅតែរក្សាទុក Note 7 នៅជា មួយនឹងខ្ញុំ”។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/10/13/nguoidungtuchoitralainote7-13-10-2016--16-49-56.jpg"><img src="http://camnews.com.kh/FileManager/Articles/mce/2016/10/13/nguoidungtuchoitralainote7-13-10-2016--16-49-56.jpg" alt="" /></a><br /></span></p>
<p><span style="color: #000000;">ក្រៅពីនេះ គេហទំព័រ CNET ក៏បានធ្វើបទសម្ភាស៍ជា Robinson Suarez ដែលជាបុគ្គលិករបស់ EMS មកពីខាង Queens, New York ដែលជាអ្នកគាំទ្រយូរឆ្នាំមកហើយរបស់ ក្រុមហ៊ុនកូរ៉េខាងត្បូង Samsung។ បើទោះជាត្រូវបានប្រើប្រាស់ Note 7 ប្តូរថ្មីជាច្រើនដង ដោយសារតែពួកវាពាក់ព័ន្ធនឹងការ ផ្ទុះឆេះ Robinson នៅតែបដិសេធ ដល់ការលា ជាមួយនឹងឧបករណ៍នេះ។</span></p>
<p><span style="color: #000000;">Robinson បានឲ្យដឹងថា “មិត្តភក្តិទាំងអស់សុទ្ធតែយកខ្ញុំ ធ្វើជាល្បែងកម្សាន្តសើចលេង ទាំងនៅក្នុងជីវិតពិត និងនៅក្នុងបណ្តាញសង្គម។ ប៉ុន្តែខ្ញុំមិនខ្វល់ចាប់អារម្មណ៍នោះទេ”។</span></p>
<p><span style="color: #000000;">Joseph Jugos អ្នកប្រើប្រាស់ស្ម័គ្រស្មោះម្នាក់ផ្សេងទៀត ក៏មិនបានបិទបាំងអារម្មណ៍ខ្លួន ពេលបង្ហាញនូវសេចក្តីស្រលាញ់ ជាមួយនឹងផ្នែកកោងៗនៅលើអេក្រង់ Note 7 យ៉ាងដូច្នេះថា “ពួកវា (Note 7) ស្ទើរតែឈានដល់ភាពល្អឥតខ្ចោះ។ ខ្ញុំមិនអាចបោះបង់វាចោលបានទេ”។</span></p>
<p><span style="color: #000000;">ផ្ទុយពីអ្នកប្រើប្រាស់ @SexualJumanji, ម្តាយរបស់គាត់ មានអារម្មណ៍សប្បាយចិត្តព្រោះ Samsung បានសម្រេចចិត្ត យកសុវត្ថិភាពរបស់អ្នកប្រើប្រាស់ ជាអាទិភាពចម្បងគេ។</span></p>
<p><span style="color: #000000;">បើសិនជាប្រិយមិត្តកំពុងតែជាអ្នកប្រើប្រាស់ Note 7 និងជាអ្នកគាំទ្រក្រុមហ៊ុន Samsung តើប្រិយមិត្ត នឹងនៅតែបន្តគាំទ្រ Samsung ឬផ្លាស់ប្តូរងាកទៅប្រើផលិតផលម៉ាកផ្សេង?</span></p>
<p><span style="color: #000000;"><span style="color: #000000;"><a href="http://camnews.com.kh/News/Detail/42504/samsung-lost-17-billion-dollars-because-galaxy-note-7"><span style="color: #0000ff;"><em>- Samsung អាចបាត់បង់អស់ប្រាក់ចំនួន ១៧ពាន់លានដុល្លារ ព្រោះ Galaxy Note 7</em></span></a></span><a href="/News/Detail/30834/samsung-will-destroy-all-galaxy-note-7"><span style="color: #0000ff;"><em><br />- Samsung នឹងកំទេចចោលទាំងអស់ នូវបណ្តា Galaxy Note 7 ដែលបានប្រមូលចូលវិញ ទាំងលើកទី១ និងលើកក្រោយនេះ</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ CNET, Zing</em></p>