<p><span style="color: #000000;"><strong>(ភ្នំពេញ)៖</strong> បន្ទាប់ពីឆ្លងកាត់ឧបសគ្គ និងបង្ហាញជាសាធារណៈនូវព្យុះភ្លៀងជីវិតដ៏កម្សត់ ក្រោយឈប់ពីអាជីពអ្នកប្រដាល់ លោក ជៀស ស្រួច អតីតកីឡាករជើងខ្លាំង និងជាតារាសម្ដែងក្នុងបទ <strong>«បេះដូងអ្នកប្រដាល់»</strong> បានទទួលភ្លើងខៀវពីសហព័ន្ធកីឡាប្រដាល់កម្ពុជាសារជាថ្មីហើយ ដោយសហព័ន្ធកោះហៅរូបគេ និងអតីតអ្នកប្រដាល់ចាស់ៗផ្សេងទៀត មកទទួលការបណ្ដុះបណ្ដាលពីជំនាញអាជ្ញាកណ្ដាល និងចៅក្រម ដើម្បីក្លាយជាអ្នកកាត់សេចក្ដីនាថ្ងៃខាងមុខ ។</span></p>
<p><span style="color: #000000;">ស្របពេលសហព័ន្ធប្រកាសបើកវគ្គបណ្ដុះបណ្ដាល ស្ដីពីការពង្រឹងសមត្ថភាពមន្ដ្រីបច្ចេកទេស រយៈពេល ១សប្ដាហ៍ ចាប់ពីថ្ងៃទី១៥-២១ ខែសីហានេះ សហព័ន្ធបានកោះហៅមន្ដ្រីជំនាញ និងអតីតកីឡាករចាស់ៗសរុប ១១៧នាក់ចូលរួម ក្នុងនោះក៏មានវត្តមានលោក ជៀស ស្រួច ដែលទើបលេចមុខក្នុងបណ្ដាញផ្សព្វផ្សាយនានា ដែលបង្កឲ្យមានការភ្ញាក់ផ្អើលជាមួយនឹងជីវភាពខ្វះខាតរបស់លោកកាលពីពេលថ្មីៗកន្លងទៅផងដែរ ។</span></p>
<p><span style="color: #000000;">លោក តែម ម៉ឺន ប្រធានសហព័ន្ធកីឡាប្រដាល់កម្ពុជា បានឲ្យដឹងថា លោកបានបញ្ជាឲ្យហៅ ជៀស ស្រួច មកចូលរួមសិក្សាក្នុងវគ្គបណ្ដុះបណ្ដាលខាងលើជាមួយមន្ដ្រីផ្សេងៗ ព្រោះសហព័ន្ធយល់ថា រូបគេធ្លាប់មានស្នាដៃក្នុងការផ្សព្វផ្សាយពីក្បាច់គុនបុរាណខ្មែរ តាមរយៈការប្រកួតលើសង្វៀនកាលពីមុន ដូច្នេះសហព័ន្ធមិនអាចបោះបង់ចោលអ្នកធ្លាប់មានស្នាដៃបែបនេះឡើយ។ មួយវិញទៀត សហព័ន្ធនឹងរៀបចំឲ្យ ជៀស ស្រួច ចូលធ្វើការនៅតាមសង្វៀនមួយចំនួន ប៉ុន្ដែត្រូវឆ្លងកាត់សិក្សាពីជំនាញនេះជាមិនសិន។</span></p>
<p><span style="color: #000000;">ក្រៅពី ជៀស ស្រួច លោក តែម ម៉ឺន បានបន្ថែមថា ឲ្យតែមានស្នាដៃ ជាក់ស្ដែងកីឡាករ ឡៅ ស៊ីណាត ឬអ្នកចង់បញ្ចប់អាជីពឈប់ធ្វើកីឡាករ មកធ្វើជាអាជ្ញាកណ្ដាល ឬចៅក្រម គឺសហព័ន្ធស្វាគមន៍ជានិច្ច។ ប៉ុន្ដែយ៉ាងណាអ្នកទាំងនោះក៏ត្រូវខិតខំពង្រឹងសមត្ថភាពរបស់ខ្លួនដែរ ព្រោះបច្ចុប្បន្នសហព័ន្ធកំពុងពង្រឹងសមត្ថភាពមន្ដ្រីរបស់ខ្លួន ដើម្បីត្រៀមរៀបចំការប្រកួតកីឡាជាតិ National Games ក៏ដូចជាធ្វើដំណើរឆ្ពោះទៅ SEA Games ឆ្នាំ២០២៣ នៅពេលកម្ពុជាធ្វើជាម្ចាស់ផ្ទះទៀតផង៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xal1/v/t1.0-9/14022177_1765145383724979_7120289308342993342_n.jpg?oh=edc4c1a540981853295e1f649ee80b07&oe=5859A7D1&__gda__=1477574653_6db53f65131deb05e6ac21f50a28c583" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14067716_1765145380391646_3375858502509863748_n.jpg?oh=fd32239d1516be3915eabc4b4d17bdf5&oe=585C152F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14064086_1765145377058313_268125571121764315_n.jpg?oh=f01ef31fa703b24b4d52bf2a705b6474&oe=5846377D" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>