<p><span style="color: #000000;"><strong>ភ្នំពេញ៖</strong> ទស្សនិកជន ធ្លាប់តែបានឃើញស្នាមញញឹម ភាពសប្បាយរីករាយ របស់អ្នកសិល្បៈ នៅលើឆាក ប៉ុន្តែទាក់ទងទៅនឹងជីវិតឯកជនវិញ វាហាក់មានទុក្ខសោក មិនចាញ់ជីវិតអ្នក ក្រៅរង្វង់សិល្បៈឡើយ ។ តួយ៉ាងដូចជា តារាសម្តែងអ្នកនាង ឆយី នាពេលកន្លងមកធ្លាប់ តែបញ្ចេញស្នាម ញញឹមស្រស់ស្អាត បង្ហាញវត្តមាន ចូលរួមកម្មវិធីសប្បាយៗ តែដោយឡែកពេលនេះ នាងបានសម្រក់ទឹកភ្នែក រៀបរាប់ពីអារម្មណ៍ ឈឺចាប់ ព្រោះតែអាណិតកូនស្រី របស់ខ្លួន ដែលកំពុងតែជួយសង្គ្រោះនៅក្នុងមន្ទីរពេទ្យ ។</span></p>
<p><span style="color: #000000;">ទោះបីជា តារាស្រី អ្នកនាង ឆយី សម្រាលបានកូនស្រី និងទទួលរងព្រនង់ នៃការរិះគន់ថា មានកូនឥតខាន់ស្លាក៏ដោយ តែនាងបានខំប្រឹងតស៊ូ មិនរាថយឡើយ ដោយសារតែនាងមានកំលាំងចិត្ត ពីកូនស្រីបណ្តូលចិត្ត ។តែអ្វីដែលធ្វើឲ្យបេះដូងនាង ខ្ទេចខ្ទាំនោះ គឺកូនស្រីរបស់នាង ក្រោយពីសម្រាលហើយ ហាក់ដូចជាមិនសូវរឹងមាំឡើយ ដោយថ្មីៗនេះ នាងបានទម្លាយ សារខូចចិត្តលាយឡំ នឹងទឹកភ្នែកថា «ម៉ាក់ទ្រាំលំបាក ឈឺចាប់គ្រប់បែបយ៉ាង....ទទួលបានគ្រប់បញ្ហា និងរាល់អ្វីៗដែលកើត .....ម៉ាក់សុំប្តូរតែម្យ៉ាងត្រឡប់មកវិញ....គឺសុំឲ្យកូន.. មានសុខភាពល្អរឹងមាំ....ឆាប់បានត្រឡប់ទៅផ្ទះយើងវិញណាកូន.... Mum....love you so much my life»។</span></p>
<p><span style="color: #000000;">ជាការពិតសម្រាប់អារម្មណ៍ ម្តាយគ្រប់ៗរូបពិតជា ពិបាកខ្លាំងណាស់ នៅពេលដែលកូនជាទីស្រលាញ់ មានសុខភាពមិនរឹងមាំ ឬក៏មានជំងឺឈឺថ្កាត់អ្វីមួយ ។ តួយ៉ាងដូចជា តារាស្រីរូបនេះ ដោយសារតែការឈឺចាប់ បានបង្ហាញអារម្មណ៍ពិតរបស់ខ្លួន ឲ្យអ្នកគាំទ្របានឃើញ លែងមានភាពខ្មាសអៀន ព្រោះតែកំលាំងចិត្តរបស់នាងតែម្នាក់ នៅមានសុខភាពមិនរឹងមាំ ហើយនាងក៏គ្មានស្វាមី ធ្វើជាខ្នងបង្អែកទៀត តើអារម្មណ៍មនុស្សស្រីម្នាក់ ដែលត្រូវតស៊ូគ្រប់យ៉ាង ដោយខ្លួនឯងមើលការខុសត្រូវ កូនហើយគ្មានស្វាមី វាឈឺចាប់ និងកណ្ដោចកណ្ដែងកម្រិតណា?</span></p>
<p><span style="color: #000000;"><a class="thickbox" title="" href="/FileManager/Commons/2015/8/17/40-17-08-2015--11-07-47.jpg"><img src="/FileManager/Articles/mce/2015/8/17/40-17-08-2015--11-07-47.jpg" alt="" /></a></span></p>
<p><a class="thickbox" title="" href="/FileManager/Commons/2015/8/17/41-17-08-2015--11-07-55.jpg"><img src="/FileManager/Articles/mce/2015/8/17/41-17-08-2015--11-07-55.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/17/40-17-08-2015--11-07-47.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>