<div class="article-content">
<p><strong>ភ្នំពេញ៖</strong> ជនសង្ស័យម្នាក់ ត្រូវបានកម្លាំង នគរបាល ក្រុងប៉ោយប៉ែត ឃាត់ខ្លួនក្រោយពី ចាក់<br />សម្លាប់គេ ព្រោះតែរឿងទំនាស់ ពាក្យសំដី ពេលកំពុងផឹកស៊ី កាលពីវេលា ម៉ោង៤ និង៣០នាទី<br /> ល្ងាច ថ្ងៃទី២១ ខែមេសា ឆ្នាំ២០១៣ នៅចំណុច ម្តុំស្ថានីយ៍ រថភ្លើងផ្សាររ៉ាថ្មី ក្នុងភូមិប៉ោយប៉ែត<br /> សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។</p>
<p>លោក អ៊ុំ សុផល អធិការនគរបាល ក្រុងប៉ោយប៉ែត បានប្រាប់ឲ្យ ដឹងថា ជនសង្ស័យដែលត្រូវ<br /> ចាប់ខ្លួននេះមាន ឈ្មោះ សាត បូរិន ភេទប្រុស អាយុ ៣៤ឆ្នាំ មានមុខរបរ មិនពិតប្រាកដ រស់នៅ<br /> ភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត។</p>
<p>រីឯជនរងគ្រោះមាន ឈ្មោះ តូ នី ភេទប្រុស អាយុ៤២ឆ្នាំ រងរបួសត្រង់ បោះដៃផុត ១កាំបិត ខ្នង<br />ខាងឆ្វេង១កាំបិត ជម្រៅដល់ ថ្លើម បណ្តាលឲ្យ ជនរងគ្រោះប្រកាច់ស្លាប់ នៅកន្លែងភ្លាមៗ ក្នុង<br />ពេលផឹកស៊ី។</p>
<p>លោក អ៊ុំ សុផល បានបន្តថា ជនសង្ស័យ ក្រោយសួរនាំទើបដឹងថា ជាមុខសញ្ញា ធ្លាប់ជាប់គុក<br />ចំនួន៣លើក រួចមកហើយ ដែលលើកទី១ ជាប់ពីបទប្លន់ ត្រាក់ទ័រ ជាប់គុក ២ឆ្នាំ លើកទី២ ជាប់<br />ពីបទលួច ម៉ូតូ៦ខែ និងលើកទី ៣ជាប់ពីបទ ប្រើប្រាស់គ្រឿងញៀន ជាប់គុក៦ខែ។</p>
<p>ទើបតែចេញ ពីគុកថ្មីៗ នេះទេ ហើយនៅ ថ្ងៃទី២១ ខែមេសា ឆ្នាំ២០១៣ ពេលផឹកស៊ីជនសង្ស័យ<br />បាន ប៉ះទង្គិចពាក្យ សំដីជាមួយ ជនរងគ្រោះដោយ កាំបិតចិតបន្លែ ទើបនគរបាល ចាប់ខ្លួន និង<br />កសាងសំណុំរឿង បញ្ជូនទៅស្នងការដ្ឋាន នគរបាល ខេត្តបន្ទាយមានជ័យ ដើម្បីឲ្យការិយាល័យ<br />ជំនាញ ចាត់ចែងបញ្ជូនទៅ តុលាការចាត់ការ តាមច្បាប់។</p>
<p>បច្ចុប្បន្ន សពជនរងគ្រោះ ត្រូវបានសាច់ញាតិ កំពុងរៀបចំធ្វើបុណ្យតាមប្រពៃណីនៅគេហដ្ឋាន៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0524.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>