<p>អាការៈញាក់ត្របកភ្នែក ឬចិញ្ចើម ពេលខ្លះ វាមិនមែនជារឿងធម្មតានោះទេ ប៉ុន្ដែវាប្រាប់យើង នូវបញ្ហាមិនប្រក្រតីមួយចំនួន ក្នុងរាងកាយ។</p>
<p style="text-align: center;"><a class="thickbox" title="" href="/FileManager/Commons/2014/1/16/images-16-01-2014--22-04-42.jpg"><img src="/FileManager/Articles/mce/2014/1/16/images-16-01-2014--22-04-42.jpg" alt="" width="353" height="234" /></a></p>
<p><br /><br /><strong>១/ ភាពតានតឹង</strong></p>
<p>បណ្ឌិត Monica នៅមន្ទីរពិសោធផ្នែកចក្ខុវិទ្យាអាមេរិក ឱ្យដឹងថា ៖ “អាការៈញាក់ត្របកភ្នែក ញាក់ ចិញ្ចើមជាប់ៗគ្នា រយៈពេលយូរថ្ងៃ អាចជាសញ្ញាមួយប្រាប់ថា អ្នកកំពុងមានភាពតានតឹងក្នុង<br />អារម្មណ៍ មានសម្ពាធអ្វីមួយធ្ងន់ធ្ងរ និងមិនអាចគេងលក់ស្រួល។ ដើម្បីដោះស្រាយបញ្ហានេះ អ្នក<br />ត្រូវ តែបញ្ចេញចោលនូវភាពតប់ប្រមល់ ដោយធ្វើការហាត់ប្រាណ ឬកំសាន្ដអារម្មណ៍ ដើម្បី<br />លំហែ ខួរក្បាល”។<br /><br /><strong>២/ កាហ្វេអ៊ីន ឬស្រា</strong></p>
<p>សារជាតិដែលអាចធ្វើឱ្យរំជើបរំជួលដល់សរសៃប្រសាទ ដូចជាកាហ្វេអ៊ីន ជាតិអាកុលក្នុងស្រា<br /> ស្របៀរ អាចនាំឱ្យកើតអាការៈញាប់ភ្នែក ពិសេសគឺនៅពេលអ្នកញ៉ាំច្រើន និងជាប្រចាំ។ កាត់<br />បន្ថយ ឬបោះបង់កាហ្វេ ស្រា ហើយងាកមកទទួលទានភេសជ្ជៈ និងអាហារដទៃដែលល្អសម្រាប់សុខភាព នឹងជួយឱ្យអ្នកគេចផុតអំពីបញ្ហាពិបាកទ្រាំខាងលើ។<br /><br /><strong>៣/ រាងកាយខ្វះជាតិរ៉ែ</strong></p>
<p>កង្វះខាតជាតិ ម៉ាញេស្យូម នឹងមានផលប៉ះពាល់ដល់ដំណើរការនៃប្រព័ន្ធតុល្យភាពផ្នែកជាតិ<br />បំប៉ន ហើយអាចបណ្ដាលឱ្យសរសៃត្រង់ម្ដុំភ្នែក ត្រូវញ័រ ឬទាញ។ នៅពេលពិនិត្យឈាម គ្រូពេទ្យនឹងអាចដឹងបានថា អ្នកមានកង្វះជាតិ ម៉ាញេស្យូម ដែរ ឬអត់ ប្រសិនខ្វះ អ្នកគួរតែផ្លាស់ប្ដូររបប<br />អាហារ ដោយបន្ថែមអាហារដែលសម្បូរដោយ ម៉ាញេស្យូម ដូចជាបន្លែស្ពីណាច ផ្លែ អាល់ម៉ុង ម្សៅអង្ករសាលី ឬគ្រាប់ថ្នាំប៉ូវ ម៉ាញេស្យូម។<br /><br /><strong>៤/ ភ្នែកស្ងួត</strong></p>
<p>អាការៈញាប់ភ្នែក ក៏ជាសញ្ញាមួយប្រាប់ថា ភ្នែករបស់អ្នកត្រូវស្ងួត ដោយសារការវិវឌ្ឍទៅរក<br />ភាពចាស់ ការប្រើប្រាស់កញ្ចក់កែវភ្នែក (contact lenses) មិនមិនសមស្រប ឬដោយសារផលវិបាកនៃថ្នាំពេទ្យណាមួយដែលអ្នកបានលេប។ល។ បើទោះជាបញ្ហាកើតឡើងដោយសារមូលហេតុណាមួយក៏ដោយ គឺអ្នកត្រូវតែទៅជួបគ្រូពេទ្យឯកទេស ដើម្បីពិនិត្យ និងព្យាបាលឱ្យបានទាន់ពេល<br />វេលា។<br /><br /><strong>៥/ ចុករោយភ្នែក</strong></p>
<p>មូលហេតុមួយផ្សេងទៀតដែលនាំឱ្យញាក់សរសៃភ្នែក នោះគឺការចុករោយភ្នែក ដែលបណ្ដាលមកពីកត្តាមួយចំនួន ដូចជា អ្នកមិនបានពាក់វ៉ែនតាខ្មៅការពារភ្នែក ពេលចេញដើរក្រោមកំដៅ<br />ថ្ងៃ ការពាក់វ៉ែនតាខុសនឹងកម្លាំងភ្នែក ការផ្ដោតខ្លាំងទៅលើតែកុំព្យូទ័រ ទូរស័ព្ទ ឬទូរទស្សន៍ ឬមួយការប្រើប្រាស់កុំព្យូទ័រយូរពេក ដោយមិនបានទុកឱ្យភ្នែកមានពេលសម្រាក។<br /><br /><strong>៦/ ទម្លាប់សង្កៀតធ្មេញ</strong></p>
<p>មនុស្សមួយចំនួន មានទម្លាប់សង្កៀតធ្មេញ ឬខាំញេញធ្មេញនៅពេលគេង ដោយមិនដឹងខ្លួន នេះក៏ជាកត្តាមួយ ធ្វើឱ្យសរសៃត្រង់ជុំវិញភ្នែក ចេះតែញាក់។ ដំណោះស្រាយ គឺអ្នកគួរតែទៅកាន់<br />ពេទ្យធ្មេញ ដើម្បីអាចឱ្យគ្រូពេទ្យជួយរកវិធីការពារធ្មេញ ក្នុងពេលគេង និងរកវិធីព្យាបាលទម្លាប់អាក្រក់នេះ។<br /><br /><strong>៧/ មូលហេតុដទៃ</strong></p>
<p>ជួនកាល អាការៈញាក់ ញ័រភ្នែក គឺជាសញ្ញាព្រមានអំពីជម្ងឺមួយចំនួន ដូចជា ជាតិស្ករក្នុងឈាម<br />ថយចុះ , ជម្ងឺភ្លេចភ្លាំង , ជម្ងឺ Tourette និងបញ្ហាច្របូកច្របល់នៃមុខងារសរសៃប្រសាទ។ ប្រសិនវាកើតឡើងដោយមានរួមផ្សំជាមួយអាការៈដទៃគួរឱ្យព្រួយបារម្ភ អ្នកគួរតែទៅជួបគ្រូពេទ្យ ដើម្បី<br />សូមយោបល់ជាបន្ទាន់។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20%20http:/camnews.com.kh/News/Detail/35206/tips-to-handle-emergency-situations-while-driving"><span style="color: #3366ff;">មានបញ្ហាពេលកំពុងបើកបរ ត្រូវដោះស្រាយ បែបណា?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/10539/home-remedies-for-poison-ivy"><span style="color: #3366ff;">វិធីព្យាបាលកំចាត់ជាតិពុលនៅលើស្បែកមនុស្ស បង្កដោយវល្លិពិស</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/86345/home-remedies-for-eczema-scars"><span style="color: #3366ff;">វិធីព្យាបាលកំចាត់ស្លាកស្នាមនៅលើស្បែក ដោយធម្មជាតិ</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ LS<br /><br /></p>