<p><strong>ភ្នំពេញ៖</strong> មុននេះបន្តិចតារាសម្តែង សម្បូរមន្តស្នេហ៍កញ្ញា សុខ ស្រីម៉ុច បានទម្លាយប្រាប់គេហ<br />ទំព័រ LookingTODAY ឲ្យដឹងថានាង មានបុរសពោះម៉ាយ ជនជាតិអាមេរិក វ័យជិត៥០ឆ្នាំម្នាក់ <br />ចង់បានយក មកធ្វើជាប្រពន្ធ និងធានាយកទៅរស់នៅលើទឹកដី សហរដ្ឋអាមេរិកទៀតផង ។</p>
<p>មិនតែប៉ុណ្ណោះបុរស ពោះម៉ាយរូបនោះ ថែមទាំងលួងលោមចង់ បើកហាងលក់ទូរស័ព្ទ និងទិញ<br />រថយន្ត ដើម្បីគាប់ចិត្តនាងទៀតផង បើសិនជានាងហ៊ាន ហាមាត់ឆ្លើយថា OK ទទួលយកសំណើរ <br />របស់បុរសនោះ ។ តែទោះបីជា មានការលួងលោម យ៉ាងណាក្តីតារាស្រី ពូកែសម្រក់ទឹកភ្នែករូប<br />នេះ ក៏មិនទាន់បានឆ្លើយ សារភាពភ្លាមៗដែរ ដោយនាងបានសម្អាងថា ចាំស្ទាបស្ទង់មើលចិត្ត <br />មើលថ្លើមគ្នាបន្តិចសិន ។</p>
<p>មុននឹងមានទំនាក់ទំនង ជាមួយបុរសពោះម៉ាយ ជនជាតិអាមេរិកនេះ ស្រីម៉ុច បាននិយាយរៀបរាប់<br />ថា នាងស្គាល់បុរសម្នាក់នោះ តាមរយៈបងប្អូនធម៌របស់នាង ដែលរស់នៅសហរដ្ឋអាមេរិក ។ មិនតែ<br />ប៉ុណ្ណោះ បងធម៌របស់ នាងបានអួតពី បុរសពោះម៉ាយនោះ ប្រាប់ដល់នាងជាច្រើនដង ដោយបងប្អូន<br />ធម៌របស់នាង និយាយថាបុរស នោះស្លូតបូត និងមានទ្រព្យសម្បត្តិ គួរឲ្យទទួលយក បានថែមទៀត<br />ផង ។</p>
<p>បើទោះបីជាមានការបញ្ចុះបញ្ចូល ពីសំណាក់បងធម៌របស់នាង យ៉ាងនេះក្តី ក៏ប៉ុន្តែ ស្រីម៉ុច នៅតែមិន<br />ប្រាកដចិត្ត និងមិនទាន់ហ៊ានហា មាត់ឆ្លើយដដែលជាដដែល ព្រោះនាងបាននិយាយថា បុរសម្នាក់<br />នោះមិនដែល បានជួបមុខគ្នា ផ្ទាល់នោះទេ គឺគ្រាន់តែជួបតាមទូរស័ព្ទ នឹងនិយាយគ្នាតាម Skype តែ<br />ប៉ុណ្ណោះ ។</p>
<p>នៅក្នុងជុំជួបជាមួយ សំណេះសំណាលជាមួយ LookingTODAY នៅថ្ងៃទី១ ខែ ឧសភា ឆ្នាំ២០១៣នេះ<br /> បុប្ផាក្រពុំមកពីទឹកដីខេត្តកំពង់ធំ កញ្ញា សុខ ស្រីម៉ុច បាននិយាយប្រាប់ឲ្យដឹងថា "ចំពោះរឿងថា មាន<br /><br />បុរសជនជាតិអាមេរិក ចង់ទិញរថយន្តឲ្យ ខ្ញុំនោះគឺជាការពិត ។ តែឥឡូវខ្ញុំបាន បដិសេធហើយ ដោយ<br />សារតែ គាត់និយាយថា ទិញរថយន្តឲ្យខ្ញុំ នៅពេលដែលគាត់ រៀបការជាមួយខ្ញុំរួចរាល់ ហើយទៅរស់<br />នៅអាមេរិក ទើបគាត់ទិញឲ្យ " ។</p>
<p>កញ្ញា ស្រីម៉ុច បានឲ្យដឹងទៀតថា ប្រសិនបើបុរស ជនជាតិអាមេរិកនោះ គាត់ទិញរថយន្តឲ្យនាង នៅ<br />ស្រុកខ្មែរ គឺនាងប្រហែលអាចយល់ព្រម ។ តែនេះទាល់តែនាង ចេញទៅអាមេរិក ទើបទិញរថយន្តឲ្យ <br />ធ្វើឲ្យនាងពិបាក និងសម្រេចចិត្ត ។ ពាកព័ន្ធនឹងរឿងនេះដែរ តារាសម្តែង កំពុងតែមានឈ្មោះ បោះសំ<br />ឡេងតាមរយៈរឿង "ពន្លកស្នេហ៍ក្បែរជាយដែន" រូបនេះ បាននិយាយថា "ខ្ញុំមិនចង់ចេញទៅរស់ នៅ<br />ក្រៅប្រទេសនោះទេ ដោយសារតែការងារសិល្បៈ នៅក្នុងស្រុកខ្មែរ អាចឲ្យខ្ញុំរស់បានស្រួល ព្រោះតែ<br />ការចេញទៅរស់ នៅសហរដ្ឋអាមេរិក វាមិនស្រួលដូច ស្រុកខ្មែរយើងទេ ។ ជាពិសេសខ្ញុំចង់ ប្រឡូក<br />ក្នុងសិល្បៈ ឲ្យបានយូរជាងនេះទៅទៀត ព្រោះថាបច្ចុប្បន្នការងារ សិល្បៈរបស់ខ្ញុំ កំពុងតែមមាញឹក <br />និងកាក់កបច្រើនគួរសម"។</p>
<p>សូមបញ្ជាក់ថា បន្ទាប់ពី កញ្ញា ស្រីម៉ុច ថតខ្សែភាពយន្តមួយ ដែលមានចំណងជើងថា "ជីវិតនាងរក្សា" <br />និងត្រៀមចាក់បញ្ចាំង នៅលើកញ្ចក់ទូរទស្សន៍ នាពេលឆាប់ៗខាងមុខនេះ តារាសម្តែងរូបនេះ ត្រូវបាន<br />ផលិតកម្ម ក្នុងស្រុកជាច្រើនទាក់ទង នាងឲ្យទៅសម្តែងរឿង ហើយថ្មីៗនេះនាងទើបតែ ទទួលថតខ្សែ<br />ភាពយន្ត មួយរបស់ផលិតកម្ម "រដ្ឋបញ្ញា" និងខាងផលិតកម្ម "មហាហង្ស" ក៏បានទាក់ទងនាងផងដែរ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0019.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0020.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0021.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0022.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>