<p><span style="font-size: 12px; color: #000000;">សំនួរ ដែលអ្នកប្រើប្រាស់ភាគច្រើន តែងតែលើកឡើងអំពី បណ្ដាញអ៊ីនធឺណិតចូលលំនៅឋាន ដោយខ្សែកាបហ្វាយប័រអុបទិកនោះគឺថា-តើកម្មវិធី នៅក្នុងឧបករណ៍អ្វីខ្លះ ដែលត្រូវការបណ្ដាញអ៊ីនធឺណិត ដែលមានសមត្ថភាពខ្ពស់ និងមានល្បឿនលឿន?</span></p>
<p><span style="color: #000000;">នៅក្នុងអត្ថបទមុនៗ យើងធ្លាប់ពិភាក្សារួចមកហើយអំពីផលប៉ះពាល់ ដែលសេវាស្រ្ទីមវីដេអូ 4K នឹងជួបប្រទះ ដោយសារកម្រិតបញ្ជូន(Bandwidth) មិនគ្រប់តម្រូវការ។ នៅក្នុងអត្ថបទនេះ យើងនឹងពិភាក្សាអំពីការកើនឡើងនូវលំនៅឋានឆ្លាតវៃ(Smart Home) និងថា តើការរីកចម្រើននេះ ជះឥទ្ធិពលកម្រិតណា ដល់បណ្ដាក្រុមហ៊ុនផ្ដល់សេវាអ៊ីនធឺណិត។ </span></p>
<p><span style="color: #000000;"><a class="thickbox" title="" href="/FileManager/Commons/2018/10/4/1-04-10-2018--12-02-48.PNG"><img src="/FileManager/Articles/mce/2018/10/4/1-04-10-2018--12-02-48.PNG" alt="" /></a><br /></span></p>
<p><span style="color: #000000;">ការរីកចម្រើនផ្នែកលំនៅឋានឆ្លាតវៃ ត្រូវបានមនុស្សលើកមកពិភាក្សាយ៉ាងច្រើន(ជាពិសេសលើកឡើងអំពី Internet of Things។ តួយ៉ាង Internet of Things គឺជាប្រធានបទដ៏ក្ដៅគគុកមួយ ដែលត្រូវបានលើកយកមកពិភាក្សា នៅក្នុងអង្គសន្និសីទរបស់ក្រុមប្រឹក្សាអឺរ៉ុបស្ដីពី Fiber To The Home ដែលត្រូវបានធ្វើឡើង នៅទីក្រុង Luxemburg កាលពីឆ្នាំ ២០១៦។</span></p>
<p><span style="color: #000000;"><strong>តើ </strong><strong>Smart Home មានន័យដូចម្ដេច?</strong></span></p>
<p><span style="color: #000000;">លំនៅឋានឆ្លាតវៃ គឺជាលំនៅឋាន ដែលប្រើបច្ចេកវិទ្យា និងការតភ្ជាប់ដើម្បីត្រួតពិនិត្យដោយខ្លួនឯង និងផ្ដល់ព័ត៌មានទៀងទាត់ ស្ដីព្រឹត្ដិការណ៍ផ្សេងៗ ដែលកើតឡើងនៅក្នុងលំនៅឋាននោះ។ បច្ចេកវិទ្យានេះ អាចគ្រប់គ្រងបានហេតុការណ៍នានា នៅក្នុងលំនៅឋានដូចជា៖</span></p>
<ul>
<li><span style="color: #000000;"><strong>ភាពស្វ័យប្រវត្ដិ នៅក្នុងលំនៅឋាន</strong>- អនុញ្ញាតឱ្យអ្នកប្រើប្រាស់ អាចគ្រប់គ្រងឧបករណ៍ប្រើប្រាស់ក្នុងផ្ទះពីចម្ងាយតាមរយៈទូរសព្ទស្មាតហ្វូនរបស់ពួកគេ។ ឧបករណ៍ប្រើប្រាស់ ក្នុងផ្ទះជាច្រើន រាប់តាំពីម៉ាស៊ីនបោកគក់ខោអាវ រហូតដល់ម៉ាស៊ីនកាហ្វេ បច្ចុប្បន្ន អាចត្រូវបានបញ្ជាបើកពីក្រៅផ្ទះបាន ព្រមទាំងអាចបិទបើកភ្លើង នៅក្នុងផ្ទះបានតាមស្មាតហ្វូនដូចចិត្ដចង់បាន។ យោងតាមការសិក្សាស្រាវជ្រាវរបស់ ABI បានឱ្យដឹងថា ភាពស្វ័យប្រវត្តិរបស់លំនៅឋានឆ្លាតវៃ នឹងមានតម្លៃ ៣៤ ពាន់លានដុល្លារអាមេរិក នៅត្រឹមឆ្នាំ ២០២០។</span></li>
<li><span style="color: #000000;"><strong>សុវត្ថិភាពលំនៅឋាន</strong><strong>- </strong>ផ្ដល់ការគ្រប់គ្រងតាមរយៈប្រព័ន្ធ CCTV សម្លេងកណ្ដឹងរោទិ៍ព្រមានពីផ្សែងហុយ និងអគ្គិភ័យ ព្រមទាំងរំញ័រប្រាប់ពីសញ្ញាអ្វីមួយ និងរំញ័រនៅនឹងទ្វារ ដើម្បីឱ្យលោកអ្នកអាចការពារលំនៅឋាន និងអ្វីៗគ្រប់យ៉ាង នៅក្នុងលំនៅឋាន ឬអាចពិនិត្យបានថា កូនប្រុសស្រីរបស់លោកអ្នក មិនដើរលេងផ្ដេសផ្ដាសនោះទេ នៅពេលលោកអ្នកមិននៅផ្ទះ។</span></li>
<li><span style="color: #000000;"><strong>គ្រប់គ្រងថាមពល៖ </strong>ម៉ាស៊ីនរក្សាសីតុណ្ហភាពឆ្លាតវៃ អាចអនុញ្ញាតឱ្យអ្នកដំឡើងសីតុណ្ហភាពបានតាមសេចក្ដីត្រូវការ នៅពេលដែលលោកអ្នកចេញទៅធ្វើការ ដូច្នេះផ្ទះរបស់លោកអ្នក នឹងមានភាពកក់ក្ដៅ នៅពេលលោកអ្នកត្រឡប់ពីធ្វើការវិញ។ តាមរយៈការគ្រប់គ្រងសីតុណ្ហភាពបានតាមពេលវេលាពិតប្រាកដនោះ ម្ចាស់លំនៅឋានក៏អាចបង្កើនប្រសិទ្ធភាពប្រើប្រាស់ថាមពលអគ្គិសនីផងដែរ តួយ៉ាងលោកអ្នកអាចសន្សំសំចៃ ដោយសារលោកអ្នកអាចគ្រប់គ្រងលើការបិទបើកភ្លើង ឬឧបករណ៍ប្រើប្រាស់ក្នុងផ្ទះ។ លំនៅឋានឆ្លាតវៃ អាចសន្សំសំចៃថាមពលអគ្គិសនីបានជាង ៤០% ដោយសារតែសមត្ថភាពខ្ពស់នៃការគ្រប់គ្រងថាមពល។</span></li>
<li><span style="color: #000000;"><strong>ប្រព័ន្ធ </strong><strong>eHealth- </strong>ការគ្រប់គ្រងសុខុមាលភាពសមាជិកក្នុងផ្ទះ ជាពិសេសមនុស្សចាស់ ឬសមាជិកជួបពិការភាព ផ្ដល់នូវអត្ថប្រយោជន៍នៃការថែទាំសុខភាពបានយ៉ាងច្រើន។ បុរសស្រ្ដី ទទួលបាននូវភាពឯករាជ្យ នៅក្នុងលំនៅឋានរបស់ខ្លួន ខណៈត្រូវបានត្រួតពិនិត្យ និងគ្រប់គ្រងតាមរយៈកាម៉េរ៉ាវីដេអូ ភ្ជាប់ទៅនឹងបុគ្គលិកពេទ្យ ដែលទទួលបន្ទុកមើលការខុសត្រូវអាការៈជំងឺបន្ទាន់ណាមួយ ដែលអាចកើតឡើង។</span></li>
</ul>
<p><span style="color: #000000;">រំញ័រ(Sensor) ដែលប្រើដើម្បីត្រួតពិនិត្យ និងគ្រប់គ្រងលំនៅឋានឆ្លាតវៃ គឺជាផ្នែកទាំងឡាយនៃ បណ្ដាញ Internet of Things។ IDC រំពឹងថា នឹងមានឧបករណ៍ក្នុងលំនៅឋាន ភ្ជាប់អ៊ីនធឺណិត ៣០ ពាន់លានគ្រឿង នៅត្រឹមឆ្នាំ ២០២០ ខណៈដែល Gartner ជឿថា នឹងមានឧបករណ៍ភា្ជប់ Internet of Thing ចំនួន ៥០០ នៅក្នុងលំនៅឋាននីមួយៗ នៅត្រឹមឆ្នាំ ២០២២។</span></p>
<p><span style="color: #000000;"><strong>សូមទំនាក់ទំនងមកមេគង្គណិតឥឡូវនេះ ដើម្បីទទួលបានសេវាអ៊ីនធឺណិតល្បឿនលឿន ដោយប្រើខ្សែកាបអុបទិកសម្រាប់លំនៅឋាន និងការិយាល័យរបស់លោកអ្នក។ </strong><strong></strong></span></p>
<p><span style="color: #000000;"><strong>សម្រាប់ព័ត៌មានបន្ថែមសូមទំនាក់ទំនងតាមទូរសព្ទ ៖ </strong>023 22 66 22│093 22 25 00</span></p>
<p><span style="color: #000000;"><strong>គេហទំព័រ៖ </strong><span style="color: #0000ff;"><strong><a href="https://www.mekongnet.com.kh/" target="_blank"><span style="color: #0000ff;">www.mekongnet.com.kh</span></a></strong></span></span></p>
<p><span style="color: #000000;"><strong><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/10/4/mekongnet-04-10-2018--12-03-02.PNG" alt="" /></a><br /></strong></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ ppc-online</span></p>