<p><span style="color: #000000;"><strong>(បាងកក)៖</strong> អាជ្ញាធរថៃកំពុងរៀបចំ ឯកសារប្តឹងចំពោះអ្នកគ្រប់គ្រងប្រាសាទខ្លា ក្នុងខេត្ត Kanchanaburi បន្ទាប់ពី សមត្ថកិច្ចបានរកឃើញសាកសពមេខ្លា និងកូនខ្លាចំនួន ៤០ក្បាល ដែលត្រូវបានដាក់ក្លាស្សេ នៅក្នុងទូទឹកកក។ នេះបើតាមការចេញផ្សាយ មុននេះបន្តិច ដោយសារព័ត៌មាន BBC នារសៀលថ្ងៃ ព្រហស្បតិ៍ ទី០២ ខែមិថុនា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/3/11-03-06-2016--10-10-32.jpg"><img src="/FileManager/Articles/mce/2016/6/3/11-03-06-2016--10-10-32.jpg" alt="" /></a><br /></span></p>
<p><span style="color: #000000;">សមត្ថកិច្ចថៃបានបញ្ជាក់ថា ទីប្រាសាទដែលត្រូវបានរៀបចំឡើង ជាឧទ្យានទស្សនាសត្វខ្លា បែបកម្សាន្ត របស់ប្រជាជនទូទៅនោះ ឥឡូវនេះនៅសល់សត្វខ្លាតូចធំចំនួន ១៣៧ក្បាលទៀត ដែលអាជ្ញាធរកំពុង បង្ខំឲ្យមានការ រៀបចំដឹកជញ្ជូនចេញជាបន្ទាន់ ដើម្បីផ្ទេរទៅកាន់តំបន់អភិរក្ស។ ពីដំបូងឡើយ អ្នកគ្រប់គ្រងប្រាសាទ បានច្រានចោលការចោទប្រកាន់ទាំងអស់ និង រារាំងសមត្ថកិច្ចមិនឲ្យនាំសត្វខ្លា ពួកគេចេញពីទីនោះទៀតផង។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/3/11a-03-06-2016--10-10-41.jpg"><img src="/FileManager/Articles/mce/2016/6/3/11a-03-06-2016--10-10-41.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/6/3/11b-03-06-2016--10-10-49.jpg"><img src="/FileManager/Articles/mce/2016/6/3/11b-03-06-2016--10-10-49.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/6/3/11a-03-06-2016--10-10-41.jpg"></a><br /></span></p>
<p><span style="color: #000000;">គួរបញ្ជាក់ថា សាកសពសត្វខ្លាទាំង ៤០ក្បាលខាងលើនេះត្រូវបានរកឃើញ កាលពីថ្ងៃពុធ បន្ទាប់ពី មានពាក្យចរចាមអារ៉ាមជាច្រើនស្តីពីរឿងនេះ។ អាជ្ញាធរថៃ ក៏បានរងសម្ពាធពីអង្គការ អភិរក្សសត្វព្រៃ អន្តរជាតិ WWF ផងដែរ ជុំវិញការបណ្តែតបណ្តោយឲ្យមានការជួញដូរសត្វព្រៃ យ៉ាងច្រើនសម្បើម ជាពិសេសសត្វខ្លា ដូចដែលមាននៅក្នុងប្រាសាទ ខាងលើនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/3/11c-03-06-2016--10-10-19.jpg"><img src="/FileManager/Articles/mce/2016/6/3/11c-03-06-2016--10-10-19.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>