<p><span style="color: #000000;">ព័ត៌មានអន្តរជាតិ ៖ ពីងពាងយក្ស គឺជាសត្វមួយប្រភេទដែលប្រជាពលរដ្ឋតំបន់អាហ្វ្រិក អាស៊ី ស្គាល់ជាទូទៅ ។ ដោយឡែក មានសេចក្តីរាយការណ៍ឲ្យដឹងថា សត្វពីងពាងយក្សមួយក្បាល ត្រូវបានគេរកឃើញនៅក្នុង ទូរកុងតើនើ ក្នុងប្រទេស ស្កុតឡេន ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/13/16-13-09-2016--15-50-17.jpg"><img src="/FileManager/Articles/mce/2016/9/13/16-13-09-2016--15-50-17.jpg" alt="" /></a><br /></span></p>
<p><span style="color: #000000;">ពីងពាងយក្សពូជ Huntsman ត្រូវបានប្រទះឃើញ ពីសំណាក់បុគ្គលិកម្នាក់នៃសហគ្រាសនាំចូល នាំចេញនាទីក្រុង Dumbarton កាលពីថ្ងៃសុក្រ កន្លងទៅនេះ។ ក្រោយពីបានប្រទះឃើញ ក្រុម បុគ្គលិកបានទូរស័ព្ទហៅភ្នាក់ងារសង្គ្រោះបន្ទាន់ Scottish SPCA ដើម្បីចុះទៅអន្តរាគមន៍ ខណៈ មានការព្រួយបារម្ភលើកឡើងឲ្យដឹងថា ពីងពាងយក្សមួយក្បាលនោះអាចនឹងមានពិស ដោយ ឡែកក្រុមការងារមូលនិធិសត្វ បានធ្វើការទាក់ទងអ្នកជំនាញសត្វ ដើម្បីបញ្ជាក់ពីអត្តសញ្ញាណ ពីងពាងមួយក្បាលខាងលើ ថាតើ វាអាចនឹងមានហានិភ័យ ពិសដ៏គ្រោះថ្នាក់ឬក៏យ៉ាងណា ។ </span></p>
<p><span style="color: #000000;">មន្រ្តីសង្គ្រោះសត្វ ពីស្ថាប័ន Scottish SPCA Animal Rescue Officer ដែលមានឈ្មោះថា Emma Bonner នោះឲ្យដឹងថា ក្រុមការងារយើងខ្ញុំ បានទទូលទូរស័ព្ទ ថាមានករណីរកឃើញសត្វពីង ពាងយក្សមួយក្បាល នៅក្នុងទូរកុងតើនើ នាសាជីវកម្ម មួយកន្លែងតាមបណ្តោយផ្លូវ Stirling Road ទីក្រុង Dumbarton ប្រទេស ស្តុតឡេន កាលពីព្រឹកថ្ងៃសុក្រ។ នៅពេលដែលខ្ញុំទៅដល់ ទីតាំងកើតហេតុនៃសំណង់អាគារសាជីវកម្មខាងលើ បុគ្គលិកម្នាក់បានចាប់ពីងពាងយក្សមួយ ក្បាលនោះដាក់ចូលទៅក្នុងផ្លាស្ទិចថ្លាមួយ។ ពួកយើងមិនទាន់បានដឹងថា ពីងពាងយក្សមួយ ក្បាលនោះ មានពិសឬក៏យ៉ាងណានោះទេ។ ប្រភពបញ្ជាក់ឲ្យដឹងថា ពីងពាងយក្សមួយក្បាល នោះត្រូវបានបញ្ជូនទៅកាន់ Scottish SPCA Ch Insp Fiona Henderson ដើម្បីរក្សាទុក និងវិភាគ ថាតើជាពូជសត្វពីងពាងមានពិសឬយ៉ាងណា ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>