<p><span style="color: #000000;"><strong>(ភ្នំពេញ)៖</strong> នៅលើបណ្តាញសង្គម Facebook នៅព្រឹកថ្ងៃទី១២ ខែធ្នូ ឆ្នាំ២០១៥នេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានលើកឡើងថា កីឡាមួយចំនួនដូចជា វាយបាល់ទះ វាយប៊ូល និងវាយកូនគោល សាមីខ្លួនត្រូវប្រឹងប្រែងដោយខ្លះឯង ហើយបើចាញ់ឬឈ្នះ មិនអាចឡាំប៉ាបានទេ។</span></p>
<p><span style="color: #000000;">ការលើកឡើងរបស់សម្តេចតេជោ ហ៊ុន សែន ធ្វើឡើងបន្ទាប់ពី អ្នកលេង Facebook ឈ្មោះ «ភិរក្ស ភូមិន្ទ» បានសរេសរ Comment ថា៖<strong>«លេងក៏មិនសូវជាល្អមើលដោយសារគូប្រកួត មិនហ៊ានចូលដណ្តើម»</strong>។</span></p>
<p><span style="color: #000000;">ពាក់ព័ន្ធនឹងការ Comment នេះ សម្តេចតេជោ ហ៊ុន សែន បានលើកឡើងឆ្លើយតបថា <strong>«តែកីឡាបាល់ទះវាយប៊ូល វាយកូនគោលត្រូវប្រឹងខ្លួនឯងទើបអាចទៅរួច។ គូរប្រកួតគ្មានហេតុផលនិយាយថា យោគយល់នោះទេ ហើយបើចាញ់ឬឈ្នះមិនអាចឡាំប៉ា បានទេ។ សូមទៅរៀនឱយចេះគ្រប់ប្រភេទ កីឡាទើបងាយនិយាយគ្នា។ មិនបាច់ចេះលេងទេចេះតែក្បួនលេង ក៏បានដែរណាក្មួយឬប្អូនឬ បង»</strong>។</span></p>
<p><span style="color: #000000;">សូមជំរាបថា នៅថ្ងៃទី១២ ខែធ្នូ ឆ្នាំ២០១៥នេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានបង្ហោះរូបភាពលេងកីឡាកាលពីវ័យកណ្តាល ហើយអំពាវនាវឱ្យយុវជន និងប្រជាពលរដ្ឋទាំងអស់គ្នា ចូលរួមលេងកីឡា និងហាត់ប្រាណដើម្បីសុខភាព។</span></p>
<p><span style="color: #000000;">សូមបញ្ជាក់ថា កាលពីម្សិលមិញសម្តេចតេជោ ហ៊ុន សែន បានប្រាប់មន្រ្តីនៅក្នុងពិធីផ្សព្វផ្សាយរបាយការណ៍ជាតិ នៃលទ្ធផលចុងក្រោយជំរឿនកសិកម្មកម្ពុជា នាវិមានសន្តិភាពថា សម្តេចបានតាមដានការរាយការណ៍ (Comment) របស់ប្រជាពលរដ្ឋនៅលើទំព័រ Facebook រាល់ពេលមិនថា ពេលយប់ ឬពេលថ្ងៃ ដើម្បីតាមដាននូវសុខទុក្ខរបស់ប្រជាពលរដ្ឋ និងដើម្បីដោះស្រាយបញ្ហាឲ្យទាន់ពេលវេលាជូនបងប្អូន៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/12/1236646015317359238074403949498941551100936n-12-12-2015--12-32-38.jpg"><span style="color: #000000;"><img src="/FileManager/Articles/mce/2015/12/12/1236646015317359238074403949498941551100936n-12-12-2015--12-32-38.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/12/1231666715317359604741033399689985851812517n-12-12-2015--12-32-52.jpg"><span style="color: #000000;"><img src="/FileManager/Articles/mce/2015/12/12/1231666715317359604741033399689985851812517n-12-12-2015--12-32-52.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រេ្វសញ៉ូវអាស៊ី</span></p>