<p><span style="color: #000000;">ព័ត៌មានអន្តរជាតិ ៖ ពលរដ្ឋប្រមាណ ៨០,០០០នាក់ ត្រូវបានអាជ្ញាធរចេញសេចក្តីប្រកាសអោយធ្វើ ការភៀសខ្លួនចាកចេញពីផ្ទះសម្បែងរបស់ពួកគេ ទៅកាន់កន្លែងមានសុវត្ថិភាព ខណៈអំណាចនៃ ភ្លើងឆេះព្រៃ បានរាលដាល ឆេះដល់ទីក្រុង Haifa ដែលជាទីក្រុងធំ លំដាប់ទី ៣ របស់ប្រទេស អ៊ីស្រាអែល ។ </span></p>
<p><br /><a class="thickbox" title="" href="/FileManager/Commons/2016/11/25/04d-25-11-2016--09-57-35.jpg"><img src="/FileManager/Articles/mce/2016/11/25/04d-25-11-2016--09-57-35.jpg" alt="" /><br /></a></p>
<p><span style="color: #000000;">រូបភាព តូច ខាងឆ្វេង នាយករដ្ឋមន្រ្តី អ៊ីស្រាអែល Benjamin Netanyahu និង ខាងស្តាំ លោក </span><br /><span style="color: #000000;">Mahmoud Abbas ប្រធានាធិបតី ប៉ាឡេស្ទីន</span><br /><br /><a class="thickbox" title="" href="/FileManager/Commons/2016/11/25/40a-25-11-2016--09-53-00.jpg"><img src="/FileManager/Articles/mce/2016/11/25/40a-25-11-2016--09-53-00.jpg" alt="" /></a></p>
<p><span style="color: #000000;">ប្រភពពីប៊ីប៊ីស៊ី បញ្ជាក់ឲ្យដឹងថា គ្រោះធម្មជាតិនៃភ្លើងឆេះព្រៃលើកនេះ បានកើតឡើង ក្រោយពី ប្រទេសអ៊ីស្រាអែល រងនូវគ្រោះរាំងស្ងួតរយៈពេល ២ខែមកនេះ ខណៈភាគខាងជើងទីក្រុងវិញ រង នូវកម្លាំងខ្យល់បក់ជាខ្លាំង ក៏បានពាំនាំ មកនូវការរាលដាលនៃភ្លើងឆេះព្រៃតែម្តង ។ ច្រើនជាងនេះ ទៅទៀត បើតាមសេចក្តីរាយការរណ៍បញ្ជាក់ឲ្យដឹងថា ភ្លើងឆេះព្រៃដ៏សាហាវលើកនេះ អំណាចដ៏ ក្តៅគគុករបស់វា បានគម្រាមគំហែងបណ្តាផ្ទះសម្បែងនៅតំបន់ Jerusalem និងតំបន់ West Bank ជាដើម ។ </span></p>
<p><span style="color: #000000;">ស្នងការប៉ូលីស ប្រទេសអ៊ីស្រាអែលឲ្យដឹងថា គ្រោះអគ្គីភ័យឆេះព្រៃលើកនេះ គឺមានមន្ទិលសង្ស័យ ច្រើនទៅលើមូលហេតុផ្សេងៗពីគ្នា ខណៈនាយករដ្ឋមន្រ្តីលោក Benjamin Netanyahu ក៏បានគូស បញ្ជាក់ដោយដាក់បន្ទុកទៅលើការវាយប្រហារ ភារវកម្ម ផងដែរ ។ លោកបញ្ជាក់ក្តែងៗឲ្យដឹងថា នរណាម្នាក់ក៏ដោយចុះ ដែលព្យាយាមដុតរដ្ឋប្រទេសអ៊ីស្រាអែលនោះ នឹងត្រូវរងការដាក់ទណ្ឌកម្ម កម្រិតធ្ងន់ ។ ទន្ទឹងនឹងនេះ ស្នងការប៉ូលីស លោក Roni Alsheich បន្តឲ្យដឹងថា ប្រសិនបើករណី ភ្លើងឆេះព្រៃ បានឆាបឆេះដោយជនណាម្នាក់ បង្កដោយមានបំណងនោះ ច្បាស់ណាស់ វាគឺជា ការ ជាប់ពាក់ព័ន្ធទៅនឹងនយោបាយ។ </span></p>
<p><br /><a class="thickbox" title="" href="/FileManager/Commons/2016/11/25/40b-25-11-2016--09-52-51.jpg"><img src="/FileManager/Articles/mce/2016/11/25/40b-25-11-2016--09-52-51.jpg" alt="" /></a></p>
<p><span style="color: #000000;">ដោយឡែក រដ្ឋមន្រ្តីក្រសួងអប់រំ លោក Naftali Bennett ដែលជាមេដឹកនាំគណបក្ស Jewish Home Party ផងដែរនោះ ដែលធ្លាប់បានលើកឡើងថា អារ៉ាប់ និង ប៉ាឡេស្ទីន អាចជាប់ពាក់ព័ន្ធនឹងការ ដុតភ្លើងឆេះព្រៃលើកនេះ បានលើកឡើងតាមបណ្តាញ Twitter ឲ្យដឹងថា មានតែជនដែលមិនជាប់ ពាក់ព័ន្ធនឹងក្នុងប្រទេសនោះទេ ដែលបានដុតបំផ្លាញព្រៃរបស់យើងរហូតរាលដាលដល់ទីក្រុង ។ </span></p>
<p><span style="color: #000000;">ការលើកឡើងដូច្នេះហើយ បានបណ្តាលឲ្យផ្ទុះប្រតិកម្មខឹងសម្បារជាខ្លាំង ពីប្រធានាធិបតី ប្រទេស ប៉ាឡេស្ទីន លោក Mahmoud Abbas ដោយលោកតបទៅវិញថា មានតែមន្រ្តីអ៊ីស្រាអែលដែលបាន ដុតព្រៃឲ្យឆាបឆេះរួចចាប់ផ្តើមចោទប្រកាន់ និងទម្លាក់កំហុសមកលើ ជនជាតិ ប៉ាឡេស្ទីន។ ប្រធានាធិបតី ប៉ាឡេស្ទីន គូសបញ្ជាក់តាមរយៈសេចក្តីថ្លែងការណ៍ឲ្យដឹងថា អ្វីដែលកំពុងតែឆាប ឆេះនោះ គឺកំពុងតែឆេះព្រៃរបស់ពួកយើង ដីរបស់ពួកយើងនៃប្រវត្តិសាស្រ្ត ប៉ាឡេស្ទីន ។<span style="font-size: 12px;"> </span></span></p>
<p><span style="color: #000000;">ការបង្ហូរឈាមគ្នារវាងប៉ាឡេស្ទីន និងអ៊ីស្រាអែលក្នុងតំបន់ West Bank នៅតែបន្តកើតមាន <span style="font-size: 12px;">ចាប់តាំងពីថ្ងៃទី២៨ ខែតុលាមកជនជាតិអ៊ីស្រាអែល និងពលរដ្ឋអាមេរិកកាំងមួយចំនួនត្រូវបានសម្លាប់ ក្នុងការវាយប្រហារនៅតាមដងផ្លូវដោយពលរដ្ឋប៉ាឡេស្ទីន។ ជាការឆ្លើយតបកងកម្លាំងអ៊ីស្រាអែលបានសម្លាប់ពលរដ្ឋ ប៉ាឡេស្ទីន យ៉ាងហោចណាស់ ១៨៧នាក់។ ការកញ្ជ្រោលឡើងក្នុងអំពើហិង្សា បានដុតរោលជាផ្នែកដោយការ មិនពេញចិត្តពីសំណាក់ពលរដ្ឋប៉ាឡេស្ទីន ការបរាជ័យដំណើរការជជែកស្វែងរកសន្តិភាព ក្រោមការសម្របសម្រួលដោយសហរដ្ឋអាមេរិកក្នុងឆ្នាំ2014 , កំណើននៃការសាងសង់លំនៅដ្ឋានរបស់ជនជាតិជ្វីស នៅលើដី ដែលពួកគេស្វែងរក ការប្រកាសជារដ្ឋឯករាជនាពេលអនាគត និងពួកអ៊ីស្លាមជ្រុលនិយមអំពាវនាវរកការបំផ្លិចបំផ្លាញប្រទេសអ៊ីស្រាអែល៕</span></span></p>
<p><a class="thickbox" title="" href="/FileManager/Commons/2016/11/25/40c-25-11-2016--09-52-19.jpg"><img src="/FileManager/Articles/mce/2016/11/25/40c-25-11-2016--09-52-19.jpg" alt="" /></a></p>
<p><br /><a class="thickbox" title="" href="/FileManager/Commons/2016/11/25/40d-25-11-2016--09-52-28.jpg"><img src="/FileManager/Articles/mce/2016/11/25/40d-25-11-2016--09-52-28.jpg" alt="" /></a></p>
<p><br /><a class="thickbox" title="" href="/FileManager/Commons/2016/11/25/40e-25-11-2016--09-52-37.jpg"><img src="/FileManager/Articles/mce/2016/11/25/40e-25-11-2016--09-52-37.jpg" alt="" /></a></p>
<p><br /><object width="480" height="380" data="http://www.youtube.com/v/txjY2vrcV-w&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/txjY2vrcV-w&rel=1" /></object><a class="thickbox" title="" href="/FileManager/Commons/2016/11/25/40e-25-11-2016--09-52-37.jpg"></a><a class="thickbox" title="" href="/FileManager/Commons/2016/11/25/40d-25-11-2016--09-52-28.jpg"></a><a class="thickbox" title="" href="/FileManager/Commons/2016/11/25/40c-25-11-2016--09-52-19.jpg"></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>
<p> </p>