<p><span style="color: #000000;"><strong>(វ៉ាស៊ីនតោន)៖</strong> គោលគំនិតដែលចង់ឲ្យសម្ព័ន្ធមិត្តអាមេរិកដូចជាកូរ៉េខាងត្បូង និងជប៉ុន មានអាវុធនុយក្លេអ៊ែរដើម្បីការពារខ្លួននោះ គឺជារឿងមិនសមហេតុផល ហើយវានឹងបង្កអស្ថិរភាពនៅក្នុងតំបន់ អាស៊ីបូព៌ាជាក់ជាមិនខាន។ នេះបើតាមការថ្លែងរបស់សេតវិមានអាមេរិក នៅមុននេះបន្តិច ដែលត្រូវបានដកស្រង់ដោយ Channel News Asia នាព្រឹកថ្ងៃព្រហស្បតិ៍ ទី៣១ ខែមីនា ឆ្នាំ២០១៦។</span></p>
<p><span style="color: #000000;">នៅក្នុងការថ្លែងទាក់ទាញអ្នកគាំទ្រ បេក្ខជនប្រធានាធិបតីអាមេរិកលោក ដូណាល់ ត្រាំភ៍ (Donald Trump) មកពីគណបក្សសាធារណរដ្ឋ បានលើកឡើងដូច្នេះថា «សម្ព័ន្ធមិត្តអាមេរិកទាំងពីរ (កូរ៉េខាងត្បូង និង ជប៉ុន) គួរតែផលិតអាវុធនុយក្លេអ៊ែរ ដើម្បីទុកការពារខ្លួនពីរការវាយប្រហារណាមួយ ដោយសម្រូវរបស់ពួកគេ»។</span></p>
<p><span style="color: #000000;">មន្ត្រីនាំពាក្យសេតវិមានអាមេរិកលោក ចូស អ៊ឺណែសត៍ (Josh Earnest) បានថ្លែងប្រាប់អ្នកសារព័ត៌មាននានាថា «ការថ្លែងរបស់លោក ត្រាំ ពិតជាផ្ទុយទៅនឹងគោលនយោបាយរបស់ អាមេរិក ដែលសហរដ្ឋនេះតែងតែធានាជានិច្ច ចំពោះការគាំទ្រដ៏យូរអង្វែងរបស់ខ្លួន លើសហគមន៍អន្តរជាតិនោះ។ ខ្ញុំមិនដឹងថា ទង្វើនោះនឹងធ្វើឲ្យកូរ៉េខាងជើងឈប់អភិវឌ្ឍន៍កម្មវិធីនុយក្លេអ៊ែរ ឬកាន់តែ ផលិតវាឲ្យបានខ្លាំងក្លាថែមទៀតឡើយ»៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/31/080a-31-03-2016--15-54-07.jpg"><img src="/FileManager/Articles/mce/2016/3/31/080a-31-03-2016--15-54-07.jpg" alt="" /></a><br /></span></p>
<p style="text-align: right;"><br /><span style="color: #000000;">ប្រភព ៖ CNA</span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>