<p>កាលពីប៉ុន្មានខែកន្លងទៅនេះ គេហទំព័រ Camnews.com.kh បានចុះផ្សាយម្តងរួចមកហើយ នូវ<br />វីដេអូមួយស្តីពីភាពគ្មានចិត្តមនុស្សធម៌ លើមនុស្សជាតិដូចគ្នា ដែលក្នុងនោះ បុរសម្នាក់បាន<br />ជិះម៉ូតូដួល បោកក្បាលសន្លប់ មុខហាងទំនិញមួយ និងមានមនុស្សម្នា ធ្វើដំណើរទៅមកជាច្រើន<br />ប៉ុន្តែគ្មានអ្នកណាម្នាក់ឈឺឆ្អាលជួយ សូម្បីតែជួយទូរស័ព្ទហៅឡានពេទ្យជួយសង្គ្រោះ ឬប៉ូលិស<br />មកជួយអន្តរាគមន៍ ក៏គ្មានដែរ។ ថ្មីៗនេះ មានវីដេអូខ្លីមួយប្រហាក់ប្រហែលគ្នា ត្រូវបានគេបង្ហោះ<br />នៅលើអ៊ីនធឺណេត បានបង្ហាញនូវភាពគ្មានចិត្តមនុស្សធម៌ ជួយគ្នា ដ៏គួរឲ្យខ្លាចមួយ ដែលទង្វើ<br />នេះទទួលបានការរិះគន់ជាច្រើន ពីមនុស្សទូទៅ បន្ទាប់ពីពួកគេបានទស្សនាវីដេអូនេះរួចមក។</p>
<p>នៅក្នុងវីដេអូខ្លីខាងក្រោមនេះ និយាយអំពីស្ត្រីម្នាក់បានជិះកង់អាគុយ ធ្វើចរាចរលើដងផ្លូវមួយ។<br />គាប់ជួនមានសត្វឆ្កែមួយក្បាលរត់ឆ្លងកាត់ និងប៉ះជាមួយកង់គាត់ ធ្វើគាត់ដួលមួយជំហខ្លួនលើផ្លូវ<br />តែម្តង។ ប្រហែលពេលដួលនោះ គាត់មានរបួសឈឺចាប់ខ្លាំង ទើបធ្វើឲ្យគាត់មិនអាចក្រោកវិញ<br />បានដោយខ្លួនឯងឡើយ។ ដោយសង្ឃឹមថា នឹងមានគេជួយ ព្រោះនៅពេលគាត់ដួលនោះ មាន<br />មនុស្សម្នាធ្វើដំណើរឆ្លងកាត់ច្រើនដែរ ប៉ុន្តែផ្ទុយពីអ្វីដែលបានគិត អ្នកដំណើរទាំងនោះ បានត្រឹម<br />តែមើលនឹងភ្នែក (មិនជួយសូម្បីតែ ជួយទូរស័ព្ទហៅឡានពេទ្យ ឬប៉ូលិសមកអន្តរាគមន៍) ហើយ<br />នាំគ្នាដើរហួស ធ្វើហាក់ដូចជាមិនបានឃើញអ្វីទាំងអស់។</p>
<p><a class="thickbox" title="" href="/FileManager/Commons/2013/5/6/5-6-2013-1-16-48-pm-06-05-2013--13-26-56.png"><img src="/FileManager/Articles/mce/2013/5/6/5-6-2013-1-16-48-pm-06-05-2013--13-26-56.png" alt="" /></a></p>
<p>សូមទស្សនាវីដេអូខាងក្រោមនេះ ទាំងអស់គ្នា ៖</p>
<p style="text-align: center;"><object width="500" height="400" data="http://www.youtube.com/v/LRHZSzXznFo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/LRHZSzXznFo&rel=1" /></object></p>
<p style="text-align: left;">ក្នុងនាមយើងជាមនុស្សជាតិដូចគ្នា បើទោះជាជាតិសាសន៍ដូចគ្នា ឬសាសន៍ដទៃ បើសិនបានជួប<br />ហេតុការណ៍ដូច្នេះ សូមកុំនាំគ្នាមើលនឹងភ្នែក អាចជួយអ្វីបាន គួរណាស់តែជួយ។ ពិតណាស់ក្នុង<br />ពេលកន្លងមក មានសកម្មភាពមួយចំនួនតូច ដែលពួកគាត់មានចិត្តជួយដោយចិត្តស្មោះ បែរជា<br />ទទួលរងនូវការចោទប្រកាន់ផ្សេងៗមកលើខ្លួនទៅវិញ ដែលមានន័យថា "ធ្វើគុណ បែរជាបាន<br />ទោស"។ តែបើសិនខ្លាចកើតមានប្រការនេះមកលើខ្លួន ដោយគ្រាន់តែជួយទូរស័ព្ទហៅឡានពេទ្យ<br />មកជួយសង្គ្រោះ ឬហៅប៉ូលិសមកជួយអន្តរាគមន៍ ពីចម្ងាយ ប្រាកដជាមិនកើតមានបញ្ហាអ្វីមកលើ<br />ខ្លួនយើងឡើយ៕</p>
<p style="text-align: right;">ដោយ៖ សិលា<br />វីដេអូ៖ youtube</p>