<div class="article-content">
<p><span style="color: #000000;"><strong>ភ្នំពេញ :</strong> សម្តេចនាយករដ្ឋមន្ត្រី ហ៊ុន សែន នៅព្រឹកថ្ងៃទី១៨ ខែធ្នូ ឆ្នាំ២០១៤នេះ បានប្រកាសថា រឿងនៃការឆ្លង មេរោគអេដស៍ លើអ្នកភូមិចំនួន១០៦នាក់ នៅឃុំរកា ស្រុកសង្កែ ខេត្តបាត់ដំបង សម្តេចនៅ មិនទាន់ជឿនៅឡើយទេ រហូតដល់ ៩៩ភាគរយ ។</span></p>
<p><span style="color: #000000;">នៅចំពោះមុខនិស្សិតជ័យលាភី នៃសាកលវិទ្យាល័យ ភូមិន្ទកសិកម្មចំការដូង នាព្រឹកថ្ងៃនេះ សម្តេចតេជោ ហ៊ុន សែន បានបញ្ជាក់ថា វាជារឿងនៅមិនទាន់ជឿនោះទេ ការដែលប្រជាពលរដ្ឋ ១០៦នាក់ ក្នុងចំណោម ជាង៨០០នាក់ ឆ្លង ជំងឺអេដស៍ មានទាំងក្មេងអាយុ ២ឆ្នាំ និងចាស់អាយុដល់៨០ឆ្នាំ។ សម្តេចក៏បានអំពាវនាវដល់ ប្រជាពលរដ្ឋនៅ តំបន់ នោះ រក្សាភាពស្ងប់ស្ងាត់ ហើយក៏អំពាវនាវដល់កងកម្លាំង ប្រដាប់អាវុធទាំងអស់ ត្រូវការពារសុវត្ថិភាពគ្រូពេទ្យភូមិ ដែលប្រជាពលរដ្ឋចោទថា ជាអ្នកចម្លងមេរោគអេដស៍ ពីព្រោះបើប្រជាពលរដ្ឋផ្ទុះហិង្សា ហើយឈានទៅ ការវាយ សម្លាប់ក្រុមគ្រួសារ ក៏ដូចជាគ្រូពេទ្យនោះ ច្បាស់ជាធ្វើឲ្យបាត់ដានជាក់ជាមិនខាន ។</span></p>
<p><span style="color: #000000;">សម្តេចតេជោ ហ៊ុន សែន ក៏បានថ្លែងទៀតថា ឥឡូវនេះ រដ្ឋមន្ត្រីក្រសួងសុខាភិបាល អង្កការសុខភាពពិភពលោក និង មន្ត្រីបច្ចេកទេសនៅ ប៉ាស្ទ័រ កំពុងទៅកាន់តំបន់នោះ ដើម្បីធ្វើការស្រាវជ្រាវ និងតាមដានសារជាថ្មីឡើងវិញ ៕</span></p>
<p><span style="color: #000000;"><a style="margin: 0px; padding: 0px; border: 0px; outline: 0px; font-size: 12px; color: #47a1e8; text-decoration: none; font-family: 'Khmer OS', 'Khmer OS System', Arial, Tahoma; font-style: normal; font-variant: normal; font-weight: normal; letter-spacing: normal; line-height: normal; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-stroke-width: 0px; background: #ededed;" href="/News/Detail/78503/social-news-cambodia-batambong" target="_blank"><span style="margin: 0px; padding: 0px; border: 0px; outline: 0px; font-size: 12px; color: #0000ff; background: transparent;">- អាន ៖ ពលរដ្ឋ៣ភូមិ ៩០នាក់ ពិនិត្យឃើញ មេរោគអេដស៍ ទាំងមិនដឹងមូលហេតុ និងប្រភពចម្លង</span></a><br /></span></p>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>