<div class="item-page">
<p><span style="color: #000000;"><strong>(ព្រៃវែង)៖</strong> ពិតជាគួរឲ្យអាណិតអាសូរយ៉ាងពន់ពេក សម្រាប់ជនរងគ្រោះ៣នាក់ ជាជីតា និងចៅប្រុសស្រី ដែលបានស្លាប់ដោយសារផ្ទុះគ្រាប់ប្រភេទ១០៥មីលីម៉ែត្រ សល់ពីជំនាន់សង្គ្រាម។ ការផ្ទុះគ្រាប់នេះ បណ្តាលមកពីជនរងគ្រោះទាំង៣នាក់ បានយកគ្រាប់បែកដែលរើសបាន ទៅដំធ្វើស្នឹងគោ។ ហេតុការណ៍នេះបានកើតឡើង នៅព្រឹកថ្ងៃទី២៤ ខែឧសភា ឆ្នាំ២០១៦ ស្ថិតនៅភូមិជង្រុះ ឃុំរំចេក ស្រុកព្រះស្ដេច ខេត្តព្រៃវែង។</span></p>
<p><span style="color: #000000;">មេបញ្ជាការអាវុធហត្ថខេត្តព្រៃវែង លោកឧត្តមសេនីយ៍ត្រី ម៉ែន ស៊ីនប៊ន បានប្រាប់អង្គភាព Fresh News ថា <strong>«មុនពេលកើតហេតុ ជនរងគ្រោះបានយកគ្រាប់១០៥មីលីម៉ែត្រនេះ ទៅដំធ្វើស្នឹងគោ ស្រាប់តែផ្ទុះបណ្ដាលឱ្យស្លាប់ទាំង៣នាក់តែម្ដង»</strong>។ លោកមេបញ្ជាការបានបន្ដថា ជនរងគ្រោះដែលទាំង៣នាក់ ទី១. ឈ្មោះ ទេព ផល អាយុជាង៧០ឆ្នាំ(ជីតា) ទី២. ឈ្មោះ ផល ណារី ភេទស្រី អាយុ១២ឆ្នាំ (ចៅ)និងទី៣. ឈ្មោះ ផល ដារ៉ា ភេទប្រុស អាយុ១៩ឆ្នាំ (ចៅ)។ ជនរងគ្រោះទាំង៣នាក់ រស់នៅក្នុងភូមិកើតហេតុខាងលើ។</span></p>
<p><span style="color: #000000;">ក្រោយការពិនិត្យរួចពីសមត្ថកិច្ច សពជនរងគ្រោះទាំង៣នាក់ ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណីដោយក្តីអាឡោះអាល័យជាទីបំផុត។ ជាមួយគ្នានេះ លោកឧត្តមសេនីយ៍មេបញ្ជាការអាវុធហត្ថ បានអំពាវនាវដល់ប្រជាពលរដ្ឋទាំងអស់ត្រូវមានការប្រុងប្រយ័ត្ន នៅពេលប្រទះឃើញគ្រាប់ដែលបន្សល់ពីសម័យសង្គ្រាម សូមកុំទៅប៉ះពាល់ ឲ្យសោះពោលត្រូវរាយការណ៍មកសមត្ថកិច្ច ដើម្បីចុះទៅពិនិត្យ និងយកមករក្សាទុក៕</span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-06-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-06-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-06-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-07-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-07-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-24-13-34-07-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>