<p>កូរ៉េខាងជើង ៖ ដោយយោងតាមការដកស្រង់អត្ថបទផ្សាយ ដែលទើបតែបានចេញផ្សាយ<br />ដោយគេហទំព័រសារព័ត៌មានបរទេស CNN កាលពីវេលាល្ងាចម្សិលមិញនេះ បានគូស<br />បញ្ជាក់អោយដឹងថា កាលពីថ្ងៃអាទិត្យ ម្សិលមិញនេះ កូរ៉េខាងជើង បានធ្វើការសាកល្បង<br />បាញ់ម៉ីស៊ីល ក្នុងរយៈចម្ងាយខ្លី ជាលើកទី ៤ របស់ខ្លួន ចូលទៅក្នុងសមុទ្រជប៉ុន (Sea of<br />Japan) ។</p>
<p><a class="thickbox" title="" href="/FileManager/Commons/2013/5/20/299331-nkorea-skorea-us-military-missile-economy-kaesong-files-20-05-2013--09-21-00.jpg"><img src="/FileManager/Articles/mce/2013/5/20/299331-nkorea-skorea-us-military-missile-economy-kaesong-files-20-05-2013--09-21-00.jpg" alt="" width="433" height="242" /></a></p>
<p>លើសពីនេះ ប្រភពសារព័ត៌មានដដែល បានបញ្ជាក់បន្ថែមផងដែរថា កាលពីថ្ងៃសៅរ៍<br />កន្លងទៅ កូរ៉េខាងជើង បានបាញ់សាកល្បងម៉ីស៊ីល ៣ ក្នុងរយៈចម្ងាយខ្លី ចូលទៅក្នុង<br />សមុទ្រភាគខាងកើត នៃឧបទ្វីបកូរ៉េ។</p>
<p>យ៉ាងណាមិញ បើយោងតាមសម្តីមន្ត្រីយោធា អោយដឹងថា ការបាញ់សាកល្បងម៉ីស៊ីល<br />ក្នុងរយៈចម្ងាយខ្លី ចូលទៅក្នុងសមុទ្រលើកនេះ គឺវាមានចម្ងាយសមល្មមពីដែនទឹករបស់<br />កូរ៉េខាងត្បូង។</p>
<p><a class="thickbox" title="" href="/FileManager/Commons/2013/5/20/19si-20-05-2013--09-22-42.jpg"><img src="/FileManager/Articles/mce/2013/5/20/19si-20-05-2013--09-22-42.jpg" alt="" width="430" height="240" /></a></p>
<p>ទន្ទឹមនឹងនេះ បើយោងតាមប្រភពសារព័ត៌មាន Yonhap បញ្ជាក់ថា កូរ៉េខាងត្បូងក៏កំពុង<br />ធ្វើការតាមដានយ៉ាងយកចិត្តទុកដាក់ ទៅលើសកម្មភាពមិនប្រក្រតីណាមួយរបស់កូរ៉េ<br />ខាងជើង ដោយមានការរក្សាបាននូវកម្រិតខ្ពស់ នៃការត្រៀមខ្លួនក្នុងការដោះស្រាយទៅ<br />នឹងស្ថានការណ៍ប្រឈមណាមួយ ដែលអាចកើតឡើងជាយថាហេតុ។</p>
<p><a class="thickbox" title="" href="/FileManager/Commons/2013/5/20/bf52e24d-d980-47d1-b9e6-d7edb76e767ew640r1scx0cy3cw0-20-05-2013--09-22-56.jpg"><img src="/FileManager/Articles/mce/2013/5/20/bf52e24d-d980-47d1-b9e6-d7edb76e767ew640r1scx0cy3cw0-20-05-2013--09-22-56.jpg" alt="" width="427" height="239" /></a></p>
<p>គួររំឭកផងដែរថា បើយោងតាមសមាគមត្រួតពិនិត្យសព្វាវុធសហរដ្ឋអាមេរិកArms Con-<br />trol Association ការបាញ់ម៉ីស៊ីលក្នុងរយៈចម្ងាយខ្លី ត្រូវបានចាត់ និងកំណត់ជាទូទៅថា<br />មានរយៈចម្ងាយតិចជាង ១០០០ គីឡូម៉ែត្រ។ គួរបញ្ជាក់ផងដែរថា ស្ថានការណ៍នៅឧប<br />ទ្វីបកូរ៉េ បានធូរស្រាលបន្តិច ក្នុងរយៈពេលមួយខែចុងក្រោយនេះបន្ទាប់ពីមានការគំរាម<br />គំហែងកាលពីពេលកន្លងទៅ ដែលអាចនឹងកើតមានឡើងនូវសង្រ្គាមក៏ថាបាន៕</p>
<p style="text-align: left;"><object width="450" height="400" data="http://www.youtube.com/v/WyMdiKKsUg8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/WyMdiKKsUg8&rel=1" /></object></p>
<p style="text-align: right;">ដោយ ៖ រិទ្ធី<br />ប្រភព ៖ cnn</p>