<p><span style="color: #000000;"><strong>(ភ្នំពេញ)៖</strong> បន្ទាប់ពីប្រកាសថា មានជនខិលខូចបន្លំលក់សំបុត្រក្លែងក្លាយ កាលពីម្សិលមិញ នៅព្រឹកនេះ សហព័ន្ធកីឡាបាល់ទាត់កម្ពុជា (FFC) បានត្រៀមរៀបចំតង់មួយកន្លែង នៅក្បែរជណ្ដើរទេរភាគខាងជើងពហុកីឡដ្ឋានជាតិ ដើម្បីជួយផ្ទៀងផ្ទាត់សំបុត្រជូនអ្នកគាំទ្រ ដែលមិនច្បាស់ ឬសង្ស័យថា សំបុត្រទិញពីឈ្មួញកណ្ដាលពិត ឬក្លែងក្លាយ មុននឹងចូលក្នុងពហុកីឡដ្ឋានជាតិ។</span></p>
<p><span style="color: #000000;">FFC បានជូនដំណឹងលើ Facebook ផ្ទាល់ខ្លួននាព្រឹកនេះថា <strong>«ដើម្បីជៀសវាងករណីបងប្អូនកាន់សំបុត្រក្លែងក្លាយ ដោយមិនដឹងខ្លួន ហើយមានបញ្ហានៅច្រកចូល នៅពេលអ្នកពិនិត្យសំបុត្រស្វែងរកឃើញសំបុត្រក្លែងក្លាយ សូមមកតង់នេះ ដើម្បីបញ្ជាក់ពីប្រភពសហព័ន្ធកីឡាបាល់ទាត់កម្ពុជា»</strong>។</span></p>
<p><span style="color: #000000;">ទន្ទឹមជាមួយគ្នានេះដែរ ពីម្សិលមិញសហព័ន្ធក៏បានញ្ជាក់ដែរថា <strong>«ចំពោះអ្នក ដែលទិញចំសំបុត្រក្លែងក្លាយពីឈ្មួញកណ្តាល ដែលមិននូវក្រោមការគ្រប់គ្រងរបស់សហពន្ធ័ យើងខ្ញុំមិនទទួលខុសត្រូវឡើយ ហើយអ្នកដែលប្រើប្រាស់សំបុត្រក្លែងក្លាយ នឹងមិនអនុញ្ញាតឱ្យចូលទស្សនា ហើយថែមទាំងធ្វើការឃាត់ខ្លួនបុគ្គលនោះ ធ្វើការដោះស្រាយ ទៅតាមផ្លូវច្បាប់ទៀតផង»</strong>៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/7/14a-07-06-2016--09-32-18.jpg"><img src="/FileManager/Articles/mce/2016/6/7/14a-07-06-2016--09-32-18.jpg" alt="" /></a><br /><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>