<p><span style="color: #000000;"><strong>ភ្នំពេញ ៖</strong> ស្ត្រីជាជនជាតិចិនម្នាក់ ត្រូវបានត្រូវបានជនដៃ ដល់វាយអូសចូល ក្នុងបន្ទប់ជួលរួចហើយ អាកស្លាប់ក្នុងថ្លុកឈាម យ៉ាងអណោចអធម៌បំផុត ក្នុងករណីនេះដែរនគរបាល បានដាក់ការ សង្ស័យ លើមិត្តភក្តិ ជាអ្នកសម្លាប់ព្រោះ ទំនាស់ ពាក្យសំដី ។ ហើយបង្កឲ្យភ្ញាក់ផ្អើល កាលពីវេលា ម៉ោងជិត ៨យប់ថ្ងៃទី១៥ ខែវិច្ឆិកា ឆ្នាំ២០១៥ ស្ថិតនៅក្នុងសំណង់ ផ្សារបុរីញ៉ូថោន ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។</span></p>
<p><span style="color: #000000;">នគរបាលបានឲ្យដឹងថា បើយោងតាមលិខិតឆ្លងដែនជនរងគ្រោះក្នុងអំពើឃាតកម្មនោះមានឈ្មោះ ចិន ហួយ យីង ភេទស្រីអាយុ២៥ឆ្នាំស្នាក់នៅក្នុងបន្ទប់ជួលសំណង់ខាងលើ ។ ក្នុងនោះបានសង្ស័យ ទៅលើ មិត្តភក្តិរបស់ ជនរងគ្រោះម្នាក់ឈ្មោះ យ៉ាង ប៉ីប៉ី ភេទស្រីអាយុ២៤ឆ្នាំស្នាក់នៅក្នុងបន្ទប់ជួលក្បែរ គ្នា ហើយក្នុងនោះដែរ បានឃាត់ខ្លួនជនជាតិចិនស្នាក់នៅបន្ទប់ជួលក្បែរគ្នាមួយចំនួនទៀតផងដែរ។</span></p>
<p><span style="color: #000000;">បើយោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលភ្ញាក់ផ្អើលមានអ្នកប្រចាំការនៅ ទីនោះបាន ទៅរាយការណ៍ប្រាប់នគរបាលថា មានស្រ្តីជនជាតិចិនម្នាក់ត្រូវបានគេសម្លាប់នៅក្នុងបន្ទប់ជួល ភ្លាមៗនគរបាល ចុះទៅដល់កន្លែងកើតហេតុ និងបានធ្វើការស្រាវជ្រាវ រកឃើញវត្ថុតាង កាំបិតប៉័ងតោ១ ដំបង២ ដើម និងធ្វើការឃាត់ខ្លួន ជនជាតិចិន ចំនួន៥នាក់ ដើម្បីធ្វើការ សាកសួរស្វែងរកជនដៃដល់។</span></p>
<p><span style="color: #000000;">បើតាមប្រភពព័ត៌មានពីបុរសម្នាក់ដែលអះអាងថា ជាមេសន្តិសុខយាមនៅទីនោះបាននិយាយថា ជនជាតិដែល ជួលស្នាក់នៅកន្លែងកើតហេតុមានចំនួនតែ៦នាក់ ទាំងអ្នកស្លាប់ ដូច្នេះអ្នកនៅសល់គឺមានចំនួន៥នាក់ ដូច្នេះការ ឃាត់ខ្លួនរបស់នគរបាលនេះ គឺអាចនិងស្វែងរកជនដៃដល់ឃើញជាមិនខាន។</span></p>
<p><span style="color: #000000;">ប្រភពបានបន្តថា ចំពោះការយាមកាមនៅទីនេះ គឺលោកបានដាក់ផែនការតឹងរ៉ឹងណាស់ បើមានអ្នកផ្លែកមុខ គឺត្រូវត្រួតពិនិត្យ ឲ្យបានច្បាស់លាស់ ហើយនៅថ្ងៃកើតហេតុនេះ គឺពុំមានមុខផ្លែកមុខចេញចូលនោះទេ ។</span></p>
<p><span style="color: #000000;">ទោះបីជាយ៉ាងណាក៏ ដោយក្នុងករណីឃាតកម្មនេះ ពុំទាន់មានប្រភពច្បាស់លាស់ ពីអត្តសញ្ញាណជន ដៃ ដល់នៅឡើយទេ ហើយពេលនគរបាល កំពុងតែធ្វើការស្រាវជ្រាវយ៉ាង យកចិត្តទុកដាក់បំផុត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-11-32-39-am-16-11-2015--16-34-03.png"><span style="color: #000000;"><img src="/FileManager/Articles/mce/2015/11/16/11-16-2015-11-32-39-am-16-11-2015--16-34-03.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-11-32-56-am-16-11-2015--16-34-16.png"><span style="color: #000000;"><img src="/FileManager/Articles/mce/2015/11/16/11-16-2015-11-32-56-am-16-11-2015--16-34-16.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-4-26-59-pm-16-11-2015--16-34-31.png"><span style="color: #000000;"><img src="/FileManager/Articles/mce/2015/11/16/11-16-2015-4-26-59-pm-16-11-2015--16-34-31.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>