<p><strong>ភ្នំពេញ៖</strong> អំណាចនៃ ក្តីស្រឡាញ់ ដែលមិនអាច ដកថយបាន ពីព្រោះ ប្រាណ និងទឹកចិត្តបាន<br />ប្រគល់ ឲ្យបងអស់ហើយនោះ បើទោះបីអូនស្លាប់ ក៏ហ៊ានដែរ មិនខ្លាចនោះទេ។ ហេតុដូច្នេះ<br />ហើយទើបនារី កម្មការិនីកាត់ដេរម្នាក់ ដែលបាន ចំណាយពេលវេលា រាប់សិបខែ ចាកចេញ<br />ពីស្រុកកំណើត មកធ្វើការរោងចក្រ នៅភ្នំពេញបាន ដាច់ចិត្ត ធ្វើអត្តឃាត ដោយមិនគិត ដល់<br />ឡើយ ចំពោះគ្រួសារ និងបងប្អូនដែលនៅរស់ នៅឯស្រុក ហើយតែងតែគិតបារម្ភ គ្រប់ពេល<br />វេលានោះ ។</p>
<p>នារីវ័យ២០ឆ្នាំ និងធ្វើការរោងចក្រកាត់ដេរ ត្រូវបានមិត្តភក្តិរបស់នាង ប្រទះឃើញចងក និង<br />បង្អូច ស្លាប់កាល ពីវេលាម៉ោង ៦៖២០នាទីល្ងាចថ្ងៃទី៥ ខែកុម្ភះ ឆ្នាំ២០១៣ ស្ថិតនៅ បន្ទប់ជួល<br />លេខ១៩ ផ្លូវលេខ ២០៣ ក្រុមទី៣ ភូមិត្នោតជ្រុំ៤ សង្កាត់បឹងទំពុន ខណ្ឌមានជ័យ ធ្វើឲ្យមាន<br />ការភ្ញាក់ផ្អើល យ៉ាងខ្លាំងនៅ កន្លែងកើតហេតុ។</p>
<p>សេចក្តីរាយការណ៍ ពីសាក្សីនៅ កន្លែងកើតហេតុ បានឲ្យដឹងថា ជនរងគ្រោះ ដែលចងក សម្លាប់<br />ខ្លួន ខាងលើនេះ មានឈ្មោះ យ៉ាន់ សេងហ៊ួរ អាយុ២០ឆ្នាំ មានស្រុកកំណើត នៅភូមិតាអី ឃុំ<br />បាស្រែ ស្រុកអង្គរបូរី ខេត្តតាកែវ ហើយបច្ចុប្បន្ន ជាកម្មការិនីកាត់ដេរ។</p>
<p>សាក្សីបានបន្តថា មុនពេលកើតហេតុ នារីរងគ្រោះដែល ជួលផ្ទះ នៅជាមួយមិត្តភក្តិនោះ បាននៅ<br />តែម្នាក់ឯង ពីព្រោះមិត្តភក្តិបានចេញ ទៅក្រៅអស់ហើយ។ លុះដល់ម៉ោង កើតហេតុ នៅពេលមិត្ត<br />ភក្តិ ត្រឡប់មកវិញ ហើយចាក់ទ្វារចូលទៅ ស្រាប់តែឃើញ ជនរងគ្រោះ ចងក ដោយយកក្រមា<br /> ចងនឹងបង្អូច ស្លាប់បាត់ទៅហើយ បើទោះបីជាមិត្តភក្តិ បានទៅជួយស្រាយ ក្រមា យ៉ាងណាក៏<br />ដោយ នោះ។</p>
<p>ក្រោយកើតហេតុ សមត្ថកិច្ច មូលដ្ឋាន និងសមត្ថកិច្ចជំនាញ បានចុះទៅ កន្លែងកើតហេតុ ហើយ<br />ធ្វើការ ត្រួតពិនិត្យ ដោយអះអាងថា ជនរងគ្រោះពិតជា ស្លាប់ដោយសារតែ អំពើអត្តឃាតមែន ។</p>
<p>សមត្ថកិច្ចបានបន្តថា ការធ្វើអត្តឃាត របស់ជនរងគ្រោះ គឺទាក់ទង និងវិបត្តិស្នេហា ដោយជនរង<br />គ្រោះ បានបន្សល់លិខិតមួយ ច្បាប់ ជូនសង្សារបស់ខ្លួន។ យ៉ាងណាក៏ដោយ សមត្ថកិច្ចមិនទាន់<br />បាន បង្ហាញលិខិតស្នេហានោះទេ។</p>
<p>ក្រោយកើតហេតុ លោក ឡូ ភារម្យ នាយនគរបាល ប៉ុស្តិ៍បឹងទំពុន បានទាក់ទងទៅក្រុមគ្រួសារ <br />ដើម្បីមកទទួលយកសព ធ្វើបុណ្យ តាមប្រពៃណី៕</p>
<p><a class="thickbox" title="" href="/FileManager/Commons/2013/2/6/pheak-0034-06-02-2013--08-42-22.jpg"><img src="/FileManager/Articles/mce/2013/2/6/pheak-0034-06-02-2013--08-42-22.jpg" alt="" /></a></p>
<p><a class="thickbox" title="" href="/FileManager/Commons/2013/2/6/pheak-0035-06-02-2013--08-42-41.jpg"><img src="/FileManager/Articles/mce/2013/2/6/pheak-0035-06-02-2013--08-42-41.jpg" alt="" /></a></p>
<p><a class="thickbox" title="" href="/FileManager/Commons/2013/2/6/pheak-0036-06-02-2013--08-42-59.jpg"><img src="/FileManager/Articles/mce/2013/2/6/pheak-0036-06-02-2013--08-42-59.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>