<p><span style="color: #000000;"><strong>(ភ្នំពេញ)៖</strong> ក្រសួអប់រំ យុវជន និងកីឡា នៅថ្ងៃ០៣ ខែមិថុនា ឆ្នាំ២០១៦នេះ បានចេញសេចក្ដីជូនដំណឹង ប្រកាសជ្រើសរើសនិស្សិតអាហារូបករណ៍ ដើម្បីទៅបន្តការសិក្សា នៅវិទ្យាស្ថានគ្រប់គ្រងអាស៊ីបូព៌ា (East Asia Institute of Management Pte Ltd) នៃសាធារណរដ្ឋសិង្ហបុរី សម្រាប់ឆ្នាំសិក្សា២០១៦ ២០១៧។</span></p>
<p><span style="color: #000000;">សេចក្ដីជូនដំណឹងបានឱ្យដឹងថា វិទ្យាស្ថានបានផ្ដល់អាហារូបករណ៍ ចំនួន៣០០កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់ឧត្តមសិក្សា ដែលនឹងចេញដំណើរទៅ នៅខែតុលា ឆ្នាំ២០១៦ខាងមុខ។ ប្រភេទនៃអាហរូបករណ៍ មានបីប្រភេទ រួមមាន ទី១.៧០ភាគរយ សម្រាប់បេក្ខជន ដែលមានសញ្ញាបត្របាក់ឌុប ចាប់ពីនិទ្ទេស C ឡើងទៅ និងធ្វើតេស្តភាសាអង់គ្លេស ទទួលបានពិន្ទុ៦.០, ទី២. ៦៥ភាគរយ សម្រាប់បេក្ខជនដែលមានសញ្ញាបត្របាក់ឌុប ទទួលបាននិទ្ទេស C ឡើងទៅ ហើយធ្វើតេស្តភាសាអង់គ្លេស ទទួលបានពិន្ទុ ៥.៥, និងទី៣. ៦០ភាគរយ សម្រាប់បេក្ខជន ដែលមានសញ្ញបត្របាក់ឌុប និទ្ទេស C ឡើងទៅ ហើយធ្វើតេស្តភាសាអង់គ្លេស ទទួលបានពិន្ទុ ៥.០ ដែលការធ្វើតេស្តនេះ នឹងធ្វើឡើងដោយភ្នាក់ងារវិទ្យាស្ថានផ្ទាល់ នៅថ្ងៃទី១១ ខែកក្កដា ឆ្នាំ២០១៦ខាងមុខ។</span></p>
<p><span style="color: #000000;">បេក្ខជន ដែលមានចំណាប់អារម្មណ៍ អាចទំនាក់ទំនងរកពាក្យសុំអាហារូបករណ៍ និងបំពេញសំណុំបែបបទផ្សេងៗ នៅការិយាល័យអាហារូបករណ៍ និងកម្មសិក្សា នៃនាយកដ្នានទំនាក់ទំនងវប្បធម៌ និងអាហារូបករណ៍ ដែលមានទីតាំង នៅអគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌចំការមន ចាប់ពីផ្សាយដំណឹងនេះ តទៅរហូតដល់ថ្ងៃទី១០ ខែមិថុនា ឆ្នាំ២០១៦៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13344724_951019971662204_3596360245691171156_n.jpg?oh=ebfad5d7cda08e14597265740efd5856&oe=57C117F0" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13319702_951019984995536_2337223388787867128_n.jpg?oh=c7c1d1d3cd5b2190f37d43a420ccf9e1&oe=57D2C48E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13325634_951019998328868_2773355117627335337_n.jpg?oh=4ee9301d52dfc55d7b819cf73cb440d0&oe=580F2F01" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>