<p><span style="color: #000000;">យានយន្ដ៖ CEO ក្រុមហ៊ុនផលិតរថយន្ដប្រើប្រព័ន្ធអេឡិចត្រូនិច្ច Tesla ឈ្មោះថា Elon Musk បានបង្ហើបពាក្យសម្ដីដ៏គួរឲ្យកំប្លែងពេក ហើយក្នុងកម្មវិធីដាក់តាំងបង្ហាញរថយន្ដស៊េរីថ្មីប្រចាំឆ្នាំ ដោយអះអាងថា វិស្វ័ករក្រុមហ៊ុន Apple ដែលកំពុងតែដំណើការណ៍គម្រោងផលិតរថយន្ដបើកបរដោយខ្លួនឯង គឺជាបុគ្គលិកដែលត្រូវបាន គាត់បណ្ដេញចេញពី ក្រុមហ៊ុន។</span></p>
<p><span style="color: #000000;">លោក Elon Musk បានប្រាប់ទៅកាន់ទស្សនិកជនដែល បានចូលរួមក្នុងកម្មវិធីនោះដោយ លើកអះអំណាងច្រានចោលនូវដំណឹងថា ក្រុមហ៊ុន Apple បានប្រមូលផ្ដុំទៅដោយវិស្វ័ករសំខាន់ៗ ដើម្បីដំណើរការណ៍ គម្រោងផលិតរថយន្ដបើកបរដោយខ្លួនឯង ក្នុងពេលបច្ចុប្បន្ននេះ។ ពាក្យសម្ដីរបស់ Elon Musk បានថ្លែងថា តើពួកគេទាំងនោះពិតជាវិស័្វករដ៏សំខាន់សម្រាប់ក្រុមហ៊ុន Apple មែនដែរទេ ? ត្រូវហើយៗ មិនខុសនោះទេ អ្នកទាំងនោះគឺពិតជាមនុស្សសំខាន់ចំពោះ Apple ប៉ុន្ដែពួកគេគឺសម្រាប់ក្រុមហ៊ុន Tesla គឺគ្រាន់តែជាបុគ្គលិក ដែលត្រូវបានដេញចេញតែប៉ុណ្ណោះ។ គាត់តែងតែហៅក្រុមហ៊ុន Apple ដោយលេងសើចថា គឺជាក្រុមហ៊ុនទីតាំងកប់ខ្មោច របស់ក្រុមហ៊ុន Tesla ។</span></p>
<p><span style="color: #000000;">ស្របពេលនោះផងដែរ ក៏មានសំណួរចោទសួរឡើងថា ប្រសិនជាវិស្វ័ករទាំងនោះ ត្រូវបានក្រុមហ៊ុន របស់គាត់ ត្រូវដេញចេញមែន តើស្នាដៃផលិតរបស់គេក្នុងក្រុមហ៊ុនថ្មី អាចក្លាយជាដៃគូរប្រកួតប្រជែងលើទីផ្សារដ៏គ្រោះថ្នាក់របស់គាត់បានទេ នៅថ្ងៃអនាគត? លោក Elon Musk បានឆ្លើយតបទាំងអស់សំណើចថា តើអ្នកទាំងអស់គ្នាមានបានចាប់អារម្មណ៍ទៅនឹង ផលិតផល Apple Watch ដែរឬទេ? គាត់សូមបញ្ជាក់ថា គ្មានអ្វីដែលជាដៃគូរគ្រោះថ្នាក់នោះទេ ។ គាត់សូមសរសើរដែលក្រុមហ៊ុន Apple សម្រេចគោលដៅលើគម្រោងមួយនេះ ប៉ុន្ដែការផលិត ប្រៀបធៀបអំពីយានយន្ដគឺវាមានភាពស្មុកស្មាញខ្លាំងណាស់ ចំពោះទូរសព្ទ ឬក៏នាឡិកាឆ្លាតវៃនោះ ។ </span></p>
<p><span style="color: #000000;">ប្រភពដែលបានបន្ដទៀតថា គាត់តែតែង ជជែកលេងជាមួយក្រុមហ៊ុន Apple ដោយហៅពួកគេថា ជាទីកប់ខ្មោចរបស់ក្រុមហ៊ុន Tesla ពីព្រោះថាបុគ្គលិកដែលគាត់បណ្ដេញចេញ គឺជាវិស្វ័ករប្រចាំនៅ Apple ហើយពេលខ្លះគាត់តែ តែប្រាប់ទៅបុគ្គលិកគាត់ថា បើមិនចង់នៅធ្វើការនៅទីនេះ អ្នកទាំងគ្នាអាចទៅធ្វើការឲ្យក្រុមហ៊ុន Apple ក៏បានដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/10/10/10-10-2015-10-40-36-am-10-10-2015--10-52-25.png"><span style="color: #000000;"><img src="/FileManager/Articles/mce/2015/10/10/10-10-2015-10-40-36-am-10-10-2015--10-52-25.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ carscoops</span></p>