<p><span style="color: #000000;"><strong>ភ្នំពេញ៖</strong> តារាចម្រៀងល្បីឈ្មោះបង្គួរ នាង យ៉ុង ចាន់កណ្ណិកា បន្ទាប់ពីភ្ជាប់ពាក្យជាមួយបុរស កំពូលស្នេហ៍អស់រយៈ ពេលជាងមួយឆ្នាំមកនោះ នៅពេលនេះនាង បានសម្រេចចិត្តចូលរោងជ័យបន្លឺឃ្មោះការ ក្រាបក្បាលដល់កន្ទេល រៀបអាពាហ៍ពិពាហ៍ ជាផ្លូវការហើយ នៅថ្ងៃទី៣១ខែតុលាឆ្នាំ២០១៤ នេះដោយមានការចូលរួមពីសំណាក់ចាស់ទុំ ទាំងសងខាង និង ញាតិ មិត្តព្រមទាំងភ្ញៀវកិត្តិយសជិតឆ្ងាយ ជាច្រើននាក់។</span></p>
<p><span style="color: #000000;">គេចាំបានថា តារាចម្រៀងសំនៀងស្រួយស្រែះ ដូចសារិកានាង យ៉ុង ចាន់កណ្ណិកា បានសម្រេចចិត្តភ្ជាប់ពាក្យ ជាផ្លូវ ការយ៉ាងរីករាយ ជាមួយនឹងបុរសក្រៅ សង្គមសិល្បៈ លោក ចាន់ ចំណាន កាលពីដើមខែវិច្ឆិកា ឆ្នាំ២០១៣ តែប៉ុន្មានខែ ក្រោយពេលដែលតារារូបនេះ បានបរាជ័យស្នេហា ជាមួយនឹង បុរសអាណិកជនបារាំង វ័យក្មេងនោះ។</span></p>
<p><span style="color: #000000;">កញ្ញា យ៉ុង ចាន់កណ្ណិកា ធ្លាប់បាននិយាយប្រាប់ ឱ្យដឹងថា សម្រាប់ពិធីមង្គលការ របស់នាងនៅថ្ងៃទី៣១ ខែសីហា ឆ្នាំ ២០១៤នេះ គឺរៀបចំឡើង នៅមហោស្រពចេនឡាហើយ បានហៅភ្ញៀវ និងមិត្តភក្តិអ្នកសិល្បៈ ចូលរួមប្រមាណជិត១០០តុ ដែលក្នុងនោះភាគច្រើន ជាអ្នកសិល្បៈ។ តែយ៉ាងណាមិញ គេក៏នៅមិនទាន់ដឹងទេថា ពិធីមង្គលការរបស់នាង នៅល្ងាចនេះ និងមានភ្ញៀវចូលរួមគ្រប់ចំនួន ឬមួយយ៉ាងណានៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/31/msp-1300-31-10-2014--13-28-53.jpg"><img src="/FileManager/Articles/mce/2014/10/31/msp-1300-31-10-2014--13-28-53.jpg" alt="" /></a></span></p>
<p><a class="thickbox" title="" href="/FileManager/Commons/2014/10/31/msp-1301-31-10-2014--13-29-03.jpg"><img src="/FileManager/Articles/mce/2014/10/31/msp-1301-31-10-2014--13-29-03.jpg" alt="" /></a></p>
<p><object width="497" height="426" data="http://www.youtube.com/v/JpwJLVh_tOc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/JpwJLVh_tOc&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>