<p><span style="color: #000000;"><strong>(ភ្នំពេញ)៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅថ្ងៃទី០៩ ខែកុម្ភៈ ឆ្នាំ២០១៧នេះ បានអះអាងថា អ្នកប្រើប្រាស់យានយន្តស្លាកលេខមិនត្រឹមត្រូវ ដូចជាស្លាកលេខសារព័ត៌មានជាដើមនោះ ត្រូវប្រឈមនឹងការជាប់ពន្ធនាគារ។</span></p>
<p><span style="color: #000000;">នៅព្រឹកមិញនេះ លោករដ្ឋមន្រ្តីក្រសួងព័ត៌មាន បានបង្ហោះរូបម៉ូតូមួយគ្រឿង ដែលដាក់បំពាក់ស្លាកលេខឈ្មោះ <strong>«ក្រសួងព័ត៌មាន មរតកតេជោ»</strong>។ លោករដ្ឋមន្រ្តី បានចាត់ទុកថា ការបំពាក់ស្លាកលេខដែលរដ្ឋាភិបាលហាមឃាត់នេះ គឺជាការក្លែងឯកសារសាធារណៈ ។</span></p>
<p><span style="color: #000000;">លោក ខៀវ កាញារីទ្ធ បានសរសេរ នៅលើ Facebook របស់លោក ជាមួយនឹងការបង្ហោះរូបម៉ូតូខាងលើយ៉ាងដូច្នេះថា៖ <strong>«ហេតុអីនគរបាលចរាចរណ៍ មើលមិនឃើញ? នេះមិនមែនជាទោសពិន័យទេ តែជាទោសគុក (ក្លែងបន្លំលិខិតសាធារណៈ)»</strong>។</span></p>
<p><span style="color: #000000;">កន្លងទៅ ក្រសួងព័ត៌មាន ក៏ធ្លាប់ចេញលិខិតហាមប្រាមមិនឱ្យមានស្លាកលេខ សារព័ត៌មាន បំពាក់នៅតាមម៉ូតូ ឬរថយន្តឡើយ។ ក្រសួងបានចាត់ទុកថា ការបំពាក់ស្លាកលេខបែបនេះ គឺជារឿងខុសច្បាប់ និងប៉ះពាល់សេចក្តីថ្លៃថ្នូរបស់សារព័ត៌មាន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/9/1-09-02-2017--12-02-37.png"><img src="/FileManager/Articles/mce/2017/2/9/1-09-02-2017--12-02-37.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-09-11-54-10-0.png" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>