<p><span style="color: #000000;"><strong>(បាសេឡូណា)៖</strong> កីឡាករខ្សែប្រយុទ្ធជួរមុខ Luis Suarez រកបានគ្រាប់ទី១០០ ពីការចូលលេងបាន ១២០ប្រកួតនៅ ក្នុងក្លឹបអ្នកមានបុណ្យ FC Barcelona ពេលបំបាក់ក្រុមភ្ញៀវ Athletic Bilbao ៣-១ យប់មិញនេះក្នុងពានរង្វាន់លំដាប់ ទី២ អេស្ប៉ាញ Copa del Rey។</span></p>
<p><span style="color: #000000;">១គ្រាប់របស់កីឡាករជនជាតិអ៊ុយរូហ្គាយ វ័យ២៨ឆ្នាំ Luis Suarez គឺបានកើតឡើងនៅនាទីទី៣៦ ក្នុងវគ្គទី១ ក្នុងជើងទី២ នៃវគ្គ១៦ក្រុមចុងក្រោយនៃ Copa del Rey រដូវកាលឆ្នាំ២០១៦-២០១៧ នេះ ដើម្បីឡើងទៅកាន់វគ្គ ៨ក្រុមចុងក្រោយ ក្រោមលទ្ធផលទាំងពីរជើង Barcelona ៤ និង Athletic Bilbao ៣។</span></p>
<p><span style="color: #000000;">អតីតកីឡាករក្លឹបហង្សក្រហម Liverpool ដែលត្រូវបាន Barcelona ទិញមកកាន់ទឹកដីកីឡដ្ឋាន Camp Nou កាលពី ឆ្នាំ២០១៤ នោះ បានឡើងទៅឈរនៅចំណាត់ថ្នាក់លេខ៣ នៅក្នុងក្លឹបដែលមូលដ្ឋាននៅតំបន់ Catalan នៃប្រទេស អេស្ប៉ាញនេះ បន្ទាប់ពីអតីតកីឡាករខ្សែប្រយុទ្ធ Mariano Martin ឈរនៅលេខ១ រកបាន១០០គ្រាប់ពីការចូលលេង បាន ៩៩ និង Laszio Kubala រកបាន ១០០គ្រាប់ ឈរនៅលេខ២ រកបានពីការចូលលេងបាន ១០៣ប្រកួត៕</span></p>
<p><span style="color: #000000;"><img class="spotlight" src="https://scontent.fsgn3-1.fna.fbcdn.net/v/t31.0-8/15975018_1833673513538832_510048090306623537_o.jpg?oh=e5909f48ae0cdc97d55177adbfb5966b&oe=58DAA5C9" alt="Image may contain: 1 person, playing a sport" /></span></p>
<p><span style="color: #000000;"><img class="spotlight" src="https://scontent.fsgn3-1.fna.fbcdn.net/v/t1.0-9/15977410_1833673510205499_8406704989079390025_n.jpg?oh=76b8b2ca98690f5d5f763f4243b7bb40&oe=58DEE46F" alt="Image may contain: 3 people, people playing sports, people standing and outdoor" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>