<div class="article-content">
<p><strong>«ពលរដ្ឋភូមិបឹងសង្កែ ធ្វើចំណាកស្រុក នៅសល់តែចាស់ៗ និងក្មេងតូចៗ ដោយសារ<br />តែពលរដ្ឋ ភូមិទួលស្នួលរំលោភ យកដីស្រែជិត១០ឆ្នាំ»</strong></p>
<p><strong>បាត់ដំបង៖</strong> ប្រជាពលរដ្ឋជាច្រើន គ្រួសារនៅក្នុងភូមិបឹងសង្កែ ឃុំឃ្លាំងមាស ស្រុកបវេល នាំ<br />គ្នាធ្វើចំណាកស្រុក ជិតអស់ពីភូមិនៅ សល់តែចាស់ៗនិងក្មេងៗ ដោយសារតែប្រជាពលរដ្ឋ <br />ភូមិទួលស្នួល ឃុំឃ្លាំងមាស បានរំលោភ យកដីស្រែជិត ១០ឆ្នាំមកហើយ ទោះជាអាជ្ញាធរ<br />គ្រប់ លំដាប់ថ្នាក់បានដោះស្រាយ ជាច្រើនលើកច្រើនសារហើយ ក៏ដោយនៅតែដោះមិនចេញ<br />ធ្វើឲ្យ អ្នកគោរពច្បាប់អត់ដីធ្វើ ស្រែដដែល ឯអ្នករំលោភច្បាប់ក្នុង ភូមិម្ខាងទៀត នៅតែ ទទួល<br />ផលរហូតដល់ បច្ចុប្បន្ន អ្នកភូមិរងគ្រោះសំណូមពរសុំឲ្យ សម្តេចតេជោ ហ៊ុន សែន និងលោក<br />ជំទាវ ជួយ រកយុត្តិធម៌ឲ្យគេផង។</p>
<p>ប្រជាពលរដ្ឋភូមិបឹងសង្កែឃុំឃ្លាំងមាស ស្រុកបវេល ចំនួនជាង៦០គ្រួសារ បានទទួលរងទុក្ខ<br />ជាច្រើន ឆ្នាំមកហើយ ដោយសារតែពួកគាត់ត្រូវ បានមេភូមិទួលស្នួល និងបក្ខពួករំលោភ យក<br />ដីស្រែពួកគាត់ចំនួន ២៦៨ហិកតា ធ្វើឲ្យ ពួកគាត់គ្មានដី ធ្វើជិត១០ឆ្នាំ ធ្វើឲ្យមនុស្សដែលពេញ<br />ត្រូវ បង្ខំចិត្តនាំគ្នាទៅធ្វើកម្មករនៅប្រទេសថៃ ស្ទើរតែអស់ពី ភូមិ គឺនៅ សល់តែចាស់ៗ និងក្មេង<br />តូចៗប៉ុណ្ណោះ។ ឯមេភូមិទួលស្នួលនិងបក្ខ ពួកមួយចំនួនបានយកដីស្រែ ពួកគាត់ទៅលក់ឲ្យ<br />ឈ្នួញ ហើយអាជ្ញាធរស្រុក ខេត្តនិងសមត្ថ កិច្ចហាក់បីដូចមិនហ៊ាន ធ្វើអ្វីដល់ពួករំលោភច្បាប់<br /> ទាំងនោះសោះនិងពុំទាន់ មានវិធានការក្តៅណាមួយនៅឡើយ ឲ្យពួកទាំងនោះគោរពច្បាប់បាន<br />ទេ ។ ឯអ្នក ភូមិរងគ្រោះបានលើកដៃ សំពះព្រមទាំងស្រែកទ្រហោយំ នៅចំពោះមុខអាជ្ញាធរ<br />និង សមត្ថកិច្ចនិងអ្នសារព័ត៌មាន ជាច្រើននៅទីនោះផងដែរនិងបាន ធ្វើការអំពាវនាវសុំឲ្យសម្តេច<br />តេជោ ហ៊ុន សែន និងសម្តេចគិតិ្តព្រឹត្តបណ្ឌិត ប៊ុន រ៉ានីជួយអន្តរាគមន៍ រកយុត្តិធម៌ជូនពួកគេផង ។</p>
<p>តំណាងប្រជាពលរដ្ឋក្នុងភូមិបឹងសង្កែជាង៦០គ្រួសារ បានបញ្ជាក់ប្រាប់អ្នកព័ត៌មាន ថាដីស្រែ<br />មានទំនាស់ រវាងភូមិ បឹងសង្កែ និងភូមិទួលស្នួល នេះមានចំនួន ២៦៨ហិកតា គឺឈ្មោះណែន <br />សងមេភូមិទួលស្នួល ឃុំឃ្លាំងមាសនិង បក្ខពួកមួយចំនួនបាន លក់ដីនេះឲ្យទៅឈ្មួញអ្នកមាន<br />លុយ នៅឃុំជ្រៃស្រុកថ្មគោល ក្រោយម្ចាស់ដែលបានទិញដី នេះបានបង្វែទិសដៅនិងជួល ឲ្យ<br />ប្រជាពលរដ្ឋក្នុងភូមិទួល ឈ្នួលចេញមុខកាងការពារ ដីនេះមិនឲ្យអ្នកភូមិបឹង សង្កែចូលបង្ក<br />បង្កើន ផលជាដាចខាត រហូតដល់មានការ សម្របសម្រួលពីថ្នាក់ មូលដ្ឋានឃមស្រុក ខេត្ត និង<br /> ក្រសួង មហាផ្ទៃ បានចេញលិខិតជាច្រើនលើក តែអ្នកមិនគោរពច្បាប់ ទាំងនេះមិនព្រមគោរព <br />តាមគោល ការណ៍ចុងក្រោយ របស់អាជ្ញាធរឃុំ ស្រុកនិងខេត្តបានធ្វើការសម្បទាន និងសម្រប<br />សម្រួលគ្នា ដោយបែងចែកដី ស្រែ របស់ភូមិបឹងសង្កែ៥០ភាគរយ ទៅឲ្យភាគីភូមិទួលស្នួល ប៉ុន្តែ<br />ភាគីម្ខាងទៀតគេ បានឯកភាពគ្នាតែនៅ លើ ក្រដាស់ប៉ុណ្ណោះតែជាក់ស្តែងភាគី រងគ្រោះចូល<br />ទៅធ្វើត្រូវភាគី រំលោភយកខ្វែវដេញកាប់ និងបំផ្លាញមិនឲ្យជា ដាច់ខាត មិនតែប៉ុណ្ណោះនៅតែ<br />រំលោភ បំពានយកដីចំណែករបស់ ភូមិបឹងសង្កែ៥០ភាគរយ ដែលអាជ្ញាធរបាន ចែករួច ហើយ<br />ដែលគ្មាន ទំនាស់ថែមទៀត ធ្វើឲ្យអ្នកភូមិបឹងសង្កែ គ្មានដីស្រែធ្វើឡើយ គ្មានអង្ករហូបទើប<br /> សម្រេច ចិត្ត ឲ្យកូនចៅធ្វើចំណាកស្រុក ទៅធ្វើកម្មករនៅប្រទេសថៃឡើងស្ងាត់ភូមិ នៅសល់<br />តែមនុស្សចាស់ និងក្មេងតូចៗ ប៉ុណ្ណោះ។</p>
<p>លុះដល់មានលិខិត ស ជ ណ ពីលោកស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃក៍ដោយ <br />អ្នកភូមិទួល ស្នួល នៅតែរំលោភយកទាំងដីចែក៥០ភាគរយនិងដីគ្មានទំនាស់អស់គ្មានសល់។<br />ពួកគាត់នៅតែមិនបាន បង្កបង្កើន ផលដែរគឺខាងភាគីភូមិទួលស្នួលដែលមានឈ្មោះណែន សង<br /> ជាមេខ្លោងបាននាំបក្ខពួកដេញកាប់ ពួកគាត់មិនឲ្យចូលទៅធ្វើស្រែលើ ដីរបស់ខ្លួនទោះបីជាមេ<br />ឃុំទៅសម្រុះសម្រួល ក៍ពួកគេនាំគ្នាកាន់កាំបិតពូថៅ ដេញកាប់ មេឃុំនិងប្រជាពលរដ្ឋរងគ្រោះ<br />ដដែល។ពលរដ្ឋបានបង្ហើបប្រាប់ទៀតថា ពួកមេក្លោងទាំងនោះធ្លាប់ មានដីកាកោះពីតុលាការ<br />ចំនួន២ដងរួចមកហើយ ពួកគេមិនខ្លាចតុលាការផងមិន ដឹងថាប្រហែលជាមានអ្នកណា នៅពី<br />ក្រោយខ្នងក្នុងរឿងនេះហើយមើលទៅ។</p>
<p>នៅព្រឹកថ្ងៃទី២៤ខែកញ្ញាឆ្នាំ២០១៣នេះ ក្រុមការងារមួយក្រុមចុះមកតាមលិខិត បង្គាប់ការលោក<br />អភិបាល ស្រុក បវេល ទឹម ដារ៉េត ដោយបានអនុវត្តយោងតាមលិខិតបញ្ជារជាបន្ទាន់របស់លោក<br />អភិបាលខេត្ត ប្រាជ្ញ ចន្ទ ដោយ មានខាងប្រធានការិយាល័យភូមិបាលស្រុក កម្លាំងនគរបាល ឃុំ<br /> ស្រុក លោកមេឃុំ មេភូមិបានដឹកនាំ ប្រជា ពលរដ្ឋ ក្នុងភូមិបឹងសង្កែចុះវាស់វែងម្តងទៀត នូវការ<br />កំណត់ព្រំដែនសារ ជាថ្មីព្រមទាំងមានការចូលរួម ផ្តិតរូបភាព ពីអ្នកសារព័ត៌មានមួយចំនួនផងដែរ។ តែការវាស់វែងនេះប្រជាពលរដ្ឋមិនទាន់សង្ឃឹមថា បានដីធ្វើស្រែនៅពេល ណានោះទេ បើថ្នាក់លើនៅតែគ្មានវិធានការក្តៅណាមួយចំពោះភាគីល្មើសច្បាប់ទាំងនោះសោះអញ្ចឹង។ ដូច្នេះ <br />ហើយទើបពួកគាត់ធ្វើការអំពាវនាវ និងសំណូមពរសុំឲ្យសម្តេចតេជោ ហ៊ុន សែន និងលោកជំទាវ<br /> ប៊ុនរ៉ានី មេត្តាជួយរកយុត្តិធម៌ជូន ពួកគាត់ផងពីព្រោះរាល់ថ្ងៃពួក គាត់រស់ទាំងវេទនារកអង្ករដាំ<br />បាយ ដោយលំបាកលំបិន ព្រោះគ្មានដីស្រែធ្វើជាពិសេស ព្រាត់ប្រាសកូនចៅធ្វើចំណាកទៅស៊ី<br />ឈ្នួល នៅស្រុកថៃអស់ពីភូមិនៅសល់ តែយាយតា មើលចៅតូចៗតែប៉ុណ្ណោះ។<br />ចំណែកក្រុមការងារដែលបានចុះមកធ្វើវាស់វែងកំណត់ព្រំដែនជាថ្មីម្តងទៀត ដោយមានលោក <br />ឈឹម សារី មេភូមិ បឹងសង្កែនិងលោកប៊ុន សម្បត្តិ មេឃុំឃ្លាំងមាសនិងលោក ឈន គឹមឡុង ប្រធាន<br />ភូមិបាលស្រុក អមដោយ កម្លាំងនគរបាលស្រុក ព្រមទាំងបានបញ្ជាក់ប្រាប់ អ្នកសារព័ត៌មានដូច<br />ប្រជាពលរដ្ឋ បាននិយាយអញ្ចឹងដែរ ពួក លោកចាំតែទទួលបញ្ជា និងអនុវត្តតាមថ្នាក់ លើប៉ុណ្ណោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-417.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-415.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-416.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-418.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-419.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-420.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-421.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-422.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>