<p><span style="color: #000000;"><strong>(ភ្នំពេញ)៖</strong> យុវតីម្នាក់គួរឲ្យអាណិតណាស់ ពិការភាពតាំងពីកំណើត រស់ក្នុងគ្រួសារដែលមានជីភាពខ្វះខាត ដោយឪពុករត់ម៉ូតូឌុប ដើម្បីចិញ្ចឹមគ្រួសារ ដែលមានសមាជិក៥នាក់ ខណៈដែលម្ដាយមិនអាចប្រកបរបរអ្វីបានព្រោះនៅមើលថែកូនស្រីពិការរយៈពេល២១ឆ្នាំហើយ ពេលកំពុងដង្ហើយរកសប្បុរជន។</span></p>
<p><span style="color: #000000;">គ្រួសារអភ័ព្វមួយនេះ មានទីលំនៅ ផ្ទះលេខ៥៤ ក្រុមទី២ ផ្លូវលំ ស្ថិតក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">ក្មេងស្រីដែលគួរឲ្យអាណិតឈ្មោះ ហ៊ុល ស្រីណែត អាយុ២១ឆ្នាំ ជាកូនច្បងក្នុងចំណោមកូន៣នាក់ ស្រីទាំង៣ មានម្តាយឈ្មោះ ហ៊ុ ស្រីលុយ អាយុ៤០ឆ្នាំ ដោយមើលថែនាងពិការតាំងពីចាប់កំណើត មកទល់ពេលនេះរយៈពេល២១ឆ្នាំហើយ ដែលមានឪពុកឈ្មោះ ហ៊ុល សារិន អាយុ៤២ឆ្នាំ មុខរបររត់ម៉ូតូឌុប ដើម្បីផ្គត់ផ្គង់ជីវភាព។</span></p>
<p><span style="color: #000000;">ម្តាយក្មេងស្រី បានរៀបរាប់ទាំងទឹកភ្នែកថា គាត់បានរៀបការជាមួយស្វាមីរបស់គាត់អស់រយៈពេលជាង២០ហើយ រហូតមកដល់សព្វថ្ងៃ គាត់មានកូនស្រី៣នាក់ ហើយកូនដែលអភ័ព្វជាង គឺកូនច្បងឈ្មោះ ហ៊ុល ស្រីណែត ពិការតាំងពីកើតមកម្ល៉េះ និងប្អូនស្រី២នាក់ទៀត នៅរៀន ហើយគាត់បានចំណាយពេល២១ឆ្នាំហើយ ដើម្បីមើលថែកូនស្រីច្បង មិនបានជួយរកស៊ីអ្វីនោះទេ ដោយប្តីរបស់គាត់រត់ម៉ូតូឌុបចិញ្ចឹមគ្រួសារ តែម្នាក់ឯង។</span></p>
<p><span style="color: #000000;">សពថ្ងៃនេះ គ្រួសាររបស់យុវតីអភ័ព្វ កំពុងមានជីវភាពខ្វះខាត ដោយរកព្រឹកខ្វះល្ងាច រកល្ងាចខ្វះព្រឹក ទើបពេលនេះក្រុមគ្រួសារដាច់ចិត្ត លើកដៃអង្វរសុំជំនួយពីសប្បុរជន ដើម្បីបានថវិកាសម្រាប់ផ្គត់ផ្គង់ ក្នុងជីវភាពគ្រួសារ៕</span></p>
<p><span style="color: #000000;"><img src="http://image.freshnewsasia.com/2017/fn-2017-01-17-21-23-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-17-21-23-34-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-17-21-23-35-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-17-21-23-35-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>