<p><span style="color: #000000;"><strong>ភ្នំពេញ៖</strong> ស្របពេលដែលឱកាស ចេញទៅច្រៀង-សម្តែង លើទឹកដីប្រទេសកាណាដា របស់នាង ឃិត សំម៉ាលីស កាន់តែរំកិត ឈានចូលមកជិតដល់ ក្នុងពេលដ៏ឆាប់ៗខាងមុខនេះ ត្រូវបានប្រភពបង្ហើបឱ្យ ដឹងមកថា តារាចម្រៀង ឃិត សំម៉ាលិស មិនត្រឹមតែមានឈ្មោះល្បី នៅក្នុងស្រុកខ្មែរប៉ុណ្ណោះទេ គឺនាងក៏ ជាតារាស្រីមួយរូបលេចប្រជាប្រិយ ភាព និងទទួលបានការគាំទ្រយ៉ាងច្រើនផងដែរ ពីសំណាក់ ខ្មែររស់នៅក្រៅប្រទេស។</span></p>
<p><span style="color: #000000;">ចំពោះការចេញទៅ បង្ហាញសមត្ថភាព ជាលើកដំបូងលើទឹកដីប្រទេសកាណាដា របស់នាង ឃិត សំម៉ា លិស នេះហើយទើបធ្វើឱ្យមហាជន ជាអ្នកគាំទ្រដែលជាអាណិកជនខ្មែរ រស់នៅទីនោះទាំងប្រុស -ស្រី មានអារម្មណ៍រំជើបរំជួល ទន្ទឹងរង់ចាំមើលការបង្ហាញ វត្តមានរបស់តារាស្រីរូបនេះ នៅលើដែនដីប្រទេសកាណាដា នាអំឡុងចុងឆ្នាំនេះ។</span></p>
<p><span style="color: #000000;">បើផ្អែកតាមប្រភព ពីអ្នករស់នៅប្រទេសកាណាដា បានប្រាប់គេហទំព័រ LookingTODAY ឱ្យដឹងតាមរយៈសាអេឡិច ត្រូនិចមកថា ឃិត សំម៉ាលិស ជាតារាសិចស៊ីរបស់ខ្មែរមួយដួង ដែលមានរូបស ម្រស់ស្រស់ស្អាត ហើយថែមទាំង មានសមត្ថភាព និងទេព្យកោសល្យ សម្តែង-ច្រៀង បានល្អទៀតផង។ ម្យ៉ាងទៀត បច្ចុប្បន្ននេះ នាងក៏ត្រូវបានក្រុមកន្លង់បុរសៗ នៅកាណាដា មិនតិចអ្នកនោះទេ ដែលប្រាថ្នា ប៉ងចង់ បានបេះដួងរបស់នាង ធ្វើជាគូគ្រងថ្ងៃអនាគត។</span></p>
<p><span style="color: #000000;">ប្រភពបាន ឱ្យដឹងបន្តទៀតថា ក្រោយពីមានព័ត៌មាន អំពីដំណើរឆ្លងទ្វីប របស់នាង ឃិត សំម៉ាលិស ទៅច្រៀង-សម្តែងលើដែនដីប្រទេសកាណាដា នាអំឡុងពេលដ៏ខ្លីខាងមុខ បានធ្វើឱ្យប្រជាពលរដ្ឋ អាណិកជនខ្មែរ រស់នៅទីនោះ ស្ទើរគ្រប់វ័យមិនថា ប្រុសឬស្រីនោះឡើយ គឺមានបំណង រង់ចាំទទួលស្វាគមន៍ ចំពោះការបង្ហាញវត្តមាន របស់តារាស្រីរូបនេះ ទាំងអារម្មណ៍សប្បាយ។</span></p>
<p><span style="color: #000000;">មិនត្រឹមតែប៉ុណ្ណោះ បច្ចុប្បន្នក៏កំពុងតែមាន ក្រុមកន្លង់ជាបុរសៗ សម្បូទ្រព្យច្រើននាក់ អន្ទះសារ ចាំមើលការបង្ហាញរាងព្រមជាមួយការបញ្ចេញ សម្រស់ស្រស់សោភា ដ៏សែនទាក់ទាញ របស់តារាស្រី ឃិត សំម៉ាលិស នៅលើទឹកដីប្រ ទេសកាណាដា យ៉ាងប្រសាចទៀតផង។ នេះបើតាមការបញ្ជាក់ ពីប្រភពខាងលើ។ ទោះបីជាយ៉ាងណាក្តី ប្រភពខាងលើបានបន្ថែមទៀតថា នេះគឹជាឱកាសមួយ ដ៏ល្អបំផុតសម្រាប់ ការកើបលុយ ពីប្រទេសកាណាដា តាមរយៈការសម្តែង និងច្រៀង។ មិនតែប៉ុណ្ណោះ នេះក៏ជាឱកាសថ្មី មួយទៀត សម្រាប់ការសម្លឹងមើល បុរសល្អទុកជាគូអនាគត។</span></p>
<p><span style="color: #000000;">យ៉ាងណាមិញ នៅរសៀលថ្ងៃទី ១៥ខែមិថុនា ឆ្នាំ២០១៥នេះ គេហទំព័រ LookingTODAY មិនទាន់ អាចសុំការបកស្រាយ និងចំណាប់អារម្មណ៍បន្ថែមពី កញ្ញា ឃិត សំម៉ាលិស បានទេជុំវិញគម្រោង នៃការចេញទៅចម្រៀង និង សម្តែងនៅលើដែនដី ប្រទេសកាណាដានា ពេលខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/17/46-17-06-2015--15-58-49.jpg"><img src="/FileManager/Articles/mce/2015/6/17/46-17-06-2015--15-58-49.jpg" alt="" /></a></span></p>
<p><a class="thickbox" title="" href="/FileManager/Commons/2015/6/17/47-17-06-2015--15-58-57.jpg"><img src="/FileManager/Articles/mce/2015/6/17/47-17-06-2015--15-58-57.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/6/17/46-17-06-2015--15-58-49.jpg"></a></span></p>
<p><a class="thickbox" title="" href="/FileManager/Commons/2015/6/17/48-17-06-2015--15-59-05.jpg"><img src="/FileManager/Articles/mce/2015/6/17/48-17-06-2015--15-59-05.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>