<p><span style="color: #000000;"><strong>(បាងកក)៖</strong> ទាហាន និងប៉ូលិសថៃរាប់រយនាក់នៅថ្ងៃព្រហស្បតិ៍នេះ បានចុះឡោមព័ទ្ធវត្តមួយកំពុងជាប់រឿងអាស្រូវខ្លាំងក្លាបំផុតនៅក្នុងទីក្រុងបាងកក ដើម្បីត្រៀមចុះឆែកឆេរ និងចាប់ព្រះសង្ឃមួយអង្គបន្ទាប់ពីមេដឹកនាំយោធាថៃ ប្រើប្រាស់អំណាចពិសេសក្នុងការដាក់បញ្ចូលវត្តនេះ ឲ្យស្ថិតក្រោមការគ្រប់គ្រងរបស់យោធា។ នេះបើតាមការចញផ្សាយដោយសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១៦ ខែកុម្ភៈ ឆ្នាំ២០១៧។</span></p>
<p><br /><a class="thickbox" title="" href="/FileManager/Commons/2017/2/16/12a-16-02-2017--10-47-39.jpg"><img src="/FileManager/Articles/mce/2017/2/16/12a-16-02-2017--10-47-39.jpg" alt="" /></a></p>
<p> </p>
<p><span style="color: #000000;">ល្បែងឆ្មាចាប់កណ្ដុររវាងក្រុមអ្នកស៊ើបអង្កេត និងវត្តដ៏មានឥទ្ធិពល Dhammakaya បានចាប់ផ្ដើមលេងអស់រយៈពេលជាច្រើនខែមកហើយ ជុំវិញការចោទប្រកាន់ថាអតីតចៅអធិការ Phra Dhammachayo បានទទួលប្រាក់ខុសច្បាប់ជាង ១.២ពាន់លានបាត ឬស្មើនឹង៣៣ លានដុល្លារអាមេរិកពីម្ចាស់ធនាគារម្នាក់ដែលកំពុងជាប់ឃុំ។ ជុំវិញប្រតិបត្តិការនេះដែរ ខាងអាជ្ញាធរថៃបានបញ្ជាក់ថា<strong> «អនុឡោមតាមការអនុវត្ដន៍អំណាចពិសេស អាជ្ញាធរមានសិទ្ធិហាមឃាត់សាធារណជនចូលក្នុងបរិវេណវត្ត ឬបណ្ដេញចេញ..... ឬក៏រុះរើ និងបំផ្លាញអាគារចោលតែម្ដង ដូច្នេះបើសិន ជានរណាម្នាក់រារាំង ឬរំខានដល់ការងារអាជ្ញាធរក្នុងការអនុវត្តន៍ច្បាប់នេះ នឹងត្រូវប្រឈមមុខតាមផ្លូវច្បាប់ និងផាកពិន័យជាប្រាក់ជាដើម»</strong>។</span></p>
<p><span style="color: #000000;">គួរបញ្ជាក់ថាបើតាមព្រះសង្ឃនៅវត្ត Dhammakaya ប៉ូលិសនិងទាហានថៃជាង ៤,០០០នាក់ បានឡោមព័ទ្ធវត្ត និងបានហាមមិនឱ្យសាធារណជនចូលក្នុងបរិវេណវត្តអារាមនេះទៀតផង៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-16-10-16-23-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-16-10-16-23-1.jpg" alt="" width="730" /></span></p>
<p style="text-align: right;"><span style="color: #000000;">ប្រភព ៖ CNA</span></p>