<p><span style="color: #000000;">ព័ត៌មានកំសាន្ត ៖ ដោយយោងតាមរបាយការណ៍ពីគេហទំព័រ Sina បានឲ្យដឹងថា មាន<span style="font-size: 12px;">ឧបទ្ទវហេតុមួយដែលបានកើតឡើងនៅឯក្រុង Yinchuan ក្នុងខេត្ត Ningxia ប្រទេសចិន កាលពីល្ងាចថ្ងៃទី៣១ ខែធ្នូ ឆ្នាំ២០១៦ អំឡុងពេលសម្ពោធរឿង "Tiger Squad" ដែលមាន Jackie Chan ជាភ្ញៀវកិត្តិយស ស្រាប់តែមានបុរសម្នាក់បានលោតពីលើទីខ្ពស់ កម្ពស់ប្រមាណ៥ម៉ែត្រ ព្រោះតែចង់ជួប Jackie Chan ។</span></span></p>
<p><span style="font-size: 12px; color: #000000;">គេឃើញបុរសដដែលរូបនេះ បានស្រែកពីលើអគារជាន់ទី២ក្បែរឆាកថា "មិនងាយទេ បានជួបបងធំ Jackie Chan នៅកន្លែងទេ ខ្ញុំនឹងស្វាគមន៍គាត់តាមរបៀបពិសេស ។ បន្ទាប់ពីនិយាយរួចហើយ ខ្លួនក៏ហក់ពីលើអគារ ហើយទើលើគ្រោងឆាកដែលទុកសម្រាប់បញ្ជាភ្លើងនិងសំឡេងក្បែរនោះ ។</span></p>
<p><span style="color: #000000;">ចំណែកឯអ្នកគ្រប់គ្នាវិញ បានជ្រួលច្របល់និងស្លន់ស្លោជាខ្លាំង សូម្បីតែ Jackie Chan ក៏បានលួងលោមបុរសម្នាក់នោះ កុំឲ្យធ្វើអ្វីផ្ដេសផ្ដាស ព្រោះខ្លាចមានគ្រោះថ្នាក់ជាយថាហេតុ។ លោកនិយាយថា "ប្រសិនជាប្អូនបន្តធ្វើដូចនេះ ខ្ញុំនឹងចាកចេញភ្លាម។" តែបុរសនោះមិនស្ដាប់ពាក្យអ្នកដទៃហាមទាល់តែសោះ ក៏លោតចុះមកក្រោមទៀត ហើយពេលនោះ អ្នករៀបចំកម្មវិធីក៏រត់ឆ្លេឆ្លាទៅជួយបុរសនោះយកទៅពិនិត្យ ក្រែងលោមានរបួស។ រីឯ Jackie Chan បានចាកចេញភ្លាមៗ ហើយជំនួបតារានាពេលល្ងាចនោះក៏ត្រូវបានគេលុបចោលជាស្ថាពរ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/4/1-04-01-2017--13-58-24.png"><img src="/FileManager/Articles/mce/2017/1/4/1-04-01-2017--13-58-24.png" alt="" /></a></span></p>
<p><br /><a class="thickbox" title="" href="/FileManager/Commons/2017/1/4/3-04-01-2017--13-58-32.png"><img src="/FileManager/Articles/mce/2017/1/4/3-04-01-2017--13-58-32.png" alt="" /></a></p>
<p><br /><a class="thickbox" title="" href="/FileManager/Commons/2017/1/4/2-04-01-2017--13-58-40.png"><img src="/FileManager/Articles/mce/2017/1/4/2-04-01-2017--13-58-40.png" alt="" /></a></p>
<p><br /><a class="thickbox" title="" href="/FileManager/Commons/2017/1/4/4-04-01-2017--13-58-48.png"><img src="/FileManager/Articles/mce/2017/1/4/4-04-01-2017--13-58-48.png" alt="" /></a></p>
<p><br /><a class="thickbox" title="" href="/FileManager/Commons/2017/1/4/2c-04-01-2017--13-59-00.png"><img src="/FileManager/Articles/mce/2017/1/4/2c-04-01-2017--13-59-00.png" alt="" /></a><a class="thickbox" title="" href="/FileManager/Commons/2017/1/4/4-04-01-2017--13-58-48.png"></a><a class="thickbox" title="" href="/FileManager/Commons/2017/1/4/2-04-01-2017--13-58-40.png"></a><a class="thickbox" title="" href="/FileManager/Commons/2017/1/4/3-04-01-2017--13-58-32.png"></a><span style="color: #000000;"><a class="thickbox" title="" href="/FileManager/Commons/2017/1/4/1-04-01-2017--13-58-24.png"></a><br /></span></p>
<p style="text-align: right;"><br /><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><br /><span style="color: #000000;">ប្រភព ៖ zing</span></p>