<div class="item-page">
<p><span style="color: #000000;"><strong>(ភ្នំពេញ)៖</strong> កីឡាករបាល់ទាត់ល្បីលំដាប់ពិភពលោក Keisuke HONDA នឹងធ្វើដំណើរមកដល់ទឹកដីនៃប្រទេសកម្ពុជា នាម៉ោងប្រមាណ១១៖៣០នាទីថ្ងៃត្រង់នេះ តាមជើងហោះហើរ EVA Air ច្រកទា្វរ VIP នេះបើតាមការបញ្ជាក់ឲ្យដឹងពី លោក ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា (FFC) ថ្លែងប្រាប់ Fresh News ព្រឹកថ្ងៃទី០៩ មិថុនានេះ។</span></p>
<p><span style="color: #000000;">ក្នុងដំណើរទស្សនកិច្ចជាផ្លូវលើកទី១ របស់កីឡាករខ្សែប្រយុទ្ធក្នុងក្រុមជម្រើសជាតិសាម៉ូរៃជប៉ុន ខាងលើនេះ ត្រូវបាន លោក ខៀវ សាម៉េត បញ្ជាក់ថា គឺដើម្បីបើកសាលាបាល់ទាត់នៅកម្ពុជា និងផ្តល់បទពិសោធន៍ និងបច្ចេកទេសពីការ លេងបាល់ទាត់ ដើម្បីឈានទៅដល់ចំណុចកំពូល ដូចរូបគេដែលកំពុងប្រកបអាជីពនៅក្នុងក្លឹប អឺរ៉ុប AC Milan លេងក្នុងក្របខណ្ឌកំពូល Italia-Serie A របស់អ៉ីតាលីនាពេលបច្ចុប្បន្ន។</span></p>
<p><span style="color: #000000;">ក្នុងការមកដល់នេះ តារាបាល់ទាត់វ័យ២៨ឆ្នាំ Honda នឹងជួបជាមួយប្រធានសហព័ន្ធកីឡាបាល់ទាត់កម្ពុជា នាយឧត្តមសេនីយ៍ សៅ សុខា មុនធ្វើដំណើរទៅទីលានបាល់ទាត់ ស្ថិតក្នុងវិទ្យាល័យឥន្រ្ទទេវី នាពេលរសៀល ដើម្បីបង្ហាញពីបច្ចេកទេសបាល់ទាត់ដល់ក្មេងៗ ប្រហែលជា៤០នាក់ នេះបើយោងតាម Facebook របស់លោក ចាន់ មិថុនា មន្រ្តីព័ត៌មានរបស់ FFC។</span></p>
<p><span style="color: #000000;">នៅចាំបានថា Keisuke HONDA ជាតារាបាល់ទាត់ឆ្នើមលំដាប់ពិភពលោកទី៤ ដែលមកទស្សនកិច្ចកម្ពជា និងផ្តល់បទ ពិសោធន៍ពីការលេងបាល់ ក្រោយពេលកីឡាករ Bobby Chartlon, Deco និង David Beckham សុទ្ធតែធ្លាប់មក កម្ពុជាដូចគ្នានាពេលកន្លងមក បូករួមទាំងធ្វើសកម្មភាពសប្បុរធម៌ផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/9/2-09-06-2016--11-01-11.png"><img src="/FileManager/Articles/mce/2016/6/9/2-09-06-2016--11-01-11.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-09-10-41-32-0.jpg" alt="" width="730" /></span></p>
<p><span style="color: #000000;"><strong>លោក ខៀវ សាម៉េត ថតរូបអនុស្សវរីយ៍ ជាមួយកីឡាករ ហុងដា នៅទីក្រុង Milan ប្រទេសអីុតាលី កាលពីថ្ងៃទី៤ ខែមិនា</strong></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-09-10-18-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-09-10-18-25-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-09-10-18-30-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
</div>