<div class="article-content">
<p><strong>កំពង់ឆ្នាំងៈ</strong> ស្ត្រីវ័យចំណាស់ម្នាក់ បានសន្លប់ដេកស្តូកស្តឹង សល់តែដង្ហើមចង្រិត ហើយត្រូវបាន<br /> សាច់ញាតិ អ្នកជិតខាង ដឹកបញ្ជូនភ្លាមៗ ទៅកាន់មណ្ឌលសុខភាព តាំងក្រសាំង បន្ទាប់ពីស្រ្តីរូប<br />នោះ ត្រូវបានប្តីរបស់គាត់ ប្រើអំពើហិង្សា យកដំបងវាយ យ៉ាងចាស់ដៃ ។</p>
<p>ហេតុការណ៍ខាងលើ កើតឡើងនៅវេលាម៉ោង ២ និង ២៥នាទី នៅខ្ទមស្រែ ក្នុងភូមិស្រែអុក ឃុំ<br />តាំងក្រសាំង ស្រុកទឹកផុស ខេត្តកំពង់ឆ្នាំង ។ នារីវ័យ ៣០ ឆ្នាំម្នាក់ ឈ្មោះ ណែម សារ៉េន ដែល<br />ត្រូវជាប្អូនបង្កើត របស់ជនបង្ក បានឲ្យដឹងថា បងថ្លៃស្រីរបស់ខ្លួន ឈ្មោះ សុខ ថា អាយុ ប្រមាណ<br /> ៤៧ ឆ្នាំ មានទីលំនៅក្នុងភូមិ ឃុំ កើតហេតុខាងលើ ត្រូវបានប្តី ដែលត្រូវជាបងបង្កើតរបស់នាង<br />ឈ្មោះ ណែម ខុម អាយុ ៤២ ឆ្នាំ បានយកដំបង វាយមកលើ ប្រពន្ធរបស់គាត់ ជាច្រើនដំបង<br />បណ្តាលឲ្យសន្លប់ដេកស្តូកស្តឹង ។</p>
<p>នាង ណែម សារ៉េន បានបន្តឲ្យដឹងថា ខណៈបង ប្រុសបង្កើតរបស់ខ្លួន ទាញដំបងវាយមក លើ<br />បងថ្លៃស្រី ឃើញដូច្នេះ នាងបានចូលទៅជួយបង ថ្លៃស្រី ប៉ុន្តែត្រូវបងបង្កើត បានវាយមកលើ រូប<br />នាង ជាច្រើនដំបង ទ្រោមខ្លួនយ៉ាងដំណំ ។</p>
<p>នាង ណែម សារ៉េន បានរៀបរាប់បន្តទៀតថា រឿងរ៉ាវខាងលើផ្តើមឡើង ពីបងប្រុសរបស់ខ្លួន ផឹក<br />ស្រាស្រវឹង ប្រចណ្ឌប្រពន្ធចោទប្រពន្ធថា អត់ដាំ បាយ ស៊ី តាមពិតបងថ្លៃរបស់នាង ទៅស៊ី ឈ្នួល<br />ដាំបាយ ក្នុងពិធីការរបស់អ្នកភូមិ ហើយបានដាំបាយឆ្អិន ព្រមទាំងយកសម្លមកពីកន្លែង ការគេទុក<br />ឲ្យគាត់ហូបទៀតផង ប៉ុន្តែគាត់បានចាក់ បាយ និង សម្លចោល ។</p>
<p>ករណីខាងលើនេះ លោក វង់ នឿន មេភូមិស្រែអុក បានធ្វើរបាយការណ៍ ផ្ញើជូនលោក មេឃុំតាំង<br /> ក្រសាំងជាបន្ទាន់ផងដែរ ។ ប្រជាពលរដ្ឋជាពិសេស សាច់ញាតិស្ត្រីរងគ្រោះ បានសំណូមពរដល់<br /> សមត្ថកិច្ច មេត្តានាំយកជនដៃដល់ធ្វើការអប់រំ ណែនាំ ព្រោះវាជាគំរូអាក្រក់ដល់ គ្រួសារផ្សេងៗ <br />ទៀត ក្នុងភូមិ ពិសេសបានប៉ះពាល់ ដល់សង្គមជាតិ ហើយម្យ៉ាងវិញទៀត នៅថ្ងៃស្អែក ត្រូវនឹងថ្ងៃ<br /> ទី៨ ខែមីនា គឺជាទិវាសិទ្ធិនារី អន្តរជាតិផងដែរ ។</p>
<p>បច្ចុប្បន្នស្រ្តីរងគ្រោះ កំពុងសម្រាកព្យាបាល នៅមណ្ឌលសុខភាពតាំងក្រសាំង ហើយមកទល់ម៉ោង<br /> ៥ និង៣០នាទី ថ្ងៃដដែល នេះ ស្រ្តីរងគ្រោះ មិនទាន់អាចនិយាយបាននៅឡើយទេ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0278.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0279.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>