<p><span style="color: #000000;">(ភ្នំពេញ)៖ <strong>អាជ្ញាធររាជធានីភ្នំពេញ គ្រោងនឹងកែប្រែរង្វង់មូលចំនួន៣ នៅក្នុងរាជធានីភ្នំពេញ ទៅជាភ្លើងស្តុបវិញ ដើម្បីបន្ថយនូវភាព កកស្ទះចរាចរណ៍ នេះបើតាមការប្រកាសនៅលើទំព័រ Facebook</strong> របស់ លោក ប៉ា សុជាតិវង្ស អភិបាលរាជធានីភ្នំពេញ នៅថ្ងៃទី២១ ខែមេសា ឆ្នាំ២០១៦នេះ។</span></p>
<p><span style="color: #000000;">អភិបាលរាជធានីភ្នំពេញ បានសរសេរថា<strong> «ព្រឹកមិញនេះ រដ្ឋបាលរាជធានីភ្នំពេញ បានរៀបចំកិច្ចប្រជុំបន្ទាន់មួយ ផ្តោតលើកិច្ចការសំខាន់ៗ ៤ចំណុចដូចខាងក្រោម៖ ១-រៀបចំផ្លាស់ប្តូរ និងដាក់ដំឡើងភ្លើងស្តុបស្វ័យប្រវត្តិថ្មីចំនួន ១០០ទីតាំងបន្ថែម នៅក្នុងភូមិសាស្ត្ររាជធានីភ្នំពេញយើង ដើម្បីកាត់បន្ថយនូវបញ្ហាកកស្ទះចរាចរណ៍ ហើយកិច្ចការនេះ យើងនឹងសម្រេចឱ្យបានទាំងស្រុង នាខែមីនា ឆ្នាំ២០១៧។ ជាពិសេសត្រូវសិក្សា ជាបន្ទាន់នូវការកែប្រែរង្វង់មូល៣ ឱ្យទៅជាភ្លើងស្តុបវិញ ដូចជារង្វង់មូលទួលគោក រង្វង់មូលចោមចៅ និងរង្វង់មូលកាំកូស៊ីធី»</strong>។</span></p>
<p><span style="color: #000000;">បើតាមលោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន បានប្រាប់ Fresh News ឱ្យដឹងនៅល្ងាចថ្ងៃទី២១ ខែមេសា ឆ្នាំ២០១៦នេះថា ចំពោះគម្រោងខាងលើភាគីពាក់ព័ន្ធ បានសម្រេចរួចហើយថា នឹងលុបចោលរង្វង់មូលទួលគោក ហើយចំណែកគម្រោងលុបរង្វង់មូល២ផ្សេងទៀត រួមមាន រង្វង់មូលចោមចៅ និងរង្វង់មូលកាំកូស៊ីធី គឺកំពុងសិក្សានៅឡើយ ដែលលទ្ធផល នឹងបង្ហាញជូននៅសប្តាហ៍ក្រោយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/22/4-22-2016-10-17-58-am-22-04-2016--10-28-18.png"><img src="/FileManager/Articles/mce/2016/4/22/4-22-2016-10-17-58-am-22-04-2016--10-28-18.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញូវអាសុី </span></p>