<p><span style="color: #000000;"><strong>(ហ្គាំប៊ី)៖</strong> ទីប្រឹក្សាម្នាក់របស់ប្រធានាធិបតីហ្គាំប៊ីថ្មី បានឱ្យដឹងថាប្រាក់ច្រើនជាង ១១លានដុល្លារអាមេរិក បានបាត់ចេញពីរតនាគារជាតិហ្គាំប៊ី បន្ទាប់ពីអតីតប្រធានាធិបតី លោក Yahya Jammeh បានសម្រេចចិត្តចាកចេញពីប្រទេស ខណៈបើតាមប្រភពមួយចំនួន ប្រាក់ដ៏ច្រើនសន្ធឹកសន្ធាប់នេះត្រូវបាន លោក Jammeh វេចយកទៅជាមួយ ក៏ប៉ុន្តែខាងអាកាសយានដ្ឋានបានអះអាងថា ខ្លួនពុំបានអនុញ្ញាតឱ្យអតីតប្រធានាធិបតីរូបនេះយកទ្រព្យសម្បតិ្តចាកចេញពីប្រទេសនោះឡើយ។ នេះបើតាមការចេញផ្សាយដោយសារព័ត៌មាន BBC នៅព្រឹកថ្ងៃចន្ទ ទី២៣ ខែមករា ឆ្នាំ២០១៧។</span></p>
<p><span style="color: #000000;">យោងតាម លោក Mai Ahmad Fatty ជាទីប្រឹក្សាម្នាក់របស់ប្រធានាធិបតីហ្គាំប៊ីថ្មី ក្រុមអ្នកជំនាញហិរញ្ញវត្ថុ កំពុងធ្វើការស៊ើបអង្កេត ស្របពេលដែលប្រភពក្រៅផ្លូវការសន្និដ្ឋានថា រថយន្ដទំនើប និងវត្ថុមានតម្លៃជាច្រើនទៀតត្រូវបាន លោក Jammeh វេចឡើងលើយន្ដហោះចាកចេញទៅកាន់ប្រទេស ហ្គីណេ មុននឹងលោកត្រូវធ្វើដំណើរបន្តទៅកាន់ប្រទេស អេក្វាឌ័ររៀល ហ្គីណេ (Equatorial Guinea) ជាទីដែលលោកត្រូវបានគេរំពឹងថា នឹងទទួលបានសិទ្ធិជ្រកកោន។</span></p>
<p><span style="color: #000000;">គួរបញ្ជាក់ថាអតីតប្រធានាធិបតីហ្គាំប៊ី លោក Yahya Jammeh បានសម្រេចចិត្តចាកចេញពីប្រទេស កាលពីថ្ងៃសៅរ៍កន្លងទៅ ដោយយល់ព្រមបោះបង់អំណាចជាង២២ឆ្នាំទៅឱ្យលោក Adama Barrow ដែលបានឈ្នះនៅក្នុងការបោះឆ្នោតកាលពីខែធ្នូ ឆ្នាំ២០១៦ បន្ទាប់ពីមានអន្តរាគមន៍យោធាពីសំណាក់ បណ្ដាប្រទេសជិតខាង។ ក៏ប៉ុន្តែរហូតមកទល់នឹងពេលនេះ លោក Barrow</span><br /><span style="color: #000000;">នៅតែបន្តស្ថិតនៅក្នុងប្រទេសសេណេហ្គាល់ ហើយគេក៏ពុំទាន់ដឹងពីពេលវេលា ជាក់លាក់ដែលលោកត្រឡប់មកវិញនោះដែរ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-23-11-03-02-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-23-11-04-50-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-23-11-04-53-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>