<p><span style="color: #000000;"><strong>ភ្នំពេញ៖</strong> តារាសម្តែងស្រីវ័យក្មេង មានប្រជាប្រិយភាព កញ្ញា ម៉ាក សែនសូនីតា ហៅ តូតា ថ្មីៗនេះត្រូវបានអ្នកនិយមលេងបណ្តាញ សង្គម Facebook សម្តែងអារម្មណ៍ភ្ញាក់ផ្អើលស្ទើរគ្រប់គ្នា ខណៈដែលគេបានប្រទះឃើញ តារារូបនេះបែក ធ្លាយរូបថតស្រើបស្រាល ឱបថើប និងបឺតជញ្ជក់មាត់គ្នាជាមួយតារាប្រុសរូបសង្ហារលោក ចន អេឡិចហ្សូរ៉ា យ៉ាងត្រេកត្រអាលបំផុត ។</span></p>
<p><span style="color: #000000;">បើសង្កេតមើលលើរូបភាព ដែលត្រូវបានគេបង្ហោះ ចែកចាយបន្តគ្នាពីមួយទៅមួយ នៅក្នុងបណ្តាញសង្គម Facebook នេះ បានបង្ហាញឱ្យឃើញ នូវសកម្មភាពឱបថើបកៀកកើយ របស់តារាសម្តែងស្រីល្បីឈ្មោះកញ្ញា ម៉ាក សែនសូនីតា ជាមួយតារាប្រុស លោក អេឡិចហ្សូរ៉ា ក្នុងលក្ខណៈស្និទ្ធស្នាល និងមានសេចក្តីសុខជាមួយគ្នាបំផុត ។</span></p>
<p><span style="color: #000000;">កញ្ញា តូតា បន្ទាប់ពីលេចមុខលេចមាត់ក្នុងអាជីពសិល្បៈ នាអំឡុងពេលជាង២ឆ្នាំនេះមកឃើញថា នាងហាក់មានភាព ខុសប្លែកច្រើងជាងមុន មិនថាជីវភាព រស់នៅផ្ទាល់ខ្លួន ឬមួយស្ទីលនៃការតុបតែងខ្លួននោះឡើយ គឺតារាស្រីរូបនេះតែ បញ្ចេញពីភាពហ៊ឺហារ សិចស៊ីឡួយឆាយជាប្រចាំ ។ ខណៈដំណឹងស្នេហ៍ ក៏តែងលេចឮថា ម្តងមានទំនាក់ទំនងជាមួយ បុរសក្រៅស្រុក និងម្តងទៀតថា មានទំនាក់ទំនង ជាមួយបុរសអ្នកមានទ្រព្យស្តុកក្នុងស្រុកទៀតផង ។</span></p>
<p><span style="color: #000000;">យ៉ាងណាដំណឹងស្នេហ៍ អាស្រូវជុំវិញជីវិតឯកជន របស់តារាសម្តែងស្រីរូបនេះ មិនត្រូវបានស្រាយបំភ្លឺ ច្បាស់លាស់ទេ ខណៈសាមីខ្លួននាង តូតា តែងបដិសេធ ដោយពាក្យចុងមាត់ចុង-កថា ពុំធ្លាប់មានស្នេហាថ្មី ហើយក៏មិនមានអ្នកណា ជួយឧបត្ថម្ភ ឬទិញរបស់មានតម្លៃណាមួយ ដើម្បីផ្គាប់ចិត្តឡើយ ។ ប៉ុន្តែទោះបីជាយ៉ានេះក្តី តែថ្មីៗនេះគេទើបបានឃើញ តូតា បានរំលេចរូបថតបង្ហាញ ពីភាពស្និទ្ធស្នាល ផ្អែមល្ហែមជាមួយបុរសសង្ហារលោក ចន អេឡិចហ្សូរ៉ា តែពីរនាក់ សប្បាយរីករាយ ប្រៀបបីដូចជាសង្សារយល់ចិត្តគ្នាខ្ពស់ ព្រោះដល់ថ្នាក់បឺតជញ្ជក់មាត់គ្នាបែបនេះ ។</span></p>
<p><span style="color: #000000;">ចំពោះសកម្មភាព នៃការបែកធ្លាយរូបថតឱបថើបកៀកកើយគ្នា រវាងកញ្ញា តូតា និងលោក អេឡិចហ្សូរ៉ា នៅលើទំព័រ សង្គម Facebook នេះ គឺមើលទៅដូចជា មានភាពខុសប្លែកពីមិត្តភាពធម្មតា ពោលគឺតារាប្រុស-ស្រី ទាំងពីរហាក់កំពុង បង្ហាញពីសញ្ញាស្នេហ៍ ជាមួយគ្នា ក្នុងស្ថានភាពលាក់បាំង ។</span></p>
<p><span style="color: #000000;">យ៉ាងណាមិញ នៅរសៀលថ្ងៃទី០៣ ខែមីនា ឆ្នាំ២០១៥នេះគេហទំព័រ LookingTODAY មិនអាចទំនាក់ទំនង ដើម្បីសុំការបំភ្លឺពីកញ្ញា តូតា បានទេ ។ ដូច្នេះ LookingTODAY រង់ចាំស្វាគមន៍ជានិច្ច ចំពោះវត្តមាន ចេញមុខមកបកស្រាយពីសំណាក់កញ្ញា តូតា នៅពេលក្រោយដោយក្ដីរីករាយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/4/50-04-03-2015--10-23-55.jpg"><img src="/FileManager/Articles/mce/2015/3/4/50-04-03-2015--10-23-55.jpg" alt="" /></a></span></p>
<p><a class="thickbox" title="" href="/FileManager/Commons/2015/3/4/51-04-03-2015--10-24-03.jpg"><img src="/FileManager/Articles/mce/2015/3/4/51-04-03-2015--10-24-03.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/4/50-04-03-2015--10-23-55.jpg"></a></span></p>
<p><a class="thickbox" title="" href="/FileManager/Commons/2015/3/4/52-04-03-2015--10-24-09.jpg"><img src="/FileManager/Articles/mce/2015/3/4/52-04-03-2015--10-24-09.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span><br /><br /></p>