<p><strong>ភ្នំពេញ៖</strong> តារាចម្រៀងប្រុសល្បីល្បាញខ្លាំងពីរដួង លោក ខេមរៈ សិរីមន្ត និង លោក ខាន់ <br />ជែមស៍ កាលពីមុនមកអ្នកទាំងពីរ ត្រូវបានគេដឹងថា ជាតារាចម្រៀងខ្លាំងរៀងៗខ្លួន តែស្ថិត<br />ក្នុងផលិតកម្មពីរផ្សេងគ្នា ប្រៀបបីដូចជាខ្លាពីរ រស់នៅលើភ្នំពីរខុសគ្នា យូរទើបពួកគេជួបគ្នា<br />ម្ដង។ តែដោយសារផលិតកម្មរ៉ុក ជាផលិតកម្មផលិតបទចម្រៀងប្រកាន់ជំហមិនចំឡងគេ <br />បានដួលរលំ តារាចម្រៀងទាំងអស់ក៏នាំគ្នាចែកចានចែកឆ្នាំង រើកញ្ជើ ដើររកទ្រនំថ្មី រៀងៗ<br />ខ្លួន។ ក្នុងនោះតារាចម្រៀងល្បីខ្លាំងជាងគេ លោក ខាន់ ជែមស៍ បានសម្រេចចិត្ត ហក់ចូល<br />ផលិតកម្ម សាន់ដេ ជាផលិតកម្មមួយ មានការពេញនិយមខ្លាំង ពីសំណាក់បងប្អូន មិនថានៅ<br />តាមបណ្ដាខេត្ត ឬទីប្រជុំជនឡើយ។</p>
<p>សូម្បីតែការប្រគំតន្រ្តី លក់សំបុត្រ តូចធំ ក៏ក្រុមតារាចម្រៀងនៃផលិតកម្មសាន់ដេ វ៉ាដាច់ដែរ ផ្ទុយពីផលិតកម្មចម្រៀងធំមួយទៀតដែលល្បីតែឈ្មោះ តែខ្សោះការគាំទ្រ ពីសំណាក់មហា<br />ជន។ បន្ទាប់ពីវត្តមាន តារាចម្រៀង ខាន់ ជែមស៍ បានចូលមកកាន់ សាន់ដេ បានធ្វើឲ្យមហា<br />ជនជាច្រើន តែងនិយាយថា ខ្លាពីរលើភ្នំតែមួយ ។ មតិទាំងនោះភាគច្រើនបាននិយាយថា អាចមានទំនាក់ទំនងមិនសូវល្អជាមួយគ្នាច្រើនជាង ព្រោះអ្នកខ្លាំង ប៉ះអ្នកខ្លាំងដូចគ្នាបែបនេះ<br /> មិនសូវស្រួលទេ ។ ផលិតកម្ម សាន់ដេ បច្ចុប្បន្នមិនមែនមានតែ ខ្លាពីរនេះទេ គឺ សម្បូរទៅ<br />ដោយខ្លាជាច្រើន ដូចជា លោក ឆាយ វីរៈយុទ្ធ លោក កែវ វាសនា ដែលសុទ្ធតែជាតារា<br />ចម្រៀង មានទីផ្សារខ្លាំងក្លា ។</p>
<p>ក្នុងវេទិការសាធារណៈមួយ លោក ខាន់ ជែមស៍ បាននិយាយថា លោកពិតជាមានទំនាក់ទំនង<br />មិនល្អជាមួយ សិរីមន្ត ព្រោះជាគូប្រជែង ស៊ីសាច់ហូតឈាម ថែមទាំងចង់សងសឹកគ្រប់ពេល<br />វេលាទៀតផង ។ តែពាក្យសម្ដីទាំងអស់នេះ ហាក់បីដូចជាគួរឲ្យភ្ញាក់ផ្អើល សម្រាប់ប្រិយមិត្ត<br />អ្នកអាន ព្រោះគ្រាន់តែពាក្យនិយាយរៀបរាប់ពីការសម្ដែង ក្នុងភាពយន្តថ្មី នៃផលិតកម្មសាន់<br />ដេ រឿង "ព្រាយក្បាយ៨" ប៉ុណ្ណោះ ខណៈលោក ខាន់ ជេមស៍ ត្រូវសម្ដែងជាតួបងធំ រីឯ លោក<br /> ខេមរៈ សិរីមន្ត សម្ដែងជាតួក្រុមនិស្សិត ត្រូវកាច់កុងគ្នា តាំងពីដើមរហូតដល់ចប់ ។</p>
<p>ដោយបញ្ជាក់ ទៅកាន់មហាជនជាថ្មី លោក ខាន់ ជេមស៍ បាននិយាយថា ចំណែកនៅក្រៅ<br />សិល្បៈវិញ លោកមានទំនាក់ទំនងល្អណាស់ ជាមួយលោក សិរីមន្ត អាចនិយាយបានថា ជា<br />មិត្តល្អកម្ររកបានទៀតផង ។ បន្ទាប់ពីនិយាយចប់ ជេមស៍ បានចាប់ដៃគ្នាជាមួយ សិរីមន្ត <br />ដើម្បីបញ្ជាក់ពីភាពជិតស្និទ្ធ ស្រឡាញ់រាប់អានគ្នា ឲ្យកាន់តែច្បាស់ ហើយក៏បានវិលទៅកាន់ <br />កៅអីរបស់ខ្លួន ដែលនៅជិតនឹងសិរីមន្ត បង្ហាញពីភាពស្និទ្ធស្នាល ដូចធម្មតាវិញ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0101.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0102.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0103.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-074.jpg" alt="Looking Today" width="600" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>