<p><span style="color: #000000;">ព័ត៌មានអន្តរជាតិ ៖ ហោចណាស់ បុគ្គលិកក្រុមហ៊ុន Microsoft ១៨០០ នាក់ត្រូវជម្លៀសខ្លួនទៅកាន់ ទីមានសុវត្ថិភាពភ្លាមៗ បន្ទាប់ពីមានរបាយការណ៍ ប្រកាស អាសន្ន បំផ្ទុះ គ្រាប់បែក នៅឯបរិវេណ ស្នាក់ការកណ្តាល ទីក្រុង Munich ប្រទេស អាល្លឹម៉ង់។ ផ្ទុយ ទៅវិញ របាយការណ៍ ប្រកាសអាសន្ន បំផ្ទុះគ្រាប់បែកប្រការនេះ បន្តិចក្រោយមក ត្រូវបានមន្រ្តី មាន សមត្ថកិច្ចបញ្ជាក់ថា គ្រាន់តែជាការ បញ្ឆោតតែប៉ុណ្ណោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/11/12-11-11-2015--09-55-23.jpg"><img src="/FileManager/Articles/mce/2015/11/11/12-11-11-2015--09-55-23.jpg" alt="" /></a><br /></span></p>
<p><span style="color: #000000;">ប្រភពបញ្ជាក់អោយដឹងថា ការិយាល័យ កណ្តាល Microsoft គឺមាន ទីតាំងនៅក្នុងសហគមន៍ Loh- hof នៃឧទ្យាន ឧស្សហកម្ម ១៩គ.ម ភាគខាងជើងក្រុង Munich ។ Süddeutsche កាសែតក្នុងស្រុក ប្រទេសអាល្លឹម៉ង ចុះផ្សាយអោយដឹងថា ក្រុមហ៊ុន Microsoft ទទួល បានទូរស័ព្ទ អនាមិក ហៅចូល ដោយមានការគម្រាមបំផ្ទុះគ្រាប់បែកនៅវេលាម៉ោង ១២ និង ៦នាទី ថ្ងៃត្រង់ (ម៉ោងក្នុងស្រុកប្រទេស អាល្លឺម៉ង់ ១០ វិច្ឆិកា ម្សិលមិញនេះ ) ។ ភ្លាមៗ បុគ្គលិក ក្រុមហ៊ុន Microsoft ទាំងអស់ ប្រមាណ ១៨០០នាក់ ដែលកំពុងតែបំពេញការងារនោះ ត្រូវ ព័ត៌មាន ទទូចប្រាប់ អោយមានការជម្លៀសខ្លួន ចេញពីអាគារការិយាល័យ ។ ក្រោយមកទៀត មន្រ្តីពាក់ព័ន្ធ រួមមាន មន្រ្តីប៉ូលីស ប្រចាំទីក្រុង អម ដោយសត្វសុនខហិតក្លិននោះ បានចុះចេញបទអន្តរាគមន៍ ស្វែងរក គ្រឿងផ្ទុះ នៅក្រុមហ៊ុន Micro- soft ។ ជាលទ្ធផល មន្រ្តីមានសមត្ថកិច្ច ពុំបានរកឃើញគ្រាប់បែកបំផ្ទុះអ្វីនោះទេ សូម្បីតែស្រមោល ដូច្នេះ ក៏មានការណែនាំអោយក្រុមការងារ ក្រុមហ៊ុន Microsoft ចូលបម្រើការងារវិញ ជាធម្មតា និង សន្មត់ ថា ការ ហៅ ទូរស័ព្ទ ចូល ពីសំណាក់ ជន អនាមិក គំរាមបំផ្ទុះគ្រាប់បែកនោះ ជាការបោក បញ្ឆោត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/11/12a-11-11-2015--09-55-33.jpg"><img src="/FileManager/Articles/mce/2015/11/11/12a-11-11-2015--09-55-33.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>