<p><span style="color: #000000;"><strong>(ភ្នំពេញ)៖</strong> យុវជនម្នាក់ដែលបានថតរូប ពាក់អាវផ្កាយពីរ ហើយបានបង្ហោះក្នុងបណ្ដាញសង្គម Facebook ដោយទទួលរងការិះគន់ ពីសំណាក់អ្នកលេងបណ្ដាញ សង្គមយក្សមួយនេះ បានចេញមុខបកស្រាយការពិត ចំពោះឯសណ្ឋានយោធា ដែលខ្លួនបានពាក់ ដើម្បីកុំឲ្យអ្នករិះគន់ បន្តសកម្មភាពបង្ខូចកិត្តិយស របស់ខ្លួនបន្ថែមទៀត ខណៈដែលរូបគេមិនមែនជាមន្រ្តីយោធា មានឋានៈរហូតពាក់ផ្កាយ លើស្មានោះឡើយ។</span></p>
<p><span style="color: #000000;">នៅក្នុងវីដេអូឃ្លីប ប្រមាណ៥នាទី យុវជនម្នាក់នេះ បានបញ្ជាក់ថា ឯកសណ្ឋានយោធា មានផ្កាយ២នៅលើស្មានោះ គឺគ្រួសារខ្លួនបានទិញមកពីផ្សារ ដើម្បីដាក់សែនលោកតាដំបងដែក នៅក្នុងផ្ទះរបស់ខ្លួន ហើយដោយមានចិត្តស្រឡាញ់ ការងារជាមន្រ្តីយោធា តាំងពីតូច ខ្លួនក៏បានយកឯកសណ្ឋាននេះ មកពាក់ រួចថតបង្ហោះក្នុង Facebook ធ្វើឲ្យមានអ្នកលេងខ្លះ បានយករូបនេះ ទៅធ្វើការប្រៀបធៀប ជាមួយមន្រ្តីយោធាពិតប្រាកដ ហើយរិះគន់យ៉ាងខ្លាំងតែម្ដង។</span></p>
<p><span style="color: #000000;">ទោះបីជាយ៉ាងណា មានមតិមួយចំនួនបានលើកឡើងថា អ្នកលេងបណ្ដាញសង្គម Facebook គួរតែត្រិះរិះពិចារណាឲ្យបានច្បាស់ មុននឹងធ្វើការរិះគន់ ទៅលើរឿងអ្វីមួយ ព្រោះអាចប៉ះពាល់ធ្ងន់ធ្ងរដល់កេរ្តិ៍ឈ្មោះ និងកិត្តិយសអ្នកដទៃ ។ ពេលខ្លះមានតារាសម្ដែង ត្រូវសម្ដែងជាឈុតយោធា ហើយតម្រូវឲ្យពាក់ឯកសណ្ឋានយោធា ដើម្បីឲ្យត្រូវនឹងសាច់រឿង ដែលកំពុងថត ក៏មិនត្រូវរិះគន់ ដោយគ្មានការគិតបានដែរ ។ ដូច្នេះអ្នកលេងបណ្ដាញសង្គមយក្ស Facebook គួរគិតឲ្យបានល្អិតល្អន់ មុននឹងរិះគន់លើរឿងអ្វីមួយ..។</span></p>
<p><span style="color: #000000;">សូមស្ដាប់ការបកស្រាយរបស់យុវជន ដូចខាងក្រោមនេះ ៖</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/48-19-02-2016--14-58-20.jpg"><img src="/FileManager/Articles/mce/2016/2/19/48-19-02-2016--14-58-20.jpg" alt="" /></a></span></p>
<p><a class="thickbox" title="" href="/FileManager/Commons/2016/2/19/48a-19-02-2016--14-58-29.jpg"><img src="/FileManager/Articles/mce/2016/2/19/48a-19-02-2016--14-58-29.jpg" alt="" /></a></p>
<p><object width="496" height="425" data="http://www.youtube.com/v/dI0lyMwk568&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/dI0lyMwk568&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>