<p><strong>ភ្នំពេញៈ</strong> តារាសម្តែង ជើងចាស់ រះលើវិថីសិល្បៈ អំឡុង ទសវត្ស៨០ អ្នកនាង ចាន់ តារាទី បានព្រលយឲ្យ LookingTODAY ដឹងថា អ្នកនាងមិនចង់ឲ្យ កូនប្រុសស្រី របស់អ្នកនាង ចូលប្រឡូកក្នុងសិល្បៈ ដើរតាមផ្លូវដែល អ្នកនាងធ្លាប់ដើរ អស់រយៈពេលជាច្រើនឆ្នាំនេះឡើយ បើទោះជាកូនមាន និស្ស័យស្រឡាញ់ សិល្បៈក៏ដោយ ។</p>
<p>អ្នកនាង ចាន់ តារាទី បានប្រាប់ឲ្យដឹង នៅថ្ងៃទី២០ ខែកុម្ភៈ នេះថា "រហូតមកដល់ ពេលនេះខ្ញុំ មានវ័យរាងចាស់ជ្រេហើយ ប្រជាប្រិយភាព ក្នុងការសម្តែង ក៏មិនដូចមុន ហេតុតែស្រឡាញ់ចេះ តែខំប្រឹងសម្តែងទៅ ។ ខ្ញុំចូលប្រឡូកក្នុងសិល្បៈ ខ្ញុំទទួលស្គាល់ថា ខ្ញុំមានបទពិសោធន៍ច្រើន នៅក្នុងអាជីពមួយនេះ គឺផ្តល់ឲ្យខ្ញុំ ទាំងភាពសប្បាយ និងល្វីងជូរចត់គ្រប់យ៉ាង" ។</p>
<p>បើទោះជា ចាន់ តារាទី បានបង្ហាញពីអារម្មណ៍ ក្នុងការស្រឡាញ់ ចូលចិត្តសិល្បៈ យ៉ាងណាក៏ដោយ តែសម្រាប់តារារូបនេះ ហាក់ដូចជា មិនចង់ឲ្យកូនបណ្តូលចិត្ត របស់ខ្លួន ចូលប្រឡូកសិល្បៈ ស្នងតំណែងសាងកេរ្តិ៍ឈ្មោះឲ្យល្បីល្បាញ ដូចខ្លួនឡើយ អ្នកនាងបាននិយាយថា “ទោះជាខ្ញុំស្រឡាញ់សិល្បៈ ក៏ពិតមែន តែសម្រាប់ កូនប្រុសស្រីខ្ញុំ គឺខ្ញុំដាច់ខាតមិនចង់ឲ្យ គេចូលប្រឡូកសិល្បៈ ដូចខ្ញុំទេ។</p>
<p>ខ្ញុំមិនចង់ឲ្យពួកគេ ចំណាយពេល ដើរតាមគន្លងចាស់ របស់ខ្ញុំ ។ ម្យ៉ាងទឹកចិត្ត ជាម្តាយគ្រប់រូប តែងតែចង់ឲ្យកូន បានរៀនខ្ពស់មុខខ្ពស់ មាត់គ្រប់ៗគ្នា ហើយខ្ញុំក៏មិនខុសអីពីគេដែរ បំណងប្រាថ្នា ខ្ញុំចង់ឲ្យកូនបន្តការសិក្សាអោយចប់សិន ចាំគិតទៀត ..!”។</p>
<p>តារាសម្តែងស្រី ដែលធ្លាប់មានឈ្មោះល្បី ក្នុងជំនាន់ អ្នកនាង អម្ពរ ទេវី រូបនេះ បានប្រាប់ទៀតថា តាមពិតទៅ អ្នកនាងក៏កត់សម្គាល់ ឃើញថា កូនរបស់អ្នកនាង ក៏មានចិត្តស្រឡាញ់ សិល្បៈដែរ គ្រាន់តែពួកគេ នៅក្នុងវ័យសិក្សា ហើយណាមួយអ្នកនាង ក៏មានការរារាំង មិនចង់ឲ្យចូលផង ទើបកូនៗ ងាកទៅរៀនសូត្រ តាមបំណងដែលអ្នកនាងប៉ង ។</p>
<p>មេម៉ាយចាយសម្រស់ វ័យជាង៤០ឆ្នាំ អ្នកនាង ចាន់ តារាទី ក៏បានបង្ហើប ឲ្យដឹងទាក់ទងនឹង រឿងស្នេហារបស់នាងថា “បច្ចុប្បន្ននេះ ខ្ញុំបានបិទទ្វារបេះដូង ព្រោះថាខ្ញុំ មានវ័យ៤៥ឆ្នាំ ហើយ ខ្ញុំមិនចង់ទៅគិតរឿង ស្នេហា ស្នេហ៍ហិតអីទៀតទេ..។ អ្វីដែលសំខាន់ សម្រាប់ជីវិត ខ្ញុំពេលនេះ និងទៅអនាគត គឺខ្ញុំធ្វើគ្រប់យ៉ាង ដើម្បីកូន ឃើញកូនមានសេចក្តី សុខសប្បាយ ខ្ញុំក៏មានសុភមង្គលហើយ...! ” ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-0208.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-0207.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0515.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0516.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0517.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0518.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0519.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0520.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0521.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0522.jpg" alt="" width="600" /></p>
<p style="text-align: right;">ផ្តល់សិទ្ធដោយ ៖ ដើមអម្ពិល</p>