<p>ថ្ងៃនេះ តុលាការ កូរ៉េខាងត្បូង បានប្រកាសសាលក្រមដាក់ទោសបុរសម្នាក់អោយជាប់ពន្ធ<br />នាគារអស់មួយជីវិត បន្ទាប់ពីបានរកឃើញថា បុរសត្រកូល គីម នេះបានសម្លាប់មិត្តស្រីរបស់<br />ខ្លួន ដែលកាលដើមឡើយ នគរបាលបានយល់ថា នារីរងគ្រោះនោះ ស្លាប់ដោយសារការស្ទះ<br />ដង្ហើម នៅពេលញ៉ាំម៉ឹកឆៅ។</p>
<p><a class="thickbox" title="" href="/FileManager/Commons/2012/10/12/bachtuoc-1-12-10-2012--10-34-47.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/12/bachtuoc-1-12-10-2012--10-34-47.jpg" alt="" width="400" height="301" /></a></p>
<p>កាលពីខែ មេសា ឆ្នាំ ២០១០ គូស្នេហាមួយគូន បាននាំគ្នាឡើងសណ្ឋាគារមួយកន្លែងនៅក្រុង <br />Incheon ព្រមទាំងបានទិញម៉ឹកឆៅពីរក្បាលដើម្បីធ្វើជាអាហារ។ ខណៈកំពុងញ៉ាំម៉ឹកឆៅនោះ<br /> បុគ្គលិកសណ្ឋាគារក៏បានទទួលទូរស័ព្ទពីបន្ទប់របស់គូស្នេហានេះ ពេលទៅដល់កន្លែងកើត<br />ហេតុ ទើបគេបានឃើញនារីរងគ្រោះ ត្រូវស្ទះដង្ហើម ក្រោយមកក៏បានស្លាប់។</p>
<p>ជាធម្មតាការញ៉ាំម៉ឹកឆៅ អាចនឹងបង្កអោយផ្លូវដង្ហើមមានបញ្ហា ដោយសារតែដៃម៉ឹកអាចនឹង<br />ជាប់នៅក្នុងបំពង់ខ្យល់ ព្រោះសរសៃរបស់វាមិនទាន់ងាប់អស់។ ម្យ៉ាងទៀត បន្ទាប់ពីបានធ្វើ<br />កោសល្យវិច័យ នគរបាលក៏បានរកឃើញដៃម៉ឹកមួយជាប់ក្នុងបំពង់ក ដូច្នេះពួកគេក៏សន្និដ្ឋាន<br />ថា នាងស្លាប់ដោយសារញ៉ាំម៉ឹកនេះ។</p>
<p>ក្រោយមក ដោយសារតែបានដឹងថា កូនស្រីរបស់ខ្លួនទើបតែបានចុះឈ្មោះទិញប័ណ្ណធានា<br />រ៉ាបរងជីវិត តម្លៃ ១៨៩,៤០០ដុល្លារអាមេរិក ដែលបុរសត្រកូល គីម(ជនល្មើស) នេះជាអ្នកនឹង<br />ទទួលបានប្រាក់នោះ(ប្រសិនអ្នកទិញប័ណ្ណធានារ៉ាបរងស្លាប់) ឪពុករបស់នារីរងគ្រោះក៏ស្នើរ<br />អោយធ្វើការស៊ើបអង្កេតសាជាថ្មី។</p>
<p>បន្ទាប់ពីបានធ្វើការស៊ើបអង្កេត និងរកឃើញភ័ស្ដុតាងដែលគួរអោយជឿជាក់ ក្រុមនគរបាល<br />មានសមត្ថកិច្ចក៏បានអះអាងថា នារីរងគ្រោះស្លាប់ដោយសារក្រណាត់។</p>
<p>AFP ដកស្រង់សំដីរបស់អ្នកតំណាងតុលាការ បានអោយដឹងថា ៖<em> "មូលហេតុដែលនាំអោយ<br />នាងស្លាប់នោះ គឺក្រណាត់។ នារីរងគ្រោះ គឺមានការពិបាកទំពារណាស់ទៅហើយ នៅពេល<br />ញ៉ាំម៉ឹក ប៉ុន្ដែវាមិនសមហេតុផលសោះ នៅពេលនាងអាចញ៉ាំម៉ឹកឆៅមួយធំ ដោយមិនបាន<br />កាត់វាជាដុំតូចៗ"។</em></p>
<p>បច្ចុប្បន្ន គេនៅមិនទាន់ដឹងថា ជនល្មើសត្រកូល គីម នោះនឹងធ្វើការប្ដឹងឧទ្ធរណ៍ ឬយ៉ាងណា<br />នោះទេ៕<br /><br /></p>
<p style="text-align: right;">ដោយ ៖ សូរីយ៉ា<br />ប្រភព ៖ AFP/ VE<em></em></p>