<p><strong>ភ្នំពេញ៖</strong> កន្លងទៅមហាជន ទូទៅដឹងយ៉ាងច្បាស់ថា តារាសម្តែង ប៉ែន ចំរុង និង កញ្ញា ទឹម រដ្ឋា<br /> គឺជាគូសង្សារនឹងគ្នាហើយ តែងតែទៅណាមកណា នឹងញ៉ាំអីជាមួយគ្នាជាញឹកញាប់ ។ តែបន្ទាប់<br />ពីមានភាពស្និទ្ធស្នាលផ្អែមល្ហែមជាមួយគ្នា អស់រយៈពេលជាច្រើនឆ្នាំរួចមក គេសង្កេតឃើញថា <br />មួយរយៈចុងក្រោយនេះអ្នកទាំងពីរ ហាក់ដូចជាមិនមានភាពស្និទ្ធស្នាល ជាមួយគ្នាដូចគ្រាមុន<br />ឡើយ ព្រោះគេមើលឃើញថាស្រីស្រស់ សាច់សរដូចបណ្តូលចេក ទឹម រដ្ឋា បានបង្វែទិសទៅ<br />កៀកកើយ ជាមូយបុរសសង្ហា អេឡិច ចិន្ត្រា ទៅវិញ ។ តែចំណងស្នេហ៍រវាងទឹម រដ្ឋា និង ប៉ែន<br /> ចំរុង គេដឹងថា មិនមានអ្នកទីបីមកជ្រៀតជ្រែកឡើយ ពោលគឺអ្នកទាំងពីរអស់ចិត្តនឹងគ្នាតែម្តង។</p>
<p>បន្ទាប់ពីអ្នកទាំងពីរមិនសូវដើរជាមួយគ្នា និងល្អូកល្អឺនជាមួយគ្នាអស់មួយរយៈមក គេបានមើល<br />ឃើញថា កញ្ញា ទឹម រដ្ឋា បានទៅស្និទ្ធស្នាល និងចាប់ដៃគូរាល់ការសម្តែង ជាមួយបុរសសាច់ស<br /> អេឡិច ចិន្ត្រា។ ខណៈដែល នាងបានចាប់ដៃ គូសម្តែងជាមួយលោក អេឡិច ក៏មានពាក្យលេចឮ <br />និងមានបណ្តាញសារព័ត៌មាន មួយចំនួនចុះផ្សាយថា ទឹម រដ្ឋា និង អេឡិច ចិន្ត្រា មានស្នេហាជា<br />មួយគ្នាផងដែរ ។</p>
<p>តែជុំវិញព័ត៌មានរវាងទឹម រដ្ឋា និង អេឡិច ចិន្ត្រា ថាមានទំនាក់ទំនងស្នេហាជាមួយគ្នានេះដែរ <br />កន្លងមកត្រូវបានអ្នកទាំងពីរបានប្រាប់ បណ្តាញសារព័ត៌មានរួចមកហើយថា គ្មានទំនាក់ទំនង<br />ស្នេហាជាមួយគ្នានោះទេ គឺអ្នកទាំងពីរគ្រាន់តែ ចាប់ដៃគូក្នុងការសម្តែង នៅលើឆាកតន្រ្តី ឲ្យមើល<br />ទៅប្លែកភ្នែកតែប៉ុណ្ណោះ ។ តែដោយឡែកបន្ទាប់ពី មិនសូវឃើញវត្តមានរបស់ តារាសម្តែងរូបសង្ហា<br />ពូកែសម្តែងឡប់ៗ លោក ប៉ែន ចំរុង និង ទឹម រដ្ឋា ដើរជាមួយគ្នានិងស្និទ្ធស្នាល ជាមួយគ្នាអស់មួយ<br />រយៈធំរួចមក ស្រាប់តែថ្មីៗនេះ មហាជន និងអ្នកនៅក្នុងចង្កោមសិល្បៈ មានការភ្ញាក់ផ្អើលយ៉ាងខ្លាំង បន្ទាប់ពីឃើញវត្តមានរបស់តារាសម្តែង ប្រុសស្រីទាំងពីរដួងនេះ បានណាត់ជួបគ្នានៅក្នុងមជ្ឈ<br />មណ្ឌលកម្សាន្តថោន ។</p>
<p>ខណៈ លោក ប៉ែន ចំរុង និង ទឹម រដ្ឋា បានជួបគ្នានៅក្នុងក្លឹប ថោន នេះដែរ គេមើលឃើញថា អ្នក<br />ទាំងពីរនៅតែមានភាពស្និទ្ធស្នាលជាមួយគ្នាដដែល មិនមានអ្វីប្រែប្រួលនោះឡើយ ព្រោះនៅពេល<br />ដែលអ្នកទាំងពីររាំ គឺមានភាពស្និទ្ធស្នាលនិងស៊ីចង្វាក់គ្នាបានយ៉ាងល្អ ។ ចំពោះការជួបគ្នារវាង ប៉ែន<br /> ចំរុង និង ទឹម រដ្ឋា នៅក្នុងក្លឹបថោន នេះដែរ គឺពួកគេជួបគ្នា នៅក្នុងកម្មវិធីថត MTV របស់ផលិតកម្ម<br />ក្រៅស្រុកមួយ មានឈ្មោះថា ផលិតកម្ម For You ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0389.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0390.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0391.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>